Unconfigured Ad Widget

Collapse

قصة سفرنا الى الامارات بكل صراحة وصدق .....

Collapse
X
  •  
  • الوقت
  • عرض
مسح الكل
new posts
  • المجداف
    عضو مميز
    • Apr 2002
    • 4273

    قصة سفرنا الى الامارات بكل صراحة وصدق .....

    طبعا الرحله بالسياره

    ومع العائله

    وهي مخصصة للعائلة فقط

    حتى انا بنفسي لم يكن لي نصيب من هذه الرحلة

    نصيبي منها فقط الصرف البذخ والتعب عبر قيادة السيارة والحرص على توجيه

    افراد الاسره للاستفادة من الرحله قدر الامكان وتقليل الصرفيه .

    نبدأ ونقول بسم الله بسرد القصة بكل امانة وصدق .

    طبعا مثلنا مثل غيرنا اول شيء استعدينا ماديا ومعنويا للرحلة بالرغم من اني

    لم ارغب فيها ولكن حشمة وكرامة لافراد الاسره بحكم تفوقهم في دراساتهم

    قلنا نحقق لهم القدر اليسير من التشجيع المعنوي ودفعا لهم لتقديم الافضل في

    باقي تعليمهم عندما يبدأ الموسم الدراسي القادم .

    من عادتي اذا رغبت بالاقدام على عمل شيء ما , كالسفر او شراء احدى السلع

    الكمالية او الاستهلاكية او شراء بعض الطعام من المطعم وما شابه ذالك من الاعمال

    ان استشير عائلتي واعمل تصويتا واذا تعادلت الاصوات نعيد التصويت مرة اخرى

    الى ان تظهر نتيجة التصويت النهائية ونقرر بعدها مايتم الاتفاق عليه في نهاية الامور .

    طبعا التصويت هو الفاصل في النهاية ولا اخفيكم سرا اذا قلت انني احيانا استخدم نفوذي

    وصلاحياتي ودهائي كرب اسرة بتوجيه التصويت نحو المصلحة الخاصة لي ثم لأسرتي الفاضلة .

    عموما انتهي التصويت بعد مداولات ومباحثات وضغوط على نتيجة نهائية على السفر الى دبي دار الحي والامارات بصفة عامة .


    طبعا اتجهنا جميعا مباشرة الى الانترنت للبحث والتحري عن الرحله ومايتوجب علينا عمله

    قبل السفر وعند الوصول وبعد الوصول الى وجهتنا .

    حصلنا على المعلومات كاملة بالتفصيل وحددناها في خطوات معينة كانت :

    اولا فحص السيارة

    ثانيا استخراج الجوازات

    ثالثا حجز السكن وهنا بدأ العمل الحقيقي ..... ..... ..... يتبع
    ....

    ناس (ن) يجيها المال وناس(ن) بلا مال

    وناس(ن) على جمر الغضا ماسكينه

    يا الله ياربي طلبتك بالآمال

    تعجل لنا بالغيث لو جات عينه


    ... المجداف ...
  • المجداف
    عضو مميز
    • Apr 2002
    • 4273

    #2
    وين وصلنا

    ايه ايه .. وصلنا لحجز السكن طبعا اللي يقول احجز من موقع بوكنق واللي

    يقول لا ماينفع بوكنق المهم الاراء تعددت في كل مكان كل يدندن في الانترنت

    على موال مصالحه ويحاول استدراج الزباين لموقعه واخوكم المجداف المسكين

    مسوي فيها ابو الاذكياء اخيرا استقرينا وقررنا الحجز عن طريق احد مكاتب السفريات

    في الرياض .

    اتصلت فيهم وكلمني احد الشباب من بلاد الشام على مايبدو لأني اقول له السلام عليكم

    ويقول لي اهلين انا اسلم وهو مايرد السلام ( قلت ياولد اكيد هذا من حقين حزب الله في لبنان )

    ماعلي بشوف وش نهايتها معه واخر العلوم .

    المهم حجزنا الفندق من عنده وكان 3 نجوم قلت له الفندق مافيه ازعاج قال ولو مافيه خيو

    تعرفون انا مسافر مع العائله ويزيد يطلع الفندق الله بالخير ( اتورط وانا عصبي نفسي راس خشمي ومعاي العيال مشكله ..!!)

    وانا شرحت لابو شكشك اننا محافظين ولنا خصوصيه ..قال ابو شكم ماتخاف , قلت يالله توكلت على الله

    وحجزت واعطيته الفلوس كاملة (حولتها على حسابهم ) حقت خمسة ايام كاملة واخذت الاوراق وفاوتشر السكن

    وذهبت للمنزل وقلنا للعائله توكلنا على الله بعد الفجر نمشي .

    مشينا بعد الفجر ووصلنا ظهرا للحدود السعوديه الاماراتيه قلت للعيال قبل ماندخل الحدود خلونا نصرف دراهم

    ونعبي السياره بنزين .

    فللنا السياره وتوجهت الى بنك الراجحي الله يرحمه وسألت الموظف في البنك عن موضوع الصرافه

    قال مافيه صرافه عندنا ,, طالعت فيه وقلت طيب هذا بنك .. ..؟

    قال الموظف ايه , قلت ليش مافيه صرف ومكانكم على الحدود ومن الطبيعي فيه مسافرين يحتاجون

    للتحويل سواء دراهم او ريالات وهذا من صميم تخصصكم وعملكم , قال الموظف روح اسأل الاداره ,

    في الرياض , قلت له في المشمش والشرهه ماهي الا علي جيتكم اركض لكن ماتستاهلون والله الا (؟) .....

    مشيت الى الحدود ودخلت مساري المخصص وكان مسار واحد اخضر وعشرين مسار احمر

    والسيارات ورا بعض زهقانين وطفشانين ومرهقين نتحرى اصحاب السعاده يجمركونا ............. يتبع
    ....

    ناس (ن) يجيها المال وناس(ن) بلا مال

    وناس(ن) على جمر الغضا ماسكينه

    يا الله ياربي طلبتك بالآمال

    تعجل لنا بالغيث لو جات عينه


    ... المجداف ...

    تعليق

    • المجداف
      عضو مميز
      • Apr 2002
      • 4273

      #3
      سبحان الله ولا رد ولا تعليق

      شكلي باقفل الموضوع

      وانزل بدلا منه اراء ورجهات نظر حول رحلة المجداف الى دبي .

      ..... تم اغلاق الموضوع من قبلنا .
      ....

      ناس (ن) يجيها المال وناس(ن) بلا مال

      وناس(ن) على جمر الغضا ماسكينه

      يا الله ياربي طلبتك بالآمال

      تعجل لنا بالغيث لو جات عينه


      ... المجداف ...

      تعليق

      Previously entered content was automatically saved. Restore or Discard.
      حفظ تلقائي
      Insert: Thumbnail صغير وسط كبير Fullsize Remove  
      or Allowed Filetypes: jpg, jpeg, png, gif, webp

      ماهو اسم المنتدى؟ (الجواب هو الديرة)

      Working...