Unconfigured Ad Widget

Collapse

شدا في عيون الشاعر الشعبي محبا ومفتونا

Collapse
X
  •  
  • الوقت
  • عرض
مسح الكل
new posts
  • منقاش
    عضو
    • Sep 2007
    • 12

    #16
    مشكور يا أخ سعيد على هذه الافاضة في جبل شدا وهذا دليل على أنه من أكبر المعالم البارزة :
    ياشدانا لا تقل باطيح واتولى سقامة

    تعليق

    • سعيد الفقعسـي
      عضو
      • Dec 2007
      • 53

      #17
      شيخنا العزيز / قينان
      مرورك شرف لنا وتعليقاتك وملاحظاتك تنير لنا الطريق
      الواقع اني وجدت القصيدة المذكورة في اكثر من موقع منسوبة لابن ثامره
      ولكن لا يفتى ومالك في المدينه. دمت لنا حفظك الله ورعاك.

      تعليق

      • سعيد الفقعسـي
        عضو
        • Dec 2007
        • 53

        #18
        الأخ العزيز/ منقاش

        اشكرك على مرورك الجميل حفظك الله ورعاك

        تعليق

        • سعيد الفقعسـي
          عضو
          • Dec 2007
          • 53

          #19

          ويستمر الإبداع وهذا البدع الجميل من الشاعر أبو سكات

          البدع
          شدا ياشدا ليتيني من سدك ابدي
          واشوف رتبه عز رتبه
          وأشوف من في البقا واش راح واش راح

          ويشاركه الابداع في الرد :يحيى المطوع
          الرد :
          غشايش الدهر حلت سد كبدي
          ومن تجيه الغشايش عزرتبه
          ماعد يجينا الرضا واشراح واشراح

          لا عجب إذا إن نسمع بشدا الكبير من السنة الكبار والبدع هنا من هذا الشاعر العملاق ( الشاووش ) حيث كان للقوة والجزالة والتراكيب المبدعة حظ وافر

          البدع / الشاووش
          والله لو كان ماهلا هزيز القبايل مانشد
          جدنا قبلنا منصور فيها نزل ماشد منها
          والمخافات والذلات ماهي عوايد جدنا
          يوم كلا يقل له ديرة الخوف منها شد ابى
          استمع يالبيب العقل قولي ورد الجاه لينا
          مابنا الا وقوتا جف قطر السما من شدها
          والا فان العشاير ماعزمنا على شدان منها
          لو تضل الجنايز تفحم العيس من شدانها
          مانقلنا القدم من دوقه الا يكن شدا شدا
          بلاد تونس يوم جاها ذياب
          فيه الزناتي بات قلبه وجيع
          وذياب غلق بوبها والقوافل
          يدرج عليها والقفل قافله

          الرد / بن طوير
          ياسلامي على اللي عن جميع القبايل مانشد
          يارجالا كما روزة شدا حنها ماشد منها
          يدرج الشمس جوف العرش زوله وهو ماجا الدنا
          روزة مانقلها غامد اللي كما نشر الدبا
          يوم ينظر لها العاقل بعينه يرد الجاهلينا
          تذهب اللي يراها محنقه في الهوا من شدها
          عزك الله ياللي لابنى حجته شدان امنها
          يتناهون عالمنكر وشيخ الجبر شدانها
          انا بانشد عن افعالك وعن فعلنا شد انشدا
          اصيف عن درب النمر والذياب
          ان كان تشكي من شرابا وجيع
          واعدل وجنب عن طريق القوافل
          والنمر خله يلقف القافله


          في حفل زواج بقرن ظبي قال الشاعر الكبير على دغسان ابو عالي هذه القصيدة البديعة يمدح فيها زهران وغامد وهي من عيون القصائد التي تناولت غامد الهيلا
          البدع
          يا سلامي على صعبان صعب الجمال وسيدها
          خيرة الناس شام ويمنا في عربهم والمذاهب
          علمونا الذي قدامنا وانحن كل درا
          والضيف والعطاوي والكرم ما تبيح رزق وارد
          والبخل والحرارة ما تكثر قروش المفتقر
          فان ربي جليل الملك جيد يحب الجيدين
          والشكالة مع أصحاب النبي نابته والشيم حق
          والتحية لزهران العناصي سلاب الشور كفه
          من بني سار لا التهمان لا دوس لا قلة شدا
          أهل ذيك الفعايل يوم جا الباشه والحيدر معه
          الرد
          عزوتي غامد الهيلا هبو للفتن دعس ايدها
          يوم تبتل بيارقهم يخلون راعي الزعم ذاهب
          وان بدتنا اللوازم برحوا للجمايل بندرا
          نتلقى الحرايب حن تظلي مزارعها جوارد
          ودي اعلمك بالمقصود ياكل متصلف تقر
          عزنا بالله المعبود والراس تحميه اليدين
          لو تروح الرقاب العوج دون اللحا والشيم حق
          والنمر لا عدا في القافلة يلزم العادي بكفه
          واخترج فاقته من سد زوره ولا له ناشدا
          ما تحراني افزع له بشوني وبالحيد ارمعه

          من حق محمد بن حوقان المالكي أن يتفنى ببثرة بني مالك ولكن شدا غامد وزهران مقطع في المعزوفة

          البدع : محمد بن حوقان

          يا جبـل باثـرة مهمـا كرهنـاك تبقـى باثـرة
          وجهك ابيض وراسك شامـخ لسمـوات البعـادي
          وارضك الطيبة ما تحمي الا النمـورة والاسـود
          فيك صبر الجبال وطيبة البحر يوم البحـر هـادي
          فيك حقد الجمال وسطوة النمر واخـلاق الرجـال
          لوكان الكذب والبهتان بيحيل مثلـك مـن مكانـه
          كان هدم شدا وإلا تعـدى ربـا مـن سـد نيـس
          لكن الحمـد للـي قدرتـه مـا يطاولهـا بـن ادم
          بيده أعمارنا والكـون فـي قبضتـه وتصرفـه


          الرد من عبدالواحد بن سعود

          يا محمـد مـن اعطـاك القفـا لاتـدور بأثـره
          اعتبر كل شي عادي وحتى ولـو ماهـو بعـادي
          والذهب يصهرونه بالصهاريـج والسيـد يسـود
          والذي ما هداه الله مـا لـه مـن الثقليـن هـادي
          والذوق المضطرب ما حط بين الحلا والمر جـال
          ليت لي مثل ما للراجحي من كنوز ومـن مكانـه
          كان يمديني اعرض عن وجوه الردى وانس الدنيس
          الجنيه الحقيقـي يفحصـه كـل كـف يبنـي ادم
          والجنيـه المزيـف لايـد تفحصـه وتصـرفـه


          ونعود مرة أخرى مع الدكتور دكتور القصائد عيضة بن طوير

          البدع :
          بعض الناس يبدي لي فنون الرضى والدس معه
          والدسايس على قلب الحسودي كما الليل المضول
          وانا مبغى الحسد لو يغدي اكبر جبل بثا منه
          مبغي الا الوفاء واللي يدور وفانا يلق وافي
          واغلب الناس له رغبه تربا عليها وانجبل
          تجري الريح وتصد البواخر وتنشق الشوارع
          وابني ادم يسير بالقدم والقدر يطوي خطاه
          والمعايير ما بي ترسي الا حملا(ن) يصبر
          والحمول الثقيله كان ما يحتملها الا جمل
          واللذي في ديار الخبت مشروبه الماي الحميمي
          لا يلقي شدا حتى يغطي على البن ثامره

          الرد :

          الجماهير حدوني على هرج ما ودي اسمعه
          وانا عارف وفاهم للمقاييس من عصرا(ن) مضى اول
          ابتكرت الشعر واتقنت وضعه وانا بالثامنه
          كنت اصوغه واجيد الوصف واحكم صدوره والقوافي
          وارسمه بالذهب وارسي عماده على قمة جبل
          واما ذا الحين صار الشعر يكتب على ابواب الشوارع
          والعرب ينطقونه ما نميز صوابه من خطاه
          ان رمونا بكلماتا(ن) تسد النحر قالو تصبر
          وان بغينا نرد الفعل بالفعل قالو ما جمل
          وين حوقان ابن زربان راع الملاحم والحميمي
          فينه المالحي فين ابن عقار وابن ثامره

          ويستمر الدكتور عيضه بن طوير في كتابة وصفات ناجعة

          البدع
          يا ابن عمي ترى نار الفتن ماتلوح الا بشر
          ودنا نقبض النازي وبكره نزيد القيد عقله
          قبل نغرق وربان السفينه يلف التخت لف
          الذبايح بعد فالمجزره والقدر فوق المناصب
          ربما تدفع الاثمان بكره لنا واليوم لك
          والكبش اللي ذبحته في منى تضحيه مدري متى آجر
          يجعله في موازين احسناتك يظلي راجحي
          والمقام الذي يصغر به اللاش يعتز البطل به
          والتاجر يبغي الاموال تصدر بليا فايده
          والجسم لا مرض عضو(ن) منه ماتليق ابراج روحه
          ليتهم عاشوا اصحاب السماحه وراعي المكر مات
          وقديمك نديمك لو يغير عليك الوقت دابه
          الصداقه تجدد بيننا والقلوب محلها
          والذي يقنص الغزلان ماكل صيده تلقى صايد
          واللي يرقى شدا الشدوان يقطف من البن ثامره
          والمكان الذي يربى خيوف النخل قلبي ولع به
          يا ما نحصد من المابي وياما نصدر من تمير
          وانا لي نيه اغزي الوكر من قبل ينفر ياخ طيره
          والا يسبقني اللي نظرته ماتعدى حاجبه

          الرد
          ابن منصور يقل مانا مكلف بتصريف البشر
          قدر الله فيهم مايشاء واقتنع كل(ن) بعقله
          السبل والطبايع تتفق والنوايا تختلف
          واحد من مبتدى عمره يحاول على طلب المناصب
          وايدوه القبيله وايدوه الحكومه والملك
          والثاني وجه انظاره لنيل المعيشه والمتاجر
          كل ليله يقل مدري متى اصبح مثيل الراجحي
          والثالث كل ما اصبح يوم مايلتقيني الا بطلبه
          اشغل المجتمع واشغل حياته بليا فايده
          والرابع لو نحطه عند راس المريض ابرى جروحه
          دين واخلاق مرضيه وحاز الشرف والمكرمات
          والخامس حكم افكاره وفي كل ماقف يقتدى به
          جمع الشمل وابرى ذمته والمشاكل حلها
          والسادس خذ مع الشعار موقف علشان القصايد
          يحسبه غاص في بحر ابن هذال وابن ثامره
          والسابع من طموحه للمناصب خذوه الناس لعبه
          يقولون انت رئيس منطقه وانت قاضي وانت امير
          مادام انه مغامر قدمه للمهمات الخطيره
          اما حاطت به الاخطار والا قضينا الحاجه به


          إذا حضر المديح حضر شدا وإذا مدح الرجال برز شدا

          البدع صالح بن عزيز
          القناعة في الدنيا تزيد السعادة يا سعيد
          الله يا مقرب العاقل اليها ويا بعد المسافه
          ناس ما تنطوي فيها المحبة وناس طيبين
          والنوافع فيغمدها ورى كل سيف عند غامد
          لو جردنا السيوف على رقاب النصارى يسلمون
          هل تمر القوافل في طريق الجبال وهل تجاره
          نمدح رجال مثل جبال(ن) اقصد بها واهل اقتصاد
          يا شدا فيك طلع البن وعلى جنوبك فوق راسي
          والمزون أسقت الدخن التهامي ولانت عالذره
          انت فوق الجبال وقامتك نايفه وأنت المبدى
          الله يكفيك ثورات البراكين وسويدا القلوب
          كم جبال وقع فيها زلازل ولا شيخانها

          الرد سعيد بن هضبان
          يا محمد تقل يا صالح ابغي الحضور ويا سعيد
          قلنا تبشر بسعدك واقتدرنا على بعد المسافة
          ما حسبنا التعب وحضورنا عند ناسا طيبين
          من غلاك أنت منا ليتنا كل يوم عند غامد
          قولوا عسى بن سعدي والمطاليق مثله يسلمون
          لن صبيان غامد هل تواريخ مجد وهل تجارة
          وأهل علم يسمى بالعرب وأهل دين واقتصاد
          قدر غامد كبير عندنا وأنت قدرك فوق راسي
          مثلكم يابن سعدي لا نبيعه ولا نتعذره
          وأنت يابو على تسبق على الاوله وأنت المبدى
          وال عبدالله لهم منزلة في سويداي القلوب
          لا عدم يامراويس القبايل ويا شيخانها

          وهذا بن عزيز يزودنا بتقرير عن جبل شدا ومدى صلابته وقوته واستحالة مجاراته

          البدع : صالح بن عزيز
          ياعلي واش مصير اللي بلا قرن ويناطـح شـدا
          ينهشم راسه المصدوع واعظامه العوج الهزيلـه
          مادرى ان الذي ينطح شدا في جنوبه ما يضيـم
          راسي(ن) ما تحركه العواصف وصرخات الهبوبي
          لو معك ستة مية قرن وتناطحه من كل صـوب
          ابتعد عن شدا لا تنطحه ماعاد اكبر مـن صليـه
          يمكن يطيحك فـي وادي(ن) ماتمـوت اعقاربـه


          حدث خلاف بين قريتي الباحة والظفير قتل على اثرة ثلاثة اشخاص, تدخل البعض في الصلح وفي هذا الصلح حضر شدا حيث قال الزرقوي.
          البدع:
          مرحبا يالذي في كل شورٌ صليبٌ حاكمين
          كان ودي يكن ترويس تالمحكمة فيدك عن ايدي
          علنا نتريح من خياط الثياب الفيصله
          اعجلوا يالقات الخير بالتحلية والمش خطى
          صفة البين صفة وش معك لي وللكاذب حجاره
          كل واحد معه في القلب غلٌ ويبدي سنته
          لا تعبر بعاض احلامك الا على وجه سعيد
          انت يالحارثي سيفٌ معلق وتسمع فيه وله
          ولةٌ لو سمعها كافر في شدا النايف للان
          والعجب مرتين نحس فوق الطوارف هيدمات
          آنحن قيفكم لكن في ذا العصور آحب واشنى
          المحبه لذا صداق واشنى كذاب المصوري
          لبسي اربع لحام وكل لحمه مثيل التاسعه
          من شفا الباحه لا غثران صورا وله واللوب لاوي
          لافتكرنا في اهل الكبر والزود والمعناديه
          نشتري مالمحدش والهنادي وطعن الزرقوي
          والعقايب تجي بين العرب ما بدعناها بداعي
          الحسين ابن سيدنا علي رايها في كربلاء
          والمطر من يرده لا نصا ديرةٌ وانشى لها
          الرد:
          اما انا فانني باحكم وربي خيار الحاكمين
          واستعنا بربٌ قامعٌ كل جبارٌ عنيدي
          والنبي سيد الكونين صلوا عليه الفي صلاه
          المشيري وولد المرصعي سار فيهم شي خطا
          الظفيري يقول الجار جاري ولا احد ذبح جاره
          واليسيدي يقول آنا ادرق في الكتاب وسنته
          قلت ربه يكن عيسى بن مريم ندر يذبح سعيد
          والثاني ذا هبط سوق المعابر وخذها من هوىٌ له
          ماحدا قال علوى بك وياحلتي بك يا فلان
          استصبنا من المنقود الاول وقالو فهيد مات
          ونسيا الثلاثة يا غبوني عليكم يا بوشنا
          القبيسي وبو مسفر نحاز العدو والمصوري
          قلت بنبدي الاجناب وانحن من الله في سعه
          كل دار تقابل جارها في قرى والا بلاوي
          ان عفو ذا ورى الجيران وان قالو المعنى ديه
          يا قبيله تراني طالب الشيمه وآنا الزرقوي
          في غلام حضر محضار ماهوب له من غير داعي
          وبلى المستحين وزاد فوق البلا منكر بلا
          قسمنا يابني عبدالله والمخطيات نشيلها

          تعليق

          • سعيد الفقعسـي
            عضو
            • Dec 2007
            • 53

            #20

            نعود مع الإبداع مرة أخرى وهذه المحاورة الجميلة بين السالمي والخراشي
            الــبـــدع : علي السالمي
            قـال ابـو نـواف ياشعـري سميـت وعـزتـك نـومـاس
            ماخذيـتـك بالتبـنـى لاوربــى وانـــت ورث اجـــدادى
            انـت قطـعـه مــن شـغـاف القـلـب مـمـزوج معـادمـي
            انـا لـك صـوت شـدابـك والـزمـن ردد مـعـا شـدوانـا
            وانت لى سيـف ثنيـت بـه الرقـاب العـوج مـن شبـاه
            لك على انـى لاصونـك وحفظـك عـن مبتغـا حسـادي
            وانــا لــى مـنـك الــى مـنـا تحديـنـا تجـيـب الـكــاس
            فى رجال الحجر لك مبـدا يشـرف كـل منهـو حجـرى
            لانك اعمق من تخوم الارض فى روعة شـدا ونيـس
            لـك عليـه عهـد لا صونـك مصانـت مزهـر الثربـانـى
            وانـى احيـي فيـك بــن لاعــدل وتاريـخـك يـتـم حــي
            ياعلي ليش احرق اعصابى وغيرى محترق فى ثوبه
            ذاك لايـســمــن ولايـغــنــى ولايـنــفــع ولا يــضـــر
            طالـمـا ان الشـعـر مـــن نـســج الـخـيـال وعبـقـيـرة
            شاعـر ياكـل الحاسـد تـراب وينهـدم جـدر البغايضـى
            الــرد : علي الخراشي
            الوفـاء فعلـه ضـرورى بيـن جمـع المسلميـن ومـاس
            لابـنـيـنـا مابـنـيـنـا الا بــيــوت طـيــبــه وجـــــدادى
            وان تـوحـد فكـرنـا فـكـر ادمــى يمـشـى مــع ادمـــى
            واقـلـوب جـــات بالـعـلـه نـداويـهـا وعـــاش دوانـــا
            ماعليـنـا مـالــدروب الـلــى بـهــا زحـمــه ومنـشـبـه
            يامعاديـنـا لــو ان الطـيـب سـيـد فـيـك والـحـس ادى
            كـان ماجرعتـك وجرعـت غيـرك مـن مـرار الـكـاس
            ياحليلـك ياغشيـم قلبـك اجمـد مـا لصفـاء والحـجـرى
            عشت فـى الدنيـا وحيـد ولامعـك صاحـب ولا ونيـس
            والحـروب الساخنـه يبنـى لهـا التاريـخ واثــر بـانـى
            والـحـروب الـبـارده عــدت بـهــا الـدنـيـا وتنـمـحـى
            والكفـو والشهـم قولـوا ياعسـى الله يرزقـه ويثـوبـه
            والـردى ماهمنـا لـن غــاب فــى الميـقـاف وانحـظـر
            ياعلى نـور القمـر كنـت احسبـه انـه هيبـة ومشاعـر
            واثـر لـولا احتـراق الشـمـس حـولـه مابـغـى يـضـي


            شدا العلم البارز إن مدحنا غامد وان مدحنا زهران

            البدع عبدالواحد بن سعود

            ياسلامي على غامـد ومـا اقلّهـا قولـة سـلام
            شوفوا وش كتب الجاسر , وشوفوا كتاب الهَمَداني
            ما نسوا ذكر ابو ظبيان الاعرج ولا سعْد ابن سيل
            غامد الهيلا تاريخٌ على امجـاد واقمـارٌ بـوادي
            غامد الهيلا يالشمس الذي من سماها مـا تغيـب
            وانحن وانتم كما ذيك الجبال الرواسي في تهامـه
            لو تهدم شدا غصّ التهم بالهضاب اوطاح نيـس
            مـا يرفـد لنيـس ويمسكـه لا يطيـح الا شـدا

            ويستمر المدح وتأزر الجبال

            البدع : عبد الواحد بن سعود
            ياسلامي على بيت آل عيضه والمحاميد روس
            ان بدت ساعة الرحمن ما غاب المحاميد عنها
            وانتم الصف الاول في المعارك يامحاميدنا
            وانتم انسابنا وانتم لباس الجنب يابني عامر
            مرحبا من عزا عيضه بن صالح ياعزا برقوش
            واحنا وانسابنا مثل الجبال الشامخه في تهامه
            لو تهدم شدا والا هوى من ساعته طاح نيس
            ما يرفد لنيس ويمسكه لا يهبط إلا شدا
            يامحمد مدح زهران محمــــودي
            اهل قلت يوعض الناس بوعيظه
            يحفظونه في مكـــانه عليّانـــــا
            والمذاهب والجمايل عـــــوايدنــا
            ما هو اول معرفتنا بها الليلــــة

            الرد : محمد بن حوقان
            ما انت معذور يالقاضي لو أعطيت المحامي دروس
            كل ما جبت لي حجة توقعت المحامي دعنها
            ميلت كفت المظلوم لكن المحامي دنا
            وآبيوت الردا ما اسرح لدفن الظلم والبني عامر
            كنها ساري يستر متونه بالثياب الرقوش
            لا تجبر عليه ولا تحاكمني بليا تهامه
            آنا ما انا بظالم في طريق الحق ياطا حنيس
            وقتنا ينصف المظلوم والا يسقي اللاش دا
            اللتقينا عــــامريٌ ومحمودي
            يوم جينا في رضاكم يـابو عيضه
            وانت عنوان الوفـــا ياعليانا
            راعي العادات يعــرف عوايدنا
            لا يرد الظامي الا بهـــــليلة


            محاورة أخرى جميلة بين شاعرين قديرين

            البدع : سعيد بن عيسى
            يا مرحبًا وهلين يا مالحي ميات
            من معرفة بالصدر والقلب وافرات
            يا ولد شيخ ابن حسن ما هم الخَلفات
            ترحيبةٌ تنقل شدا دوقة ابن خير
            الرد : سعيد بن عيسى
            أيات شرب المحض والمالحي مياة
            وأيات شرب العذب والهمج والفرات
            ويات شرب المحض من وبلةٍ خلفات
            ويات يا أخي عزوة البل والإبن خير
            البدع : محمد بن حسن المالحي
            بقيت يا للي عنده المال حيّميات
            ويطرد اللي حاصلة والنوافرات
            بد الذي حاضر وكب الذي خل فات
            يا أخي سعيد ابن المعاريف وابن خير
            الرد : محمد بن حسن المالحي
            ولا تقول العود ذا ما لحي مَيّات
            إلا من المنشار إلى ما نوى فرات
            وكل يوم يسهل الرّزق والخُلفات
            وانا شربت السمن واخَلّي البن خير


            وهذه من القصائد النادرة للشاعر/ أحمد بن حامد بن فهران من قرية حزنه

            البدع
            يالله إني طلبتك يالذي مايخيب طالبه
            أدن بالعافية والستر سبحان وجهك وأنت والي
            والي الكل سبحانه وهو ذا خلق جنة ونار
            وخلق سبع أراضي هم من بعدها سبع اسميات
            وأنزل الدين على محمد وبين بيانه في كتب له
            والنبي سيد الكونين ماجاء وراه ولا نبي
            كلّمته الغزالة والشجر سبح الله والمدر
            دعوة يتقبلها الله ويمحق قرانات النصارى
            وإن شاء الله كل كافر بعد هتلر يجي له حزنتين
            هم لاتان حزنه يبعد الله روحه وأنهلك
            الرد :
            ياسلامي لراس القيف لاطال رأسي طال به
            مثل طولة شدا واثرب ولكني أشفق من توالي
            والبعض لو جينا نطلبه مقدية جنه ونار
            جدنا كان سبع أسمه وعوّد لذا السبع اسميات
            كيف ياحزنوي كانت جميع القبائل منك تبله
            ويقولون فين اللي مثيل أهل حزنه لانبي
            وأدعي الله سبحانه يعجّل بحظه والنصارى
            وأنا في ظنتي مابي يشد الرشد من حزنتين
            وأحموا الديرة اللي تجيب الفوائد من هلك


            جريبيع بن صالح الزهراني وطرق الجبل وجبال تهامه

            البدع

            وزنت حبك يالذي في القلب أتلاع
            حبـه فـي الانـعـاش داويــن
            واللي يفيده وربى مثله ربى مـال
            أرج يــا قلـبـي ولا أتـيـاس
            في الذي حبه رعى قلبي والأنعاش
            مـن ورى أضـلاع والأصـدار

            الرد

            يزن بالأنصب وبقلة نيـس وتـلاع
            وكــبــر والا شــداويـــن
            ونيس الأجرد لو يطيح على ربا مال
            مـن سـوى الغـارب والأتيـاس
            وعقبة سبه تطيـح وصـدر نعـاش
            وتـهـادم بـاقـي الأصـــدار

            الشاعر( النديم ) يبدع هذه القصيدة الرائعة بدعا وردا

            البدع
            ياسباع الغابة هذا اللي تشوفونه ضريح اسد
            كيف تقلون الاسد قد مات واشباله تسود الغابة
            زمجرة ذاك الغضنفر هزّت القلب المعضّمي
            من كما عبدالرحيم العين تذرف دمعها الهمالي
            يالله يارب ارحمه واسكنه فردوسك مع النبي
            كان ابو عبدالله بل مازال يسكن في قلوبنا
            من خلّف ما مات والتاريخ نعرف سيرة ونعيده
            والذي خلّف كما عبدالله لا والله ما يموت
            ومساعد شامخ الهامه ومثله عاليٌ مقداره
            وعمر مثل البحر في المعرفة والجود والكرم
            بو مساعد صادق الوقفات لاتنشد عن اللي مثله
            القيادة من صفاته والشجاعة من عوائده
            الثقه في مثلك وشرواك ميزه ياعريب المذهب
            انت رجالٌ ثقه وانحن ثقتنا في محلها
            وانت مثل البدر وإلا احنا النجوم اللي سمارا حوله
            حبك اكبر من جبل ثربان واعلا من جبل شدا

            الرد
            الذي يحسد ولا حد يردعه يصبح ضري حسد
            والذي يسكت وفي ذهنه كلامٌ يامتى يلغا به
            والجايع وش خذ من الجيعان والضامي مع الضمي
            انا ما عمري سريت اتبع رعاع القوم والهمالي
            والثعلب وش حيلته ما يلحق الكرم المعنبي
            واللي يبنيها على ما في خواطركم قلو بنا
            الليالي مظلمة والشمس عنا غايبه وبعيده
            والردي يجني على روحه ويعدمها بعيدموت
            والذهب ما كل واحد يعرف اوزانه ولا مقداره
            انتهت ميلان قارون الذي يُطرأ ومُلك ارم
            وا سراب الساحل اللي يخدع الضميان يلام اثله
            والبشر مثل الشجر يفنى وتتكسر عوايدة
            خل قلبك من حجر ما هو كما قلب الجبان المذهب
            وابعد عن دار الضغاين واليمن والشام حلها
            والذي دارت عليه الدايره والناس ما راحو له
            طايرٌ قصوا جناحينه ولا غرد ولا شدا

            تعليق

            • سعيد الفقعسـي
              عضو
              • Dec 2007
              • 53

              #21



              نستمر على نكهة القهوة الأصيلة في ضيافة الدكتور عيضة بن طوير ورفيق دربه حوقان
              البدع : عيضة بن طوير
              أقوله يا بن يجنونه من العود نظمى
              عند الشداوين له لوناً مليح ومتنا
              على كظايم ظهر منها عيون تجارى
              دورت حتى لقيته في مطار الحويه
              حتى ولو كان من سد البحور أنتزينا
              الرد : حوقان
              في صوب جمعان واحمد له رشاده ونظمى
              بقيت يا اللي علومه كلها شيمتنا
              تورد الجلب من عند البدو والتجارا
              وأنا لساني يقول ويشتغل والحويه
              ومعي سوالف جدد وكل يوم تزينا

              معاني الفخر والعزة والرجولة يستمدها الشعراء من شموخ شدا الدائم
              البدع : البرق اللامع
              من نشدني قلت له ياصاحبي مـن داعيـة زهـران
              وآنا من دعوى البشيري ومسكني مع ربعنا في بيده
              ديرتي نسقـي ثراهـا مـن عرقنـا بعـد جهدنـا
              الكرم والطيب عادات اهل بيده في العسر واليسـرا
              علمتنـا مهنـة الفـلاح فعـل الخيـر والشيمـات
              كم حرثنا كم زرعنـا كـم سقينـا زرعنـا بأيدينـا
              كم غرسنا كـم جنينـا فـي حصـاده مـن بلادنـا
              والشجاعه والرجاله طبعنـا لامـا دعانـا الداعـي
              مـن صمـود اجبالنـا تعـرف مواقفنـا وجـدنـا
              النوايف علمتنـا قسـوة الموقـف ورفـع الهامـه
              وأنحن مثل القلب ربي قد حمـاه بحنيـة الجنـوب
              والله مابعنا الرفيق وكـل مطلـق ننزلـه منزالـه
              وكلمة الونعم كتبناها على رؤوس القمـم وسهيـل
              بوبخيت ابشر بنا في كل موقف عزوتـك ورجالـك
              الصعيري شيخنا يفخر بنـا وانحـن علـى يمنـاه
              أسمنـا بيـن القبائـل نحمـد الله عاليـا ومقـدر
              وألجبـال القاسيـه لانـت مـع بدياتـنـا لـهـا
              الرد : جبل عيسان
              أشهد ياتاريخنـا اللـي فاليـال المظلمـه زهـران
              لغامد وزهران تاريخا يطيـول مـن يخطـه بيـده
              للوجيه اللـي علـى علمـا يجمـل ماوجـه دنـا
              الرجوله والبطوله تنكر ايميـن الـردي واليسـرى
              والذي لاشي ماله شي فـي دنيـاه والشـي مـات
              غامد وزهران يشرون العلوم الوافيـه بـاي دينـا
              والمذاهب عامـره والـروس منصوبـه بـلا دنـا
              والرعد والبرق فالناوي تقـول المدعـي والداعـي
              والعنـوه والـمـروه ملـزمـه جــدك وجـدنـا
              ماجهلنا مصدر الملهم من الديـره ورفـع الهامـه
              والسعوديـه بـلادي ياشمـال الارض والجنـوب
              من يزيلك ياجبل عيسان وايضا ياشدا مـن زالـه
              حن جنودا لبومتعب فـي عسيـر ايامنـا وسهيـل
              يالله ان تحفـظ ملكنـا ياالـه طالبـك ورجـالـك
              العلم بسمك وباسم المصطفـى جـاء للعلايـم نـاه
              وادري ان العسر والا اليسر في ذاك الكتاب مقـدر
              والجمايـل لابـدى المطلـق مـع بدياتنـا لـهـا



              الشاعر ( طير السعد ) يبلغ أهل تهامه أن شدا قد استأثر بجمالها ولم يبق لهم شيء وأن عليهم الصعود إلى السنينة وهي قمة شدا إن أحبوا السكن
              البدع : طيرالسعد
              ياشدا قد حباك الله جمال الطبيعه ياشدا
              المناظر خذيتها عن التهم ماباقي لهم شي
              الا يتحزمون ويطلعون السنينه يسكنون
              والله انك تفوق الوصف لانك خلقت من الطبيعه
              والله انك تفوق الوصف لانك تعليت الجبال
              وانا بمدح شدا لني من الصور وتغانيت منها
              وانا بمدح شداالا على ولنك شدانا يزهران
              يبن حوقان تكفى لاتخلي على قلبي ملامه
              ان مد حنا شدا لاني افتخر في جماله والسحاب
              بيض الله وجهك يافهد يوم صورتا شدانا
              انت خليت كل الي يناظر شدا نا يهتفون
              الرد : فيصل المالكي
              ياوجدي لو يجيني ياعرب من يمين اللاش دا
              وانا مالي نظر في اللاش لا تحسبون اني له امشي
              كل شيء له حدودة يهرج الناس ولا يسكنون
              خابرآ ان التطبع يابن الاجواد تغلبة الطبيعة
              حتى وان كان مبدأ هرجنا والخبر من هلج بال
              ودي انهي الخطأ وماقلت لو ضقت واتعنيت منها
              الخطأ سكة ظلما ودرب الحقيقة يزهران
              ما بدور على الفرقا وكسر الصفوف اللي ملامه
              واللى مايحمل الزعمة يدور لمخرج وانسحاب
              واتعلم عن الطيب وراعي الجمايل وانشد انا
              ما بدور على الانذال يبدون والا يهتفون

              أبو احمد الشدوي يستمر في إذكاء الامجاد ( ياشدا ضلعك متين)
              ابو احمد الشدوي
              انحن العرباء هل الطولات والتاريخ والامجاد
              الشياخه عندنا والمعرفه ياشيخ منبع صافي
              ابنقود ولانقاد واللي عصانا بالرسن ينقاد
              ان عدمنا المال ترى طبع الكريم ماهو يوفر ماله
              والبخيل ماله لغيره مابنا مجداً ولايسود
              ياشدا ظلعك متين ولايهمك من نبش باطرافك
              ظفره النابش محل وانته محلك ياجبل منصوب
              نعلبوا الرجل الضعيف اللي يريد المجد مايسعى له
              والتحيه ردها واجب وردي في تحيته


              الشاعر يحيى العويري هنا يخرج عن الاجماع ويكيل التهم واللوم لشدا ويرد عليه الشاعر حسن الدوسي الذي فهم المعنى وباشر الرد
              البدع / يحيى العويري
              ياشدا ضاعت الوهمه على مانمدحك ياشدا
              مانفعت الذي راسك ولا اللي ساكنٌ تحت ظِلّك
              وانا كنت احسبك تصرف على نيره ، ودوقه ، وراش
              واثر مافيك ماينفع بنيّ آدم مهِلاّ مخيله
              الحصى ماتبارك والقرض مايثمر إلاّ بشوك
              ماهو أكبر جبال التهم لكن كبرته الوهايم
              فأنه وده يزول ولا تغير وهمت الناس فيه
              الرد / حسن الدوسي
              اهلا يا شاعرٌ في كُلّ عِلمٌ طيّبٌ ينشدى
              الله ياكم قلوبٌ بالمحبّه والوفاء تِحتضِن لك
              منت مِثل الذي عقله في الهِجره متيّه وراش
              انت يا ذا العويري فارس الميدان عينك مخيله
              والمعادين تهزِمهُم نهار الحرب وإن لابشوك
              اترُك الجاهِل اللي عن دروب الحقّ ضايع وهايم
              واعتبرني حِزامك ماني ابجاهل ولانا سفيه

              وينضم الشاعر فيصل القرني أيضا لصف العويري ويوبخ شدا
              البدع: فيصل القرني
              ياشدا وشبك تناسيت فضل ارض التهم
              والا غرك كبرك الي يناضـح للسـراه
              كم جبل يمسى منصب ويصبح في هدم
              وانا ماباقلك ارض التهم وش فضلها لك
              غير ميل يمت التهـم وتـرا فضلهـا
              الرد : البرق اللامع
              الله ياقلبا ظلمنـي وقـال أرض التهـم
              مادرى ان اللي يحب الحياه أميسـراه
              مابيمسي قلب قاسي ويصبح في هـدم
              انشد التاريخ بعد التهم وش فضلها لك
              بعـد مايظلـم قلـوبـا ويترافضلـهـا



              هذه المقطوعة للشاعر احمد بن حسن المالحي يمدح فيها قبايل من زهران
              البدع
              لبس جنبي في طريق المعارف يرشدا
              علمهم يبني يسار
              كنهم سيل غزيرتنحوى في بحيرة
              والمدح والقاله يشرونها مشرى فنا
              الرد
              انحن زهران من خبت مشرف لا شدا
              لافيوض بني يسار
              ومن الغتمي وذا في فصلنا والبحيره
              ومن الجحاف والمقبلي واشرافنا
              الشاعر /سعيد الهايل يتغنى بالبحر والشط والجبل ويذم النميمة وهروج النفاق
              البدع :
              ابن هايل يقول البحر له راج ياما منه روج
              قالوا اهتز نهر النيل واحنا سمعنا منه روجه
              والسواعي لها في شاطي البحر والوشعاء دقول
              وانا مابقدر ابني في شدا لاجسور ولامنافق
              لانها قبلي اثقل من جبل دوس واثقل من دمه
              الرد :
              لو نتابع هروج اللمز والغمز ياما من هروج
              والذي مابيحمي موقفه وش علينا من هروجه
              وانا لو كان باتبع في هروج القفى وش عاد اقول
              الغيبة والنميمة والريا من علامات المنافق
              لو نحلل دم الخنزير مايطلع اثقل من دمه



              الشاعر / فهد بن جعدان واستراحة غزلية
              البدع
              ياصقر بين الذي سواك برك(ن) وكادي
              والبن والهيل ياجي من شدا لين ذي عين
              ماهو بغرس اليمن تخلط ببرك(ن) على قات
              جبال ماهي كما ضحيان وجبال مزحك
              ليت الدركتل يصبحها وتغدي بروحه

              الرد
              رميتني ياصغير السن رمي(ن) وكادي
              ولعت لي قلبي القاسي برمشك ياذي عين
              ياليت لي قدره واشبك معاك العلاقات
              استغفر الله لاجبى لك ولاجبى لمزحك
              لك ضحكة(ن) تذبح العاشق وتغذي بروحه
              البرق اللامع يشبه الشور حزة الزحمة بصلابة شدا
              البدع
              قال بوبدر ودي نسمع الهرجه لاجت من صديـق
              قول ماشابه التزييف في منطقه وابعـد صديقـه
              والحقيقه كما نور القمـر لابـدى فـي عزليـل
              أعرف اللي يحب البرق لاما بدى له وانتصى حب
              واعرف اللي يـدرو للمصالـح وينساقـوا لهـا
              كيف يالصاحب اللي رفقته مثل بيت البشبشانـه
              مايقي في نهـار القيـض والا بليـلا ماطـري
              وانت يالصاحب اللي ماخذا من قناع المكر حيلـه
              ضحكت السن ماتنفع وخنجرك يقطر مـن دمـي
              لكن الصاحب الونعم يشرف ليـا جيتـه وجالـك
              الكرم والشجاعه مـن صفاتـه ورآيـه منشـدا
              صاحبي مد كفك لي وانا امـد كفـي وانتصافـح
              دام كلا يبدرى صاحبـه فـي عسـر والا يسـر
              امش ياقلب مع من يرتجي لك بقى وله ارج قاله
              والله يرحم عظامي بعد اظلي ترابا (ن) عادمـي

              الرد

              أبن وزاب قال اصبر على التعبه لاجت من صديق
              القريب البعيد اللي نسي موقفه وابعـد صديقـه
              حسبـه الله ماثمـن كـلامـه ودارى عزلـيـل
              لابدت حاجته قال انت منا وفينا وانـت صاحـب
              ولانتهت رد لـي درب المكايـد وينسـى قولهـا
              الله ياكم لي ادرى كل موقف معه والبش بشانـه
              وكل موقف بلا روسا تديـره تهـاوى ماطـري
              احكم الشور ياراسي وعلمه ورى علمك رحيلـه
              وش يفيد العذر من بعد ماصـار قلبـي مندمـي
              يالله احفظ يمينا كم حمت جال صاحبهـا وجالـك
              ولابدت ساعة الزحمه بدى شوره اصلب من شدا
              مير انا اقول ياقلبي تجاهل وجوده وانت صافـح
              مايضرك غيابـه وان حضـر لايضـر ولايسـر
              اثبت القول يامن ينتشد واحكمه والهـرج قالـه
              عشت لاتنشده وان مت قله ترى بنعـى آدمـي



              بني مالك في مناسبة طهار لأبن بنتهم الزهراني قال شاعرهم ابن فرج
              ورد فيها الشاعر حنش ابن عايض
              البدع
              عبدالله أخوالك بني عفيف
              جوا لك بمكسى ما له الوصيف
              والقوده أما ثور وإلا بكره
              خلك تعلم يوم تنشدا
              الرد
              وعلم اللي قبلنا يصيف
              يصيف عنا من قفى الخليف
              واذا عرضنا في سباط الحجرة
              يهتز من معراضنا شدا
              شدا في قلوب الجميع يقول هذا الشاعر الشعبي
              ماشي كما شي ولا الحناء كما الكادي
              ولا صفا نجد مثلك يا شدانا






              تعليق

              • الوادي
                عضو
                • Jan 2005
                • 26

                #22
                من يستطيع يوفيك حقك اخي العزيز سعيد الفقعسي على هذا الجهد و الابداع الذي نثرته في هذا الموضوع
                من وجهة نظري انت الوحيد الذي اعطيت هذا الجبل الشامخ حقه وهذا من طبع الكرما والآفياء
                فعلاً انت شامخ بشموخ من سطرت عنه هذا الموضوع
                بيض الله وجهك

                تعليق

                • أبو أحمد
                  عضو مميز
                  • Sep 2002
                  • 1770

                  #23
                  لقد زاد حب شدا وشموخه ما سطره قلمك من أبداع وتنسيق يفوق الوصف ,

                  أخي سعيد الفقعسي كما عرفناك مبدع لك بصمتك الخاصه وذائقتك المميزه فأنت لا تنتقي الا السمين .

                  لك مني جزيل الشكر والعرفان

                  تعليق

                  Previously entered content was automatically saved. Restore or Discard.
                  حفظ تلقائي
                  Insert: Thumbnail صغير وسط كبير Fullsize Remove  

                  ماهو اسم المنتدى؟ (الجواب هو الديرة)

                  Working...