Unconfigured Ad Widget

Collapse

ركبت من فكري تراكيب وهجوس ! ! !

Collapse
X
  •  
  • الوقت
  • عرض
مسح الكل
new posts
  • راجي الوصل
    عضو
    • May 2006
    • 48

    ركبت من فكري تراكيب وهجوس ! ! !

    . .
    .
    ركـبّـت من فكري تراكيب وهجوس
    اقولها والقصد للي درى به
    .
    بعض العرب هرجه غريبٍ ومنكوس
    ما ياتي الموضوع من عند بابه
    .
    في السالفة يلف ويدور ويحوس
    سوالفه جت بالملل والكآبة
    .
    احسن لبعض الهرج لو ظل محبوس
    لا صار ما ينفع ولا ينبدى به
    .
    كلمتك مثل السهم يرمى من القوس
    ما عاد ترجع والخطا له حسابه
    .
    خل اللسان بداخل الفم مدسوس
    تراه مثل السيف داخل نصابه
    .
    بعض الكلام ان زاد راحت به انفوس
    كم واحد سبّـب بقوله عذابه
    .
    كم واحدٍ عوّد وهو حيل متعوس
    شاف الندم باسباب هرج ٍ حكى به
    .
    ويعض فوق اصبعه باسنان وضروس
    ويقول ياليت القدر قد غدا به
    .
    ترى العـمَـر ياناس دقات ودروس
    للي معه عقل ٍ فهيم ٍ ونابه
    .
    اللي حفظ قوله من النقد محروس
    ما يلحقه لوم العرب والعيابة
    .
    والصمت للرجّـال هو خير ملبوس
    يحفظ له الهيبة ورفعة جنابه !
    . .
    .
    شعر /
    راجي الوصل
Previously entered content was automatically saved. Restore or Discard.
حفظ تلقائي
Insert: Thumbnail صغير وسط كبير Fullsize Remove  

ماهو اسم المنتدى؟ (الجواب هو الديرة)

Working...