Unconfigured Ad Widget

Collapse

سياسة الأختزال...إهداء إلى الأخ أحمد بن سالم الزهراني

Collapse
X
  •  
  • الوقت
  • عرض
مسح الكل
new posts
  • محمد عيضه
    شاعر
    • Jan 2004
    • 531

    سياسة الأختزال...إهداء إلى الأخ أحمد بن سالم الزهراني


    بعض القصايد كثيرة في كثير الرجال=وبعض القصايد قليلة في القليل القليل

    احيان تخطي وتمدح ناس مدحك ضلال =واحيان لومامدحت انسان تطلع بخيل

    ياواحد كم لي ابغى اخبره ماجا مجال=ولاودي يكون تحضيري وعرضي هزيل

    لكن واللي خلق للارض هذي الجبال=ان الرواسي لمقداره هي اصغر مثيل

    ماهو عشانه ولد عمي لكن الخصال=اكبر من الجهل في عين الذكي والهبيل

    اول شي البيت طيب والعروق الهزال=مجار ماتنهزه ..والا لعرقه تميل

    العرق كلّه منقّى من كرام السبال=والبيت ماقد نشا به لاشحيح اوذليل

    معمور بالطيب مااقصد لاجنيه وريال=الطيب ...لوهو على فاقه هو اكبر حصيل

    بر بشيبانه وباهله على كل حال=مبرّة ابو العرب في حق ابوه الخليل

    محنك لو يصافحه الردي بالشمال=يردّ نفسه عن العيلة ويقدر يعيل

    لو اتزانه يدرس في فنون القتال=مانشبت حروب ولعتها بقال وقيل

    مايكرم اهل الجنوب ويحرم اهل الشمال=تعامله ذوق واخلاق وذراعه طويل

    ابعد عن النقص واقرب من حدود الكمال=قرب الممات المحتّم من حدود الصقيل

    وافي ...تشوفه تشوف ان الوفا مايزال=جميل الاخلاق والخلقة وراعي جميل

    يااحمد يابن سالم اسمائك عظام وجزال=احمد ووافي وزايد فوق ذلك نبيل

    يفداك من يحسب انه مع شويّة عيال=يدهر شدا يحسب انه من مكانه يحيل

    صحيح ماعمر فتنة تبتدعها الطوال=لكنها في القصير اللي مسوي طويل

    ابدا ولاهي فعال الراكدين الثقال=لكن خفيّف وموهم نفسه انه ثقيل

    رسايله ماتصل من نقص صدق المقال=وفأحسن احوالها تركن في الجنك ميل

    اللي جمايلك تصفع وجنته بالنعال=يغدرك وانته تضله تحت ضل ضليل

    صحيح لو تعطي العامل جزيل النوال=يالعامل الا يعذرب في صفات الكفيل

    ويفداك رجال تكرمه وتزيده دلال=وايه رياح تجي ضدك معاها مميل

    ويفداك شلة صدق فيهم مسمّى قلال=قلاك شيمة, أدب ..والصدق منهم قتيل

    بعهد جدانهم عاشوا على الانحلال=والعهر فيهم ماهو طاري ولكن أصيل

    تجمعوا ينبحون وقافلتنا جمال=وتفرقوا مثل رمل بانتفاض الشليل

    واللي مسالم وفي جوفه يحد النصال=حمل لوا الانشقاق ووهق اغبى فصيل





    وهذي مباراة سوا الصبر فيها اعتزال=من يوم شاف السنافر حالفوا شرشبيل

    العام الاول موردها الشرك والحبال=والحين تبغى تشب النار راس الفتيل

    واللي يفكر يطول اشياء ماهي تطال=يهدي ف الاول عصى موسى لبابا نويل


    ويفداك من حالته ظهور دون اتصال=كنه على هم ذا العالم أمين وكيل


    شاعر يعاني من الغربة ومالانعزال=مايوم نافق ولاداهن ولااصبح عميل


    يقدر على البدع والتآلبف والارتجال=له يعترف عايض القرني وناصر هطيل

    حلمه كبير وبعيد وصعب صعب المنال=المجد والشهرة بعينه مرام ضئيل

    ظهورنجمه معيقته الحروب السجال=واهل الصحافة تشوه صورته بالمزيل


    قيمته في الشعر تشبه قيمة ابو طلال=فقلوبنا اللي تثمّن كل شهم رجيل


    منحوس مايوم حصل في حياته منال=مفروض يلعب اساسي والأساسي بديل

    اجمل قدر في حياته خطوة الانتقال=مقرّفيه انت (هد) وابو سعيد الوكيل


    مثلك ترا ان القصايد نفسها به تقال=والله ماقولها لومانت عندي جليل

    سم ون دفرنت ...في عيني ماهو نورمال=الشاهد الله نحوك هاو ماي هارت فيييل

    لوكان مثلك يدير البرشا والا الريال=وجاهتك تسعد انصاره وتشفي الغليل

    كتبت لك والكتابة في فضاك ارتحال=ولااكتب لك اشياء ماعندي عليها دليل

    قصيدة تسلم الاسفاف والابتذال=سلامة المجد من وسم الردي والحليل

    ماهي مجرد يلا لا لال يالا للال=لكنها ابرّ حلية في النهار الفضيل

    وانا اقدر ابدع لك اشيا ماسبقها مثال=لكن تركي لبعض الهرج صبر جميل



    والّا على الصدر تتزاحم بنات الخيال=تزاحم السفن في البسفور والدردنيل

    يوم ان شرق القنال يضد غرب القنال= واعلن حمام السلام اشد واطول رحيل

    هي المعاني التي في لحظة الانثيال=ضللتها في ضلوع الصدر مثل الدخيل

    طالت وانا مبتكر سياسة الاختزال=لكن طول النخيل اللي يبز النخيل

    فلاتحسب الشعر يكفي فيك يابان الحلال=ترا وصولي لمكنون الخفا يستحيل

    والمدرك ان اللغة وسيلة الإتّصال=يدرك بان اللغة في الصدر عابر سبيل

    فليعلم الجمع بأنك مكسب وراس مال=من وجهة انك صديق ووجهة انك زميل

    هذا وانا اقول يالله لاتغيّر بحال=تبقى النجوم الزواهر في رياسة سهيل

    لأنه لو يروسني غيرك ...كبير احتمال=يخذلني الصبر واعصي الدولة والا استقيل
    بلا وطن او حب عايش..هكذا !
    mohd3z@hotmail.com
  • عبدالله غازي
    عضو مميز
    • Jul 2006
    • 1659

    #2
    الأخ الحبيب / أبو ثامر

    لله درك على هذا الإبداع الغير مستغرب على محمد عيضه . لك من الود أصدقه ومن الشكر أجزله.
    لو مافي الدنيا صدوقٌ ولا فجري

    ماعُرف شامان من روزة أشبابه


    تعليق

    • محمد عيضه
      شاعر
      • Jan 2004
      • 531

      #3
      سلمت يابو غازي

      لك شكري وامتناني على تواصلك وكرم قلبك

      دمت بخير ياغالي

      ولاخلا ولاعدم يارب
      بلا وطن او حب عايش..هكذا !
      mohd3z@hotmail.com

      تعليق

      • فهد1415
        عضو مشارك
        • Jun 2006
        • 257

        #4
        صح لساااااااااااااانك يابو ثامر
        شاعر جزل وشعرك راقي ومخزونك مثل المخزون الاستراتيجي حق امريكا
        ونعم بك وباحمد سالم
        والله يوفقك لكل خير
        محبك

        تعليق

        • عامر
          عضو مؤسس ومميز
          • Jun 2001
          • 2801

          #5
          تسلم ياشاعرنا
          صح لسانك على مثل هذه الدرر .
          يستاهل الاستاذ احمد كل خير ومثل هذا المدح والثناء حقيقة من اول لقاء معه ارتحت له كثيرا وعرفت معدن الرجال .ولا ننسى ابو سعيد الرجل المناظل ونعم الرجال .

          لأنه لو يروسني غيرك ...كبير احتمـال
          يخذلني الصبر واعصي الدولة والا استقيل
          مشكور ولك التحية يالغالي .

          تعليق

          • ولد الأجواد
            عضو
            • Nov 2007
            • 8

            #6
            لله درك .................

            والله شاعر .. كل هذا الشعر والله انك تستاهل وتستاهل إننا نفتخر بك والله والنعم ..........

            واحمد بن سالم الزهراني والله إنه يستحق اكثر من هذا المدح والإطراء لو أتكلم عن جمايله والله ماأحصيها .................

            بيض الله وجه ....... بصراحه له مني وقفة احترام وتقدير .................

            وابو طلال الله يطول في عمره ويحفظه ................ وابو سعيد حسين ( سعيد من يجاوره ) ...

            الله يعطيك العافيه يابو ثامر ولا تحرمنا من جديدك ...........................

            تحيــــــــــــــــــــــــــــــــــــــــــــــــــــــــــاتي ؟؟؟؟؟؟؟؟؟؟؟؟؟؟؟؟؟؟؟

            تعليق

            • ولد الأجواد
              عضو
              • Nov 2007
              • 8

              #7
              لله درك .................

              والله شاعر .. كل هذا الشعر والله انك تستاهل وتستاهل إننا نفتخر بك والله والنعم ..........

              واحمد بن سالم الزهراني والله إنه يستحق اكثر من هذا المدح والإطراء لو أتكلم عن جمايله والله ماأحصيها .................

              بيض الله وجه ....... بصراحه له مني وقفة احترام وتقدير .................

              وابو طلال الله يطول في عمره ويحفظه ................ وابو سعيد حسين ( سعيد من يجاوره ) ...

              الله يعطيك العافيه يابو ثامر ولا تحرمنا من جديدك ...........................

              تحيــــــــــــــــــــــــــــــــــــــــــــــــــــــــــاتي ؟؟؟؟؟؟؟؟؟؟؟؟؟؟؟؟؟؟؟

              تعليق

              • فلاح بن منشار
                عضو مميز
                • May 2007
                • 314

                #8
                الله عليك يامبدع

                هذه معلقه في الادب الاصيل

                صح لسانك وفكرك

                ليس بمستغرب عليك التميز يابو عيضه

                شكرا لاتحافنا

                ونعم بك وبمن ذكرت

                والله يديم الود بين الجميع


                لاهنت

                تقبل تحياتي
                وصادق الود

                تعليق

                • وسع صدرك
                  عضو
                  • Jan 2008
                  • 7

                  #9
                  مشكور
                  مشكورمشكور
                  مشكورمشكورمشكور
                  مشكورمشكورمشكورمشكور
                  مشكورمشكورمشكورمشكورمشكور
                  مشكورمشكورمشكورمشكورمشكورمشكور
                  مشكورمشكورمشكورمشكورمشكورمشكورمشكور
                  مشكورمشكورمشكورمشكورمشكورمشكورمشكورمشكور
                  مشكورمشكورمشكورمشكورمشكورمشكورمشكورمشكورمشكور
                  مشكورمشكورمشكورمشكورمشكورمشكورمشكورمشكورمشكورمشكور
                  تسلم الايادى
                  يعطيك الف عافية

                  تعليق

                  • افلاطون
                    عضو نشيط
                    • Dec 2006
                    • 985

                    #10
                    والله كلام كبير من شاعر كبير لممدوح يستاهل

                    الاخ محمد عيضة لك قصيدة غالية على قلبي قرأتها في احدى المنتديات
                    افلاطون

                    تعليق

                    • محمد عيضه
                      شاعر
                      • Jan 2004
                      • 531

                      #11
                      شكرا على حضوركم جميعا

                      وعلى عيني وعلى راسي جميعا كل باسمه

                      وانت ياافلاطون آمر ولانقل لك هاه نقلك ابشر

                      كونو بخير
                      بلا وطن او حب عايش..هكذا !
                      mohd3z@hotmail.com

                      تعليق

                      Previously entered content was automatically saved. Restore or Discard.
                      حفظ تلقائي
                      Insert: Thumbnail صغير وسط كبير Fullsize Remove  

                      ماهو اسم المنتدى؟ (الجواب هو الديرة)

                      Working...