Unconfigured Ad Widget

Collapse

وازدواجية المعيار في كل دوح

Collapse
X
  •  
  • الوقت
  • عرض
مسح الكل
new posts
  • فلاح بن منشار
    عضو مميز
    • May 2007
    • 314

    وازدواجية المعيار في كل دوح


    جاز لي الجزل والزاجل سجى واستباح= جز روحي وسجاها ولي جيز بوح
    بابدع الهيض وارجي الله بدرب الصلاح=وادري ان المقدر قد كتب لي بلوح
    لاتلومون عقلي لو فقدته وراح = من تصاريف وقتي ماتطيب الجروح
    انظم القافيه للجد والا المزاح = لو تبون الحقيقه مال بحري نزوح
    جازت الجازميه من مزاجي نزاح = زوج مرجان زنجيه وجيزي رجوح
    اشرب الصافيه ماحب غير القراح = يوم غيري على بير الجماعه يروح
    صافي الصنف ماغنته لِله صباح =من مصافيه صفيته بصيني صبوح
    وارث الشعر من شيخٌ نهار الصباح=ماتنازل عن الطولات وجهٍ صبوح
    من حداه العدو تمطر عليه الرماح= والمزرفل ينوض وكل خيلٌ جموح
    يوم راشد نخى زهران والمرت صاح=رهوة البر تشهد فوق ذيك السفوح
    سلسبيله سلى بالي وسال السماح= ان تسامى سرى وان سام سِله يلوح
    خل ذا اليوم لو تنفث عقدها سجاح=يبطل الكيد وان حطوا له ابليس فوح
    نحمد الله عم الامن كل البطاح= تحت حكم السعوديه والاسلام روح
    ياولد كيف صار النت ساحة كفاح= كل ريحه على الكيبورد جتنا تفوح
    بعظها زلّ مادارت عليه القداح = وازدواجية المعيار في كل دوح
    خايف الصبر ينفذ لو طغى الانفتاح=راعي العيس مايدري بما في الصروح
    ياوجودي وجود الي تردى وطاح=ياتجرع من اللوعات مر الطموح
    او وجود الذي فارق دياره وناح= هلّ دمعه على الخدين وقت النضوح
    خافقي شيّبه واشقاه كيد الملاح = يشعل النار والفتنه وكله جنوح
    بين سيل المشاعر وش يسوي فلاح= كل ماقال كلمه طالبوه الوضوح
    ان حكينا مصيبه وان سكتنا جراح = خير الامرين مُرّ وتاليتها قروح
    جزت عن زج جزلي في مزج الرياح=من مزاجي سجيته وانبرى لي ينوح
    سقت جزله يحييكم بنسمة صباح = تنعش الروح جاز الجزل فيها وبوح
  • رعــد الجنـــوب
    مشرف منتدى الشعر النبطي
    • Aug 2004
    • 4075

    #2
    [QUOTE=فلاح بن منشار

    يوم راشد نخى زهران والمرت صاح=رهوة البر تشهد فوق ذيك السفوح
    سلسبيله سلى بالي وسال السماح= ان تسامى سرى وان سام سِله يلوح

    صح لسانك أبيات قمه في الروعه وإستشهاد أروع

    ياولد كيف صار النت ساحة كفاح= كل ريحه على الكيبورد جتنا تفوح
    بعظها زلّ مادارت عليه القداح = وازدواجية المعيار في كل دوح
    خايف الصبر ينفذ لو طغى الانفتاح=راعي العيس مايدري بما في الصروح

    نعم صدقت وهذا من أكبر عيوب النت أنك لا تفرق بين الناس كفوها من غيره

    خافقي شيّبه واشقاه كيد الملاح = يشعل النار والفتنه وكله جنوح
    بين سيل المشاعر وش يسوي فلاح= كل ماقال كلمه طالبوه الوضوح
    ان حكينا مصيبه وان سكتنا جراح = خير الامرين مُرّ وتاليتها قروح

    الله يعيننا وأياك ومن صبر ظفر وتبقى هناك وسطيه ونحن أهلها

    جزت عن زج جزلي في مزج الرياح=من مزاجي سجيته وانبرى لي ينوح
    سقت جزله يحييكم بنسمة صباح = تنعش الروح جاز الجزل فيها وبوح
    [/QUOTE]

    وأنا أشهد أنها جزله وصح لسانك وسلمت يمينك

    تعليق

    • صالح التويم
      عضو مشارك
      • Feb 2007
      • 174

      #3
      شاعرنا القدير / فلاح بن منشاااار

      لا نستطيع القول ونحن أما هذا النص الشعري الجميل إلا أن نقول صح لساااااااااااااااااااااانك ويعطيك ألف عافيه وهذا ليس مستغرب من شاعر كبير مثلك


      لا هنت ، وتقبل شكري وتقديري ،،
      [poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=3 line=0 align=center use=sp num="0,black"]
      ما الفتى من قال أبويه على القاله وجدي =
      المدايــح طيبــه و( الفتــى ) مـن قــال أنا =[/poem]

      تعليق

      • سعيد الخياصي
        عضو
        • May 2007
        • 37

        #4
        ياولد كيف صار النت ساحة كفاح ،،، كل ريحه على الكيبورد جتنا تفوح

        صح لسانك يابومحمد والله يعطيك الف عافيه قصيده غايه في الروعه

        تقبل تحياتي

        تعليق

        • أبو شادن
          عضو نشيط
          • Feb 2005
          • 449

          #5
          الله الله

          يا بو محمد

          صح لسانك

          يا مبدع

          ومن راقب الناس مات هم يابو محمد

          لا هنت

          تقبل الود ؛؛

          تعليق

          Previously entered content was automatically saved. Restore or Discard.
          حفظ تلقائي
          Insert: Thumbnail صغير وسط كبير Fullsize Remove  

          ماهو اسم المنتدى؟ (الجواب هو الديرة)

          Working...