يادربي المحبوب وجهاتي الخمس

[***صقر قحطان***]

السلام عليكم ورحمة الله وبركاته

على نفس الوزنيّه في المشاركه السابقه ونفس الحركتات خخخخخخخ

هطول أول

ياعذبة الصوت صوتك ماطرق سمعي
وشلون تهنا لخلّك جملـة أوضاعـه
تدرين صوتك يذوّب سكّري وشمعي
وأصير مثل العسل من أجود أنواعـه




جهاتي الخمس




لولاك ماكـان القصيـد اشتعالـي
يادربي المحبوب وجهاتي الخمـس
ولاكان صوتك ياغـلاي انشغالـي
ولا لثمت من السهر مفرق الشمس
أرعى على دربك نجـوم الليالـي
وابادل النجمات همساتهـا بهمـس
أسهر وطيفـك مايفـارق خيالـي
أقرب من الشريان وأبعد من اللمس
إلا غيابـك فـوق كـل احتمالـي
لو غاب زولك ياغلا خاطري عمس
إنتي ولاغيرك من النـاس غالـي
إنتي ولاغيرك لها اليوم والأمـس
وباكر وبعـده يابعـد كـل حالـي
يللي طمستي كل عذرا مية طمـس
لا والذي سـوّاك مانيـب سالـي
حتى يعانق هالجسد مظلم الرمـس



ضحكة رمش




إن ضحك رمشك تطول المسأله
يالعيون اللي ذبحنـي حُورهـا
وبسمة شفاتك عـذاب وبهذلـه
للقلوب اللي شفاتـك سورهـا
ثغرك البسّـام منهـو يخذلـه
وغمزتينك من يقـاوم جورهـا
داخل ضلوعي بيادر من ولـه
لاضحك ثغرك تفوح عطورهـا




وسلامة الجميع

[صدى الجنوب]

مقطوعات شعرية رائعة

صقر قحطان فيك عذوبة شاعر .

تحياتي لك ولبوحك الرائع ، وننتظر جديدك يالغالي ، وحيااااااااااااااااااااااااااك