Unconfigured Ad Widget

Collapse

حـاز المراجـل والمراجـل كليفـة الا على اللي كل مـا رامهـا هـاش

Collapse
X
  •  
  • الوقت
  • عرض
مسح الكل
new posts
  • أبو أحمد
    عضو مميز
    • Sep 2002
    • 1770

    حـاز المراجـل والمراجـل كليفـة الا على اللي كل مـا رامهـا هـاش


    اختـار سمحـات الـدروب النظيفـة = اللي غسلها رايـح المـزن برشـاش

    يمشونهـا قـوم النفـوس الشريـفـة = اللي ضمايرهـم نقيـة كمـا الشـاش

    ابيوتهـم مثـل الحصـون المنيـفـة = ما هي لطير البوم غيران واعشـاش

    واحلالهـم للضيـف دايـم مريـفـه = لو رجلهم يسرح ويضوي على مـاش

    والرجـل منهـم مـا يخلـي رديفـه = إن ما ت مثله مات وان عاش له عاش
    وان مات منهم رجـل عقـب خليفـه = يطعن نحور القـوم ويـرد الادبـاش


    يعرف هدف روحه ويعـرف وليفـه = ما يعرف الخونـة ولا هـو بغشـاش

    وليـا رزقـه الله بعـذراء عفيـفـة = ايحطها مـا بيـن نونـه والارمـاش
    ماهو على الخفـرات يستـل سيفـه = وان طالعوا فيـه الرياجيـل ينحـاش


    حلـو النبـا سمـح المحيـا لضيفـه = ويصير له خـادم مسخـر وفـراش
    وان مـد مـا مـدت يمينـه قصيفـة = مدت يمينـه تبهـر الخبـل والـلاش

    واليا هـرج تلقـى علومـه طريفـة = ما هـو لهفـوات المناعيـر منقـاش

    وان شبت النيـران مـا هـو بليفـة = في ساعة الكربـة سـواي ورشـاش


    سده بعيد ولا أحـد يعـرف غريفـه = ولا هو لعرض المكرم العرض نهاش

    والشوك في جنبـه سـوات القطيفـة = إن كان ما له بيت مامـون وافـراش

    ما يرتكي فـوق الخبـول الضعيفـة = اللـي ليـا حركتهـا قدرهـا طـاش

    وان جـا نهـار كـل قـرم يعيـفـه = ما هو ليا ثارت على القـوم رمـاش

    الكذب يعرف بيـن الأجـواد زيفـه = والصدق مثل السيف صاطي وحشاش

    وصحيفتة يـا طيبهـا مـن صحيفـة = ولهـا مـن العقـال كاتـب ونقـاش
    حـاز المراجـل والمراجـل كليفـة = الا على اللي كل مـا رامهـا هـاش


    وان شاف له من جانب القـوم خيفـة = تلقـاه للخيفـة مهـاجـم وبـطـاش

    الصدق والمعـروف والطيـب كيفـه = ويغبش لها مع طلعة الفجـر مغبـاش

    للحمل مـا تلقـى جنوبـه صخيفـة = حوله بروق تعمـي العيـن وافـلاش

    يصبر على جرحـه ويمسـح نزيفـه = طبه بشبه خير مـن طـب الاحبـاش

    ولا هو كمـا سبـع سنونـه ضعيفـة = دايـم يلحسهـا وللعظـم عــراش

    وان شاف له في غيبة النـاس شيفـة = ما هو بخبل لاخضر العـود قـراش

    دنيـاه لـن صـارت ذلـول عسيفـة = طوع علهـيا كـل عاصـي ونفـاش

    وان كان قفـت مـا عليهـا حسيفـة = ولا هو ورا هوج المعاصير قشـاش

    وان جاع ما وقع كمـا طيـر جيفـة = وان عري ما يلبس سماليل وأخيـاش
  • رعــد الجنـــوب
    مشرف منتدى الشعر النبطي
    • Aug 2004
    • 4075

    #2
    الاخ العزيز ابو احمد

    شكري لك على نقل هذه الرائعه والتي قد سمعتها ولكن سؤالي
    لك اخي الحبيب من هو القائل؟

    انتظرك مع الشكر

    تعليق

    • أبو أحمد
      عضو مميز
      • Sep 2002
      • 1770

      #3
      الأخ رعد الجنوب أولاً : أشكرك على مرورك
      ثانياً : القصيدة وصلتني عبر البريد ولا أعلم من هو القائل ولكن القصيدة أعجبتني وأحببت أن أضعها هنا

      تعليق

      Previously entered content was automatically saved. Restore or Discard.
      حفظ تلقائي
      Insert: Thumbnail صغير وسط كبير Fullsize Remove  

      ماهو اسم المنتدى؟ (الجواب هو الديرة)

      Working...