Unconfigured Ad Widget

Collapse

ترثي والدها

Collapse
X
  •  
  • الوقت
  • عرض
مسح الكل
new posts
  • العود
    عضو مشارك
    • Jul 2005
    • 103

    ترثي والدها


    اكتب هذه القصيدة كما وردت اضفت لها الياء الاخيرة
    يابو الغلا خليتنا واقفيت ماندري=يابو الغلا عاجلتنا والوقت من بدري
    ياكيف يابو الغلا ترحل بلا عذري=واحسبتكم يابو الغلا تسري بعد يسري
    لاونكم مثيل نجما مكتمل بدري=يبدي علينا وله م الساعات دون الربع والعشري
    وما قلت يابو الغلا بافديك بالعمري=وافديك بالروح يابو الغلا والقلب والصدري
    وتقول حاشاك هذي كتبتي وقدري=باروح للمولى عظيم الشان والامري
    في علتي بيثيبني ويزيدلي اجري=وينزلكم من بعدي السلوان والصبري
    يابو الغلا خلفت لي كسر عليل في الظهري=والكبد يابو الغلا في حرها احر من جمري
    والدمع مالعين يابو الغلا يجري كما نهري=وجرحكم يابو الغلا ماظنتي يبري
    يابو الغلا من بعدكم يومي غدا شهري=وحيلتي تاهت وحار العقل والفكري
    ماعاد يابو الغلا نعلم من الليل مالفجري=وحالي الزاد يابو الغلا كالمر في نحري
    ياعسرة الايام من بعدكم يابو الغلا عسري=وياخسر مكسبنا بفرقاك يابو الغلا خسري
    وياضيقة المنزل بنا وان كان كلقصري=وياظلمة الاوقات يابو الغلا في شدة الظهري
    اه على اه ونيتها يابو الغلا في سري وجهري=وارفع بها الصوت يابو الغلا من غبني وقهري
    ويسمعني اليوم يابو الغلا اللي لقي حري=ويبكي معي فرقاك يابو الغلا ويجرها جري
    وغامد بتبكيك يابو الغلا بدوا مع حضري=وتنوح لك نجد وتقول وين انت ياطيب الذكري
    جار الغلا وابو الغلا يشهد له الطير والشجري=وعزوة العاني وجاني حلاله من اطايب الثمري
    غبني على ابو الغلا لان له قاسي الصخري=وهاج منه اليم يابو الغلا مده مع الجزري
    واهتزت البيد يابو الغلا من حنيني وزفري=وهدت وحوش الفلا يابو الغلا مع ضاري البري
    ياليت يابو الغلا ترجع لنا لو لمحة البصري=واقفل عليك يابو الغلا في عالق الضلع والصدري
    واوثق الاقفال يابو الغلا وارميبها البحري=عشان تبقى لنا يابو الغلا صبحا مع عصري
    لكن وش حيلة العبد في حاكم القدري=والموت ذا ياخذ الاحباب من بيننا غدري
    يالله ياخالقي تجبر لنا الاحزان والعثري=وترحم اللي ممسي اليوم في اللحد والقبري
    والمغفرة ياربنا للي عديم الشح والكبري=عبدا منشا على الخيرات مايعرف الشري
    ولاعاد معنا غير الحمد والشكري=واحمد نصلي عليه دايم الحين والدهري
    ويامن بتوحي قولنا دعواك يالسلوان الجبري=ودعواك لابو الغلا بزيادة الغفران والاجري
Previously entered content was automatically saved. Restore or Discard.
حفظ تلقائي
Insert: Thumbnail صغير وسط كبير Fullsize Remove  

ماهو اسم المنتدى؟ (الجواب هو الديرة)

Working...