قل للعذاري يلبسن العمايم

[المستلج]

إذا المراجل لبسة شماغ وعقال

قل للعذارى يلبسنّ العمايم

ما عاد يفرق زول حرمه ورجال

دام الفعايل تشبه البعض دايم

المرجله ما هيب كلمه وتنقال

وتروح ما راحت هبوب النسايم

وإلا خشونة صوت أو رفع الأثقال

أو رزة صدور وفعل الزلايم

ولا هي بعد مفتاح موتر وجوال

وإلا ردى لسانن حديثه شتايم

المرجله شيمه عن القيل والقال

رفيع نفس (ن ) حر بالجو حايم

المرجله عقلٍ وزن وزنه جبال

ودون العقل وش فرقنا والبهايم

يا مسندي لو مايل الوقت بي مال

يا ولد أبويه يا عظيم العزايم

يا معرب الجدين من العم والخال

يا نخوة المفزوع وقت الهزايم

المرجله يا خوي هي طولة البال

هي العزم هي الصبر فالظلايم

فيها الكرم عزه دله وفنجال

فيها الكرامه عن ردى الطبع شايم

والدين لامنه خذا القلب منزال

مشى طريق الحق وابليس نايم

ومن لا عرف ربه في طيب الحال

لابد وقت الضيق بالهم هايم

حتى صلاتك مع جماعات ورجال

في خيرها يا خوي نعم الغنايم

ولامن نصف ليلك قم صفي البال

يا عظم أجرك بين ساجد وقايم

ولا من رفع ربي له كل الأعمال

حسن الذكر لا قالو فلان صايم

وخلك شريف القصد يا طيب الفال

سوء المقاصد فالبيوت الهدايم

واحذر تبيع النفس في دب الأنذال

وتتبع خوي إبليس راع النمايم

النفس خيل لك إذا كنت خيّال

ومن لا قوى نفسه قوته الهزايم

ولا صرت ما تدري لو يش أنت رجال

والله خسارة فيك ذبح التمايم


وسلامتكم
للشاعره :نوف بنت شطيّط العتيبي

[صدى الجنوب]

اخي المستلج

اولآ مرحبا بك بيننا .
ثانيا: شكرا لمشاركتك وتسلم يد الناقل ولسان القائل .

ثالثا : اختيارك يدل على ذوقك الراقي .

وترى اسمك(المستلج مر علي في منتدى (الحســ .......) لاأعلم هل هو انت أم لا .

تحياتي

[شهد الربيع]

تحيه طيبه

والله يعطيك العافيه

وسلمت أناملك

واتمني لك التوفيق والسداد

[رعــد الجنـــوب]

شكري لك اولا على نقل هذه الرائعه الينا
ثانيا سلمت يمينك على هذا الاختيار
ثالثا صح لسان وقلب قائلتها
بارك الله فيك

[المستلج]

اخوي صدي الجنوب المهلي مايولي يالغالي ومشكور علي مرورك[line]وبالنسبه للاسم اللي تقول مر عليك في منتي ليس انا اخوي[line] وتقبل تحياتي اخوك المستلج

[المستلج]

اختي شهد الربيع يعطيكي العافيه ومشور علي المرور[line]@[line]@[line]اخوي رعد الجنوب مشكور يالغالي علي المرور ولاهنت[line]@[line]اخوكم المستلج