Unconfigured Ad Widget

Collapse

قصيده في بنات اليوم

Collapse
X
  •  
  • الوقت
  • عرض
مسح الكل
new posts
  • أشواق
    عضو
    • Mar 2005
    • 87

    قصيده في بنات اليوم

    هــذا بـنـات الـيــوم بـرقــع وجـــوال
    ولاعـبـايــة كــتــف هــــم يلـبـسـوهـا
    والراس فوق الراس طرحه مع الشال
    حـتــى الـخـصـال الطـيـبـة افـقـدوهـا
    يـوم البنـات اللـي غـدٍ سـبـت اهـمـال
    ويـــوم السـبـايـب اهـلـهــا هـمـلـوهـا
    الأم نـامــت والابـــو صـــار تـمـثـال
    والبـنـت راحــت ويــن مــا يسألـوهـا
    باللـيـل تسـهـر بـيـن هـاتـف وجــوال
    والا عـلــى دش الـفـلــس سـهـروهــا
    اقفـاي هـي مـا بيـن الاسـواق واقبـال
    بــلا غــرض راحــت ولا انـشـدوهـا
    اللبـس تلبـس كـل مــا يـطـرب الـبـال
    وفلـوس لـو تنـقـص عليـهـا عطـوهـا
    مـن شافهـا باللبـس يـا سـاتـر الـحـال
    يـسـبـهـا ويــســب مـــــن خـلـفـوهــا
    كومـة لحـم وعيـون والـرمـش قـتـال
    ويــلا مـشـت كــل الشـبـاب اتبعـوهـا
    هـم مـا دروا لــون البـراقـع بتنـشـال
    ونشـوف وش تحـت البراقـع خفـوهـا
    يرتاح مـن صابـه مـن اسبابهـا هبـال
    ويـشـوف والله مــن عيـونـه هـووهـا
    وين البنات اللـي بهـم تضـرب امثـال
    لـيـت السـلـوم الطيـبـة مــا تـركـوهـا
    البنـت زيـن البـنـت لا زانــت الـحـال
    مــا هــو بلـبـس ولا عـلـوم خـذوهــا
    وين المراجل مـا بقـى غيـره ارجـال
    لـيـت الـشــوارب والـلـحـى حلـقـوهـا
    اللـي علـى عـاره رضـي الـذل ينقـال
    لـيــت الـكـرامـة لـيـتـهـم يـرفـعـوهـا
    مـا عــاد ينـفـع قــول فيـهـا ولا قــال
    لا الأم والله ولا الأبـــــو انـفـعــوهــا
    اصبـح ضيـاع البنـت بسـبـاب جــوال
    البـنـت ضـاعـت والأهــل ضيـعـوهـا
    {....}منقول
    آخر تعديل تم من قبل أشواق; 29-03-2005, 05:45 AM.
  • أبو متعب
    عضو
    • Aug 2004
    • 39

    #2
    الأخت أشواق
    شكرا على هذه المشاركة الجميلة والتي للأسف تحكي واقع كثير من البنات في هذا الوقت .. نتمنى أن نقرأ لك المزيد ..

    تعليق

    • ضيف الله العامري
      • Apr 2002
      • 1573

      #3
      اشكرك اختي اشواق على هذا النقل الجميل جدا

      واسمحيلي المشاركه محلها النبطي فقد تم نقلها الى هنا

      لك تحياتي

      تعليق

      Previously entered content was automatically saved. Restore or Discard.
      حفظ تلقائي
      Insert: Thumbnail صغير وسط كبير Fullsize Remove  

      ماهو اسم المنتدى؟ (الجواب هو الديرة)

      Working...