Unconfigured Ad Widget

Collapse

لا تضحكون ، كلنا لهااا .... وأنا أولكم

Collapse
X
  •  
  • الوقت
  • عرض
مسح الكل
new posts
  • أبو يزيد

    لا تضحكون ، كلنا لهااا .... وأنا أولكم

    لا تضحكون ، كلنا لهااااااا
    الفرق بين المرأه في السنه الاولى من الزواج والسنه العاشره او ما فوق
    ......................................................................................
    الساعه 6:30 صباحا :

    تودع زوجها وهو طالع للعمل وتقول له ( بتوحشني يا حبيبي)

    الساعه 11 صباحا :

    تتصل عليه في العمل وتقول له ( حبيت اسمع صوتك بس ياعمري )

    الساعه 3 العصر :

    تستقبله وهو متشيكه وتبوسه وهو داخل للبيت وتقول له (الغدا جاهز يا حياتي ..تحب احطه لك الحين ؟ )

    الساعه 5 العصر :

    تصحيه من النوم ببوسه وتقول له ( اعمل لك شاي يا حبي ؟ )

    الساعه 6 المغرب :

    تسبل عيونها وتقول بكل خجل ( يا ريت يا حبيبي .. يعني لوما عليك كلافه .. يعني اذا تقدر توديني شوي لبيت اهلي اذا كنت تقدر يا عمري ) وقبل ما ينطق بكلمه ( اذا ماتقدر خلاص مو لازم ) وطبعا يضيع هو في نظره من عيونها

    ويوديها لاهلها ولو انهم ساكنين في السويدي وهو ساكن في العليا

    الساعه 8 بالليل :

    تتصل على الجوال وتقول ( اشتقت لك يا عمري .. يا ريت تمرني ونروح للبيت ) وطبعا هو عارف وش بيجيه في البيت

    فيطمر ويقول للشباب ( اسف والله يا شباب راسي مصدع ولازم امشي )

    الساعه 10 بالليل :

    تجلس في حضنه وتقول ( الله يا حبي تتذكر ؟ تتذكر ايام الخطوبه لما كنت تعمل المستحيل عشان تشوفني ..وانا يا ماكذبت على ابوي وقلت له اني طالعه مع امي وانا اصلا متفقه مع امي عشان اطلع معك )


    بعد مرور عشر سنوات

    الساعه 6:30 صباحا :

    هي في سابع نومه

    الساعه 11 صباحا :

    هي برضه في سابع نومه

    الساعه 3 العصر :

    تستقبله وهي نافخه خشتها وتقول ( شف لي حل مع ولدك علي هذا ..حتى الان ما حل الواجب .. وسوير الله ياخذ عمرهاانشاء الله شاقه مريولها في المدرسه …عطني فلوس لازم اروح اشتري لها واحد غيره … وصويلح يبي علبة هندسه تو انه يقول لي يوم ان الاختبار صار بكره … وترى موضي تكنفست مع الدرج وهي كانت في المشايه … والظاهر انهاتعورت …كله من هالشغاله الله يا خذها ….اسمع يا انا ياهالشغاله في هالبيت ….ابيك اليوم تسفرها ما ابي اشوفهاوابيك بسرعه تقدم على وحده ثانيه ….وما ابيها تصير حلوه …..يا ويلك لو صارت حلوه …..وبعدين شغالتي ابيك تشرط عليها اذا سفرتها ما عاد تشتغل عند احد ….عشان ماتقول اسرار بيتنا للناس الي تشتغل عندهم ( ما تدري ان اسرار بيتهم كلها عند الجيران من لسانها هاللي وش طوله )

    و …و …..و

    الساعة 5 العصر :

    هي تفك هوشه بين سوير واخوها ويصحى هو على صوتها وهي تهاوش وتدعي عليهم بجميع الامراض الخطيره الحديث منها والقديم ( جعلكم للطاعون …جعلكم للحمى …جعلكم للوادي المتصدع …جعلكم للحمى القلاعيه …والايدز ..الخ )

    الساعه 6 المغرب :

    هو جالس يشرب الشاهي وهي تقول ( نبي نروح لامي بتجيهم بنت خالة جد ولد عم ابوي ..وبعدين نبي نروح نشتري للبنت مريول ..وبعدين بنت عمي والده ولازم اروح اشتري لها هديه من باتشي و ابي امر على المشغل ..وبعدين حطنا عند اختي في الشفا من زمان ما شفناهم …………..

    وفي هاللحظه فكر هو انه يشتغل ليموزين احسن له

    الساعه 8 بالليل :

    تتصل على الجوال ( وينك فيه ؟ وبعدين وين بتروح ؟ ومنهو الي معك هذا ؟ ووش بتسون ؟ ومتى بتجي ؟ لا ما فيه الساعه11 تعال الساعه 10 )

    الساعه 10 بالليل :

    جالسين هي وياه عند التلفزيون ..اخيرا هدوء ..والعيال نايمين ..والجو جميل ..وفجأه تطالعه وهي ماده بوزهاوتقول ( الحين امك وش عندها اليوم ما ترد يوم اني سلمت ؟هاه ؟ ) ( والله ما ادري كان سالتيها ) ( واختك وش هالحركات الي مالها سنع …ليش عازمه الجيران وكل حريم اخوانك الا انا ؟؟؟ لكن هين والله لاسوي عزيمه وما اناديها …اصلا هي ما زارتني في المستشفى يوم اني ولدت

    وانا فاهمه قصدها ..لكن هين ..والله لو تحب السما مانيب زايرتها اذا ولدت ……وبعدين بنات عمك وش عندهم نافخين عمرهم ؟؟ على ايش ابي افهم ….على جمالهم الزايد اللهم لك الحمد بس ) تسكت شوي بعدين تقول ( وبعدين اختك نوره يوم انها تقول ان علي ولدي يشبهني ما يشبه ابوه وش قصدها هاه )ملاحظه : علي هو اشين اخوانه) ( انا فاهمه قصدها وتراها اذا ما بطلت هالحركات والغمز واللمز تراني ابسمعها كلمتين واخليها تحترم نفسها …..لا وذاك اليوم تقول اخوي محمد ( الي هو الزوج ) حلو مره و3 من حريم الجيران قد خطبوه لبناتهم ….من زينك بس ما ادري وش لاقين فيك ) . يسكت وما يرد , تسكت هي ثم تقول ( وبعدين اخوك شاري لحرمته ساعه قيمتها عشرين الف ريال ) يرد ( طيب وش المشكله ؟ ) ( وانا ليش ما تشتري لي ..والا انا ما استاهل ..ولو هي يعني احسن مني … بلاك ما شفتها ..شينه وطبايعها شينه وحتى طبخ ما تعرف تطبخ ) ( خلاص اشتري لك ساعه ) تعصب وتقول ( ايه تسكتني بهالكلام ….والله لانت شاري ولا شي ) ( وش تبيني اقول يا بنت الحلال ؟ ) تقوم وهي تبكي ( خلاص ما ابي منك شي )

    الساعه 11 بالليل :

    هي زعلانه ونايمه مع العيال

    وهو يلعن اليوم الي تزوج فيه

    لكن هذا ما يستبعد إن فيه أزواج النكد يلقونه تحت اضافيرهم هههه

    و لكم التحية
  • أحمد
    إداري ومؤسس
    • Dec 2000
    • 1525

    #2
    يا أبو يزيد الله يوفقك

    لا تروع الخطاب
    واللي يفكرون في الزواج

    الله يخليك،
    تحياتي
    نفسي التي تملك الأشياء ذاهبة *** فكيف أبكي على شيء إذا ذهب
    ==============================

    إذا الـمرء لا يلقـاك إلا تـكـلـفاً = فدعه ولا تكثر عليه التأسفا
    ففي الناس إبدال وفي الترك راحة = وفي القلب صبر للحبيب ولو جفا
    فــما كـل مـن تـهـواه يهــواك قـلـبه = ولا كل من صافيته لك قد صفا

    تعليق

    • أبو زياد الكناني

      #3
      يازين العزوبيه يا بو يزيد

      تعليق

      • جنوبي جنوبي
        عضو مشارك
        • Sep 2005
        • 187

        #4
        مقارنة رائعة ويستحق الموضوع الرفع



        اللهم اغفرلي وتب عليّ إنك أنت التواب الرحيم

        تعليق

        • فارس الأصيل
          عضو مميز
          • Feb 2002
          • 3319

          #5
          والذي بعث محمد بالحق أنها ليس بالروعة التي وصفتها يا جنوبي لكنها جاءت من جانب واحد ومن طرف واحد ونحن هنا سنعتبر أنفسنا قضاه فمن الحيف والظلم أن نسمع من الرجل خطة امرأته التفصيلية ولا نسمع منها خطة الرجل اليومية ..
          ألم تعلم يا صاحي أنت وصاحب الموضوع أن الله عاتب نبيه داوود حين سمع من طرف فحكم له دون أن يسمع من الطرف الآخر يا عزيزي في الرجال من هو شر من ألف امرأة وفي الرجال من لا يستحق لقبه بل له صفة البهيمة في العيش وهذا من واقع وتجربه ولست من قبيل الدفاع عن المرأة لكني وقفت على كثير من مشاكلهما ووجدت أن الفريقين ضائعين إلا ما رحم ربك ويكثر في الرجال أكثر من النساء وما تعدى النساء يا رجل إلا بتعدي الرجال وما بحثت عن غيره إلا حين غشها وبحث في غيرها عن متعته إلا من ثبته الله وما جعل الله العصمة في يد الرجل من فراغ إنما لينظر كيف يصنع أو يحسن بنا بعد هذا أن يبجل الرجل وتكسر الضعيفة ..

          عندي كثير من الكلام وقد طلب مني موضوعا خاصا بالرجال على غرار ( سواليف للجنس اللطيف ) فلعلي أجد الفكرة صائبة وأبحث عن روافد لأملأ الفكر وامزجه بما في تصوري وآتيكم به إن شاء الله

          تحياتي لك ولمن كتب وعلق فالموضوع قديم جدا
          أشكرك
          هـذا أنا قـدر تـقـاذفـنــــــــي
          كالبحر عمقاً والفضاء مدى
          مدونتي
          أحمد الهدية

          تعليق

          Previously entered content was automatically saved. Restore or Discard.
          حفظ تلقائي
          Insert: Thumbnail صغير وسط كبير Fullsize Remove  
          or Allowed Filetypes: jpg, jpeg, png, gif, webp

          ماهو اسم المنتدى؟ (الجواب هو الديرة)

          Working...