Unconfigured Ad Widget

Collapse

هجاء ومدح ............

Collapse
X
  •  
  • الوقت
  • عرض
مسح الكل
new posts
  • المجداف
    عضو مميز
    • Apr 2002
    • 4273

    هجاء ومدح ............

    ارجوا ان تعجبكم هذه القصيدة التي ولدت هذا اليوم واستغرقت في كتابتها
    اربع ساعات تقريبا اتمنى ان تنال على اعجابكم وهي جديدة الفكر والمضمون.


    ..................( هجاء ومدح ).................


    هي عادة(ن) في اهل الشعر تنعاف
    قولة حبيبي احبك وقولة سلامات

    وقولة متى ياخل بلقاك ياجاف
    والقلب لك عاشق والقلب بك مات

    والروح ولهانه والجرح نزاف
    واهلا بها الطله والفين بوسات

    وانا من الفرسان ومانيب خواف
    اشجع من الشجعان وقت البطولات

    وجيبو لي الدكتور ونادو لي اسعاف
    وين الدوا ياناس ووين العلاجات

    وكلمه ورا كلمه والعمر قد طاف
    والحب لي الاول والجرح آهات

    مسكين كن الشعر حكي وتلقاف
    مايدري ان الشعر فيه التزامات

    ذي عادة(ن) في البعض لاقال باسفاف
    بالغ في التصوير وابعد مسافات

    القصد كله هرج ومرج(ن) به اجحاف
    وحكي(ن)غريب(ن)وعشر ابتسامات

    لو تسأله عالحرف جاوب بتلفاف
    خلاك في حيره و اعطى ملفات

    هي عادة(ن) في البعض كثر استخفاف(تشديد حرف الفاء الذي بعد الخاء مباشرة)
    لاجا يكيل الكيل ويبدا الحكايات

    عاده تخلي الذوق في الناس صياف
    ويصير كل الشعر ساحة خلافات

    ويزيد بين الناس الكره للقاف
    وتصبح بيوت الشعر رهن الاشارات

    هذا هجاي اليوم للبعض بانصاف
    ماهو هجا للشعر واهل الكرامات

    الشعر كلمة شرف له لون واطياف
    مافيه خذني و جيت لاجل الوجاهات

    الشعر قول و فعل واحساس والطاف
    مايستخف العقل ولا له سخافات

    والشاعر الفنان له قلب رواف
    يملى المشاعر حب بأحلى العبارات

    يطير مثل الطير الصادح الطواف
    ينثر مواويله عشق وهيامات

    له كلمة(ن)تنقال ولا قال نواف
    مثل الجبل صامد وقت النزالات

    وله عاشقين كثار ولا به تنكاف
    وقت الشدايد شهم لاجت مهمات

    يعطي ولا يحسب في بحر وارياف
    كله عطا واحسان و جزل العطيات

    ممدوح بين الناس وفي الضيم وقاف
    الله عطاه الطيب ينبع من الذات

    شاعر عطاه الله طيبه ونخوه ومضياف
    كريم لا جاء الضيف وقت العشيات

    له وزن بين الناس وسيف(ن) له اسياف
    يبني قصيد الشعر بني الحصافات

    ................(حقوق القصيده /للنمرالعربي )
    ....

    ناس (ن) يجيها المال وناس(ن) بلا مال

    وناس(ن) على جمر الغضا ماسكينه

    يا الله ياربي طلبتك بالآمال

    تعجل لنا بالغيث لو جات عينه


    ... المجداف ...
Previously entered content was automatically saved. Restore or Discard.
حفظ تلقائي
Insert: Thumbnail صغير وسط كبير Fullsize Remove  

ماهو اسم المنتدى؟ (الجواب هو الديرة)

Working...