المدرس والمدارس والدراسه

[alwalhan]

قالوا اكتب فالمدرس والمـدارس والدراسـه" == "واعتبرها مهنةٍ لـك كـن ماعنـدك وظيفـه
قلت هذي ياجماعه لاتكـون مـن السياسـه"=="ونتوهق فـي دهاليـز السياسـات المخيفـه
قالوا ابداً ذي تراها من فمك حتـى الرياسـه"=="توصل اللي فالمكاتب جالسٍ فـوق القطيفـه
قلت انا مانيب اعَرْف الا الخفاره والحراسـه"=="نابـتٍ فالعسكريّـه واهتماماتـي خفيـفـه
والمدرس لقبوه المجتمـع راعـي الوناسـه"=="ماخذٍ حقه مـع العربـان والمهنـه شريفـه
الاجازات اربع اشهر ماتقلـل مـن حماسـه"=="بعدها يرجع على الطـلاب واخلاقـه لطيفـه
والتقاعد مايجيه الا ليا مـن شـاب راسـه"=="لاخذا ستين عـامٍ وانتهـى باقـي خريفـه
قالوا اليوم المدرس صار منـدوب التعاسـه"=="والمزايا اللي ذكرت اوصافها صارت كليفـه
مايعيّن غير لامنـه فقـد كامـل احساسـه"=="كل يومٍ ينتظر دوره علـى وجـه الصحيفـه
والرويتب مايسـده فـي مقاضيـه ولباسـه"=="والحصص تكثر عليه ان كانت جنوبه صخيفه
والتلاميذ اصبحوا يمشون في درب النجاسـه"=="واصبح الاستاذ عرُضَه للعبـارات السخيفـه
وان رفع خشمه يورونه قوانيـن الشراسـه"=="كم مديرٍ ذوّقـوه مـن المشاعيـب النحيفـه
واختنا فالله جاهـا ماتعـاف مـن النحاسـه"=="واحذفوها فالحجاز وهي تبـي وادي حنيفـه
جت تبي ستر الوجيه وفكةٍ مـن الانتكاسـه"=="وتحفظ الشايب وتحفظ الام والنفس العفيفـه
والتفت بوها يدوّر من يفكـه مـن عماسـه"=="يطلب اللي فالـوزاره مايضـرون الضعيفـه
ماحدٍ عبّر كلامـه وانتهـى عزمـه وباسـه"=="وارتخى شوفه وهو يشكي من الحال الكسيفه
بعدها شـد الرحـال وودع احبابـه وناسـه"=="ساعةٍ فيها الوليف يموت من فرقـا وليفـه
عقب ماشابت عيونه جا قرار البنت حاسـه"=="ولاتهنّى في شتـاه ولاتهنّـى فـي مصيفـه
قلت كلٍ عارفٍ تفصيل ثوبـه مـن قياسـه"=="وعادة الدنيا على الانسان ماتمشـي بكيفـه
غير خلوها قصايـد فالشجاعـه الحماسـه"=="يمكن ان تصحي القلوب اللي بعد فينا نظيفه

[alwalhan]

عفواً

عفواً نسيت ان اذكر اسم الشاعر في القصيده السابقه
وهو الشاعر : الأكلبي من مدينة بيشة
تقبلو تحياتي

[صدى الجنوب]

صح لسان القايل وبنان الناقل

شكرا اخي الولهان على النقل وامانة النقل ومرحبا بتواجدك الجميل وطلتك البهية

[alwalhan]

مشكور وجزاك الله خير

مشكور صدى الجنوب ولا بد ان ينسب القول لصاحبه
هناك من ينقل القصيده من شاعر اخر وينسبها لنفسه وهذا لا اقره لا انا ولا اي عاقل فالأمانه حتى في ابسط شي مطلوبه
تقديري لمرورك وترحيبك واتمنى ان استفيد من هذه الإبداعات المتميزه في هذا المنتدى المتميز
ويسلمووووووووووو