Unconfigured Ad Widget

Collapse

محاوره بين الصقر والشاعر بن قضعان

Collapse
X
  •  
  • الوقت
  • عرض
مسح الكل
new posts
  • صدى الحرمان
    عضو
    • Nov 2004
    • 6

    محاوره بين الصقر والشاعر بن قضعان

    هذي القصيده للشاعر المعروف ضيدان بن منصور بن قضعان العجمي يقول شريت لي طير وسألت صاحبه عن إسمه فقال اسمه دهام يقول ضيدان غيرت اسم الطير إلى فواز لغرض شخصي عندي وعندما أردت ان أعشي الطير


    ناديت له بأسمه الجديد فواز فواز .... فالتفت الطير على ضيدان وقال له :

    ضيدان أنا أسمي دهام ما هوب فواز
    .........................أما أدعني يا دهام ولا بلاشي
    ما هوب حق تغير أسمي بلا أرماز
    ...................وأنا عذاب الخرب لا أقبلت حاشي

    فرد عليه ضيدان :

    لعيون بعض الناس سميت فواز
    ...................اسم يشابه لاسم صعب المناشي
    اللي غلاه بثومة القلب حزاز
    .....................تقبل له ظعوني وتقفي عطاشي

    فرد الطير :

    ما أرضى تسميني عليها ولا جاز
    ......................تغيير الإسم إلا بذبح الكباشي
    إذبح تميمه وأقلب الإسم فواز
    ...................إذا ذبحت الكبش ما صار ماشي

    فرد ضيدان :

    قلت فواز تكفى فكني بالتلعواز
    ...................الحل عندي وأسمع العلم كاشي
    لازم تشوف اللي لها القلب ينحاز
    .................عقب (ن) تجي فواز ولا شلاشي


    فردالطير :


    يالله مشينا والعمر يبغي إنجاز
    ....................يا ما نجز بالهدي ولا عراشي
    قم جهز اللي ذاخرينه وممتاز
    ...............وعلي الطلاق إن عزبته من معاشي

    وعندما وصلوا الى التي سمي الطير عليها شال ضيدان البرقع عن الطير وقال له هذي اللي سميتك عليها

    فقال الطير :

    أنا أشهد إني يابن قضعان فواز
    ......................واني بعد فواز جاني خراشي
    ياحظ قلبك يوم في حبها حاز
    .......................كحيلة ما عاشرة كل لاشي
    ياليتني رجلٍ لو أمشي بمعكاز
    ...................وأنخاك وأنخى مبعدين المعاشي
    وأنهض لطيف الروح وأجلا لشيراز
    ................وأقضي بقايا العمر ما أحتر جاشي
    في شرع أبن حنبل بتأكيد ابن باز
    ................معروف راعي الحب قلبه هشاشي
    وأنا لوصل ملوع الشيخ معتاز
    ..................أعوز من فراق السبوق الرواشي
    أبا أتمنى والتمني به الغاز
    ........................ياليت جنحاني لخلك فراشي
    أو ليتني بيجر على الورك هزاز
    ........................ولا قلم بين الجسد والقماشي
  • قينان
    أدعو له بالرحمه
    • Jan 2001
    • 7093

    #2
    أخي صدى الحرمان

    حياك الله وحيا مشاركتك الطيبة.

    ألا ترى لو انها في منتدى الشعر النبطي كان لها ذوق أطعم .

    وإن كان الشعبيات تضم خليطا من هذا وذاك..


    مجرد رأي فقط . لا أعلم عن مدى صوابة
    sigpic

    تعليق

    • صدى الحرمان
      عضو
      • Nov 2004
      • 6

      #3
      تحياتي لك ابا عبد الرحمن واشكر مرورك الكريم

      لا ارى مانعا من اقتراحك الجميل ونترك النقل لاخينا المشرف

      ودمتم سالمين

      تعليق

      • ألــم
        عضو نشيط
        • Dec 2004
        • 985

        #4
        ضيدان بن قضعان ..
        من الشعراء السعوديين الذين أتابع قصائدهم..
        وأصدقكم القول..ما قرأت له قصيده إلا وأعجبتني
        صدى الحرمان ..
        صح لسانك ولسان شااعرها
        اختيار مميز ورائع

        لك مني اجمل تحيه

        تعليق

        Previously entered content was automatically saved. Restore or Discard.
        حفظ تلقائي
        Insert: Thumbnail صغير وسط كبير Fullsize Remove  

        ماهو اسم المنتدى؟ (الجواب هو الديرة)

        Working...