Unconfigured Ad Widget

Collapse

نصيحة ثمينه

Collapse
X
  •  
  • الوقت
  • عرض
مسح الكل
new posts
  • نواف الحريري
    مساعد المشرف العام
    • Aug 2004
    • 3848

    نصيحة ثمينه

    أنا بوصيك ياعبد العزيز ان سمعتني
    ……………..ترى الصقر يسمع مايقول اباه
    إذا مانصاك الضيف قل له مرحبا
    ……….ترى الرحب يقري الضيف دون اقراه
    وجيب له بميسورك وزين له النبا
    ……………واعز العرب من هو مليح انباه
    ولا تدرق عنها ليا جاتك ناصيه
    ……………ولو كان عودك ماعليه الحاه
    ولا تعترضها ون تعدت مجنبه
    ……………كما معترض سيل يجر انحاه
    وابا اوصيك صون الجار واصبر لزلته
    ……………ولوكان تسمع كل يوم ازراه
    ترى الجار ستر الجاره لو كان جافي
    ……………..وعزى لجارٍ مايظل اذراه
    وابااوصيك بنت اللاش والمنبت الردى
    ……………وبيت الردا خطرٍ عليك ارداه
    يجيك الولد من بنتهم مايسرك
    ……………كما زرع ودن مايرد اذراه
    حذارا اتعدى عن بيوت الشجاعه
    ……………وبيت الشجاعه ما يطيح ابناه
    وعز الرفاقه لو ترى منهم الجفا
    …………..عسى لك رفيق ولو يزيد اجفاه
    رفيقك سلاح الضيق تلطم به العدا
    ……………ومن قل جيشه يطمعون اعداه
    وضيم الرفاقه علةٍ مالها دوا
    ……………يكون الرجا والصبر هو ا ادوه
    تصبر عليهم وارجهم مثل من رجا
    ……………حيا الصيف حتى يرتعي مرعاه
    وقْف دونهم لو كان ماقفك فالصفا
    …………..وموت الفتى مرحوم دون اعزاه
    وخصمك لياجا منتحي للطلايب
    ……………..تنقى له الخصمه وحير ماه
    لياجاك ظامي غلق ابواب حجته
    ………………وخله يموت ابعلته وظماه
    ولاتأمن الطلبه لياجات فلوجها
    …………..ولو كان خصمك نصلة المحلاه
    تراها كما بنت الزنا شقلبيه
    ………………يقع ينبني سد وثيق ابناه
    وحذرك من حلف اليمين المضره
    ………………تلزم بحبل الله ولا تنساه
    ترى الدنيا تقطع كل عصبه قويه
    …………..ومن يتقى الله مايخيب ارجاه
    ولا تكره الي ينصحونك عن الغوا
    ………….ترى كل غاوي ينشبه اغواه
    ولاتاخذ الاشوارمن عند جاهل
    ………….يقع عاقل تلقى الزمان ارباه
    وضم اللوازم كلها ثم ضمها
    ………….بحبل من العزم الوثيق اقواه
    وصلو على المختار ماهبت الصبا
    …………وماحج من فج بعيد امداه

    أنت الزائر رقم :
  • الغمر
    مشرف منتدى شعبيات
    • Feb 2002
    • 2328

    #2
    عشت
    نصيحه غاليه تستحق التمعن فيها والاخذ بها

    وعز الرفاقه لو ترى منهم الجفا
    …………..عسى لك رفيق ولو يزيد اجفاه
    رفيقك سلاح الضيق تلطم به العدا
    ……………ومن قل جيشه يطمعون اعداه

    اشكرك على القصيده ويبقى لي سؤال هل انت قائل القصيده ؟
    لعيونك

    تعليق

    • نواف الحريري
      مساعد المشرف العام
      • Aug 2004
      • 3848

      #3
      الاخ العزيز الغمر الله يعطيك العافيه
      واشكرك على مرورك


      اما بالنسبة للقصيدة فهي قصيدة مشهوره لشاعر عتيبي وحبيت اذكرها للفائدة
      طبعا الشاعر نفسه الي قال :
      أيامنا والليالي كم نعاتبها *** شبنا وشابت وعفنا بعض الاحوالي



      ولو اني شاعر صدقني ماراح ابخل عليكم لكن فيكم البركة

      أنت الزائر رقم :

      تعليق

      Previously entered content was automatically saved. Restore or Discard.
      حفظ تلقائي
      Insert: Thumbnail صغير وسط كبير Fullsize Remove  

      ماهو اسم المنتدى؟ (الجواب هو الديرة)

      Working...