Unconfigured Ad Widget

Collapse

ورطة فتاة آخر الليل تسبب زواجها !!

Collapse
X
  •  
  • الوقت
  • عرض
مسح الكل
new posts
  • عامر
    عضو مؤسس ومميز
    • Jun 2001
    • 2801

    ورطة فتاة آخر الليل تسبب زواجها !!

    بقولكم قصه خطيييييييييييييييييييييره
    قريتها في منتدى وعجبتني
    زواج زبايل
    هذي قصة حقيقية عن زواج بنت . وبحكيلكم عن قصة زواجها الغريبة المضحكة

    هذي البنت سلمكم الله عندها خوات أكبر منها وأصغر منها وهي توها متخرجة من الثانوي المهم بالبيت ما عندهم خدامة كل يوم الدور على وحدة من البنات تطبخ وبعدين ترمي الزبالة عند الباب المهم جا دور هالبنت اللي أتكلم عنها كانت سهرانة مع اخواتها الين الساعة 2 الصبح...وبعدها خواتها طلعوا ينامون فوق... وهي قعدت تنظف المطبخ وتشطب عليه.. وقامت طلعت الزبالة عند الباب ...المهم البنت قالت ليش أحطها عند الباب خليني أتشجع وارميها بالزبالة احسن..** وطلعت بره بالشارع وكان الشارع فاضي.. مرة وكانت الساعة حوالي 3.30 المهم يوم جت تطلع ترمي الزبالة قفل باب بيتهم هههههههه وقعدت المسكينة بالشارع ... فكرت ترن الجرس خافت أبوها يهاوشها ويسويلها شيء ..( لأن أبوها شديد)... وطلعت بالشارع ما عليها إلا ! قميصها حق البيت .. المهم حست أن صوت يقرب.. صوت سيارة!! قامت مسكت الزبالة وقلبتها ودخلت جوتها المهم كان اللي جاي ولد الجيران.. كان توه جاي من استراحة... المهم جا ولد الجيران ووقف السيارة وطلع المفتاح عشان بيدخل للبيت إلا يسمع صوت يتحرك بالزبالة؟؟!! واستغرب إن الزبالة مقلوبة قام قرب من عندها ...و جا بيرفع الزبالة ويزينها ...إلا صرخت البنت وقالت: لالالالا... قال: بسم الله الرحمن الرحيم.. إنتي إنس ولا جن؟! قالت: والله إنس قال إنتي وش جابك هنا؟؟!!... وقالت له: القصة وهي متغطية بالزبالة وترجت ولد الجيران يساعدها... قال: خلاص لا تخافين... قام قرب سيارته من باب البيت و ركب فوق السيارة ونقز وفتح للبنت الباب.. وقالها: ادخلي بسرعة لا احد يشوفك... قامت مسكينة ما صدقت رمت الزبالة ..وطلعت كذا قدام ولد جيرانهم المهم دخلت وقفلت الباب على طوول.... وولد الجيران واقف ما تحرك يناظر فيها المهم.. ما مر على هالسالفة يومين إلا جا وخطبها من أبوها وتزوجها... .......... حلوه صح



    تحيات / عامر



    آخر تعديل تم من قبل عامر; 28-10-2001, 09:47 PM.
  • ماجد الزهراني
    عضو نشيط
    • May 2001
    • 430

    #2
    القصة هذي ممتعة جدا يا عامر بس اعتقد انها تكررت قبل كذا من الاخ القناص اذا ما خاب ضني

    تعليق

    • الملكي
      عضو مؤسس ومميز
      • May 2001
      • 2947

      #3
      مشكور ياعامر على هذه القصه.......اما انها مكرره فأنا لا اتذكر انها قد طرحت من قبل في المنتدى..وان طرحت من قبل...ففي الاعاده افاده.....



      اخوكم الملكي
      لسني أحب اللسلسة

      تعليق

      • خا7لد
        عضو نشيط
        • Sep 2001
        • 603

        #4
        مشكور ياعامر على هذه القصه.:D


        مع تحياتي

        تعليق

        • عامر
          عضو مؤسس ومميز
          • Jun 2001
          • 2801

          #5
          الأخوان { ماجد الزهراني - الملكي - خا7لد }.
          مشكورين وحقيقة ما ادري اذا طرحت القصة قبل كذا والا لا اذا طرجت فالسموح من الذي شارك بها واذا هي جديدة فالحمد لله .
          تقبلوا تحيات .. عامر.<br> <br></TABLE>

          تعليق

          • ماجد الزهراني
            عضو نشيط
            • May 2001
            • 430

            #6
            الاخ عامر انا مالي اي عتب على تكرير القصة



            بس العتب عليك تخلي الشباب يلفون الشوارع اخر اليل يدورون عسي الله يرزقهم بعروس من جنب سطول الزبالة بصراحة اعيد واقول القصة حدا عجيبة

            تعليق

            • أبو زياد الكناني

              #7
              رب زبالة خير من الف ميعاد

              تعليق

              • عامر
                عضو مؤسس ومميز
                • Jun 2001
                • 2801

                #8
                أصلح الله شأنك ياماجد ما قلت انا للعزاب خلوكم باخر الليل وتابعوا مثل هذه الصدف.
                { كلٌ ميسرٌ لما خُلق له } وبعدين يالحبيب قسمت البنت هذي انها تتزوج بهذه الصدفة .
                . وسلامتك وشكرا لكل من شارك بهذا الخصوص . والله يرزق العزابية ببنات الحلال ، ويحمينا ويحميكم ويحمي المسلمين من كل مكروه.... اخيكم / عامر.
                آخر تعديل تم من قبل عامر; 03-11-2001, 10:19 PM.

                تعليق

                Previously entered content was automatically saved. Restore or Discard.
                حفظ تلقائي
                Insert: Thumbnail صغير وسط كبير Fullsize Remove  
                or Allowed Filetypes: jpg, jpeg, png, gif, webp

                ماهو اسم المنتدى؟ (الجواب هو الديرة)

                Working...