Unconfigured Ad Widget

Collapse

محاورة بين الملك فيصل وعبدالله اللويحان

Collapse
X
  •  
  • الوقت
  • عرض
مسح الكل
new posts
  • محمد الشهري
    إداري
    • Jan 2003
    • 4339

    محاورة بين الملك فيصل وعبدالله اللويحان


    ردية بين الملك فيصل واللويحان

    قال لويحان
    الليله الليله الليله نبا الطاروق طرقٍ غريب
    مثل الدراهم الى قاموا صيارفها يعدونها

    والله ما ادري يطيب لسيدي والا ترى ما يطيب
    ان كان ما ناسبت لك يا سنادي جزت من دونها
    فقال الملك فيصل
    الليله الليله الليله شواريبٍ تحد الشريب
    والاجنبيه الى وردت على المارد يحدونها

    ياذيب ياذيب ياللي جر صوته في علو الشذيب
    ذكرت عيني وهلت واهملت من عقب مظنونها
    قال لويحان
    عندي خبر بك جروحٍ ما يسر بها علاج الطبيب
    مير انحروا روضة التنهات ساكنها يداوونها

    من قال ابا اصبر وابا اكنا الجرح لين انه يجيه العزيب
    يصير بين الرجا والياس باعوها ويشرونها
    فقال الملك فيصل
    ما نيب زملٍ عليها من بعيد ولا قريبٍ طنيب
    يا عسرها وانت تحسبها ولو صديت يا هونها

    تراي لو صرت عنه ابعيد مرجاعي عليهم قريب
    والديره اللي نحل ابها عدانا ما يحلونها





    وفي ردية ثانية بين الملك فيصل واللويحان
    قال الملك فيصل
    خابرك تذكر بساتينٍ ثمرها الورد والهيل
    هو حاضرٍ نفعها والا متى حتنه يصيري

    بالحيل بالحيل يالويحان انا مشتاق بالحيل
    ليتك تشاور لنا الوقيّف كوده يستخيري

    قال لويحان
    من حال هاك البساتين النظيفة علّها السيل
    يقودني صوب حلو اثمارها خيط الحريري

    وقيّفها يا وسيع المعرفه ما يفهم القيل
    تثور بندق قليل الفود في وسط الجفيري

    قال الملك فيصل
    انا احسب انك على اللزمات بالقالات حلحيل
    تسعى لنا في طريق البيع والناقد بصيري

    حنا الى من شرينا يحضرونك حزت الكيل
    وتشوف بالعين يا مشكاي ما قلبك غريري

    قال لويحان
    والله ما في يدي قوة ولا حيلة ولا حيل
    حيث ان حبي الى شافوك يمضونه شعيري

    من طرد الصيد يذبح بالجفار وبالمغازيل
    واللي يجر السرايا للعدى لازم يغيري

    قال الملك فيصل
    الى غزينا عليهم فانت قيدوم الدواليل
    صيّور ما نلطم الخصمين بالحد الشطيري

    ويش انت خابر يوم انك جبت لي بعض المناديل
    تقول هذا مليته من زهر بستان غيري

    قال لويحان
    والله فلا ابغى فزوع ولا جرود ولا محاويل
    الناس في حكم رجالٍ على العالم خطيري

    ما ظن به كهربه تجذب كما يجذب التيل
    والا فلا صار شي اولا بعد قر القريري

    قال الملك فيصل
    لياس تيّس ولو صارت عواكيس وغرابيل
    صيّور ما يحمد المصباح سرايٍ يسيري

    الناس وقت الصرام كرام في كل المحاصيل
    واليوم نبغى كرمكم يوم جا وقت العصيري

    قال لويحان
    تراي اميّز المخراج قدام المداخيل
    بحال ابا اخشرك وبحال ترى منتب خشيري

    خادم وحامل سلاحي مالنا بالعدل والميل
    ولا يخاشر سلاطين الملوك الا الوزيري



    وفي رديةثالثة بين الملك فيصل واللويحان
    قال لويحان

    هاضني براق ليليٍ تسارا
    لاح برقه واعترض في كل ديره

    يا طويل العمر كنا بالنهارا
    الله العم بالبيان وبالسريره

    فقال الملك فيصل

    شوفكم بالعين ولا بالخبارا
    كود توهف لي على حروة غديره

    خلنا باللوح بالمارد خشارا
    والخشير ملّزمٍ يخشر خشيره

    فقال لويحان

    يا اشقر الجنحان يا طير الحبارا
    انت تدري بالمضره والبريره

    اتعذر منك زينات العذارا
    اسمحوا لي بالكبيره والصغيره

    فقال الملك فيصل

    والله ان ودي مع الدرب انتبارا
    والسبور تروح قدام المغيره

    وش علامك تنحرف عني يسارا
    ما تبي مجراي والشسطه قصيره

    فغيّر الملك فيصل الطاروق بطاروق فريد وغريب من نوعه

    خفا ما على مثل خفا
    ولو كان بتخفونها

    اعرف القصير امن الطويل
    عسى القصر يكهل من بناه

    وفا اللوح ولا ما وفا
    لزا شدها يمتونها

    انا ما ادعيك بلا دليل
    ولا اضرب طواريق الفلاه

    فقال لويحان

    طفا سوها عني طفا
    مقالات لا تحيونها

    تسامح عسى عمرك طويل
    ومن جاز له درب مشاه

    صفا الوقت ولا ما صفا
    صعيبات واقصر دونها

    سبب حملهم حملٍ ثقيل
    ولا كل من شاله قواه

    أرجو أن تنال إستحسانكم


  • بن معتق
    عضو نشيط
    • Jun 2002
    • 764

    #2
    كيف ماتنال استحساننا

    نالت الاستحسان وزياده


    الله يرحمك يافيصل
    ويرحم لويحان حيا او ميتا امين
    ديرتي دار السلام ,
    خير الانام..
    هي حصى والا تراب ...
    هي سما والا غمام,
    آنا منها ولها
    ..هي أنا هيَ جدي...
    هيََ وطن كل الكرام

    تعليق

    • أبو نواف النماصي
      عضو مميز
      • Dec 2002
      • 2774

      #3
      الجزل مايجيب إلا جزل


      تسلم ياأباتركي محاورات دسمة جدا

      الملك فيصل واسمه يغني عن أي شرح


      أما لويحان فهو مبدع من مبدعي الشعر الشعبي في نجد

      وله طرق خاص به اشتهر هذه الأيام شهرة واسعة


      أبوتركي عيدك مبارك ولك عندي أمانة من أبوسهيل إن شاء الله إنها قريبة يارفيقي


      صح


      أسعدك الله في الدارين وسلم واسلم

      تعليق

      • محمد الشهري
        إداري
        • Jan 2003
        • 4339

        #4
        الأخ بن معتق
        اشكرك جزيل الشكر على مرورك وتعليقك
        وكل عام وأنت بخير

        الأخ أبو نواف النماصي
        حياك الله وبياك يالغالي ومانقدم الا جزء بسيط مما أنتم تقدمونه
        إما الأمانة فكانها عندي مادامت عند أبو نواف

        كل عام وأنت بخير والسلام وصل

        تقبل مني أجمل التحيا


        تعليق

        • أبوخالد
          عضو
          • Dec 2001
          • 95

          #5
          الأخ محمد الشهري ...... حبك لمثل هذه الألوان وهذه القصائد وتزويدنا بها كل فترة دليل على أحساسك المرهف وذوقك الرائع
          فشكراً لك والمزيد منها بارك الله فيك .... وشكرا لك .
          ـــــــــــــــــــــــــ محبك أبو خالد ــــــــــــــــــــــــــــــــ

          تعليق

          • أبو ماجد
            المشرف العام
            • Sep 2001
            • 6289

            #6
            سلمت يمينك يا أبو تركي
            والله لا يحرمنا وجودك .

            تعليق

            • عبدالله رمزي
              إداري
              • Feb 2002
              • 6605

              #7
              ابو تركي
              عساك سالم وغانم وتعيش وتكتب غيرها واللي جاءك بهذه يجيك بغيرها
              أنشدك عن محاورة بين الملك فيصل يرحمه الله وبين عبادل المالكي
              في الطائف إن جاك عنها خبر ..لاتبطي بها علينا ..

              أما الأمانة فقل لأبو نواف النماصي ( أبت منها الجبال وحملها الإنسان .....)

              لنا لقاء

              عبد الله رمزي
              ما كل من يبعد به الوقت ناسيك ... بعض البشر قدام عينك وينساك

              تعليق

              Previously entered content was automatically saved. Restore or Discard.
              حفظ تلقائي
              Insert: Thumbnail صغير وسط كبير Fullsize Remove  

              ماهو اسم المنتدى؟ (الجواب هو الديرة)

              Working...