Unconfigured Ad Widget

Collapse

يمـــــــــــــــه فديتك من هموم الليالي !!

Collapse
X
  •  
  • الوقت
  • عرض
مسح الكل
new posts
  • خليل المطيري
    عضو
    • Jun 2003
    • 33

    يمـــــــــــــــه فديتك من هموم الليالي !!


    بسم الله الرحمن الرحيم

    يمـــــــــــــــــــــــــــــه

    يمه فديتك من هموم اليالي = يمه عسى ما شر شفتك تونين
    يمه خذي مالي ودوك الحلالي = يفداك يا يمه وأنتي تعرفين
    يمه ترى منسى خيالك قبالي = يمه خيالك مسكنه داخل العين
    إليا سمعت الصوت ينسر بالي = وانسى هموم الوقت وانسى الدواوين
    يمه ترى الجنه معك والمعالي = يمه قدم رجلك أحطه على العين
    أذكر زمان اول وانا فالدَلالي = أذكر تعبتي معي وانتي تربين
    من كثر ما ركض من يمين وشمالي = واتعبك ما همي سوى اللعب تدرين
    وتقولي اجلس يا وليدي ومالي = وانا مع الشارع ولعب الوراعين
    احيان اقول إني صغيرٍ وسالي = العب مع الجهال لعب الشياطين
    يوم اتذكر وش جرى في خيالي = مدري عن الأيام وشلون تمشين
    يوم إني اكسر خاطرك ما ابالي = ما همني يمه صغير ومسكين
    واذكر زماني يوم اشق الريالي = يوم الهلل والقرش يسوى الملايين
    يا حسرتي يا وقتي اللي مضالي = يومـ(ن) اشوفك طول الأيام تبكين
    مدري مرض ولا هموم تصالي = مدري تعب مدري كثر ما تحسين
    يمه عسى روحي وحالي ومالي = فدوه لدمعك يوم للدمع تخفين
    يمه لو الأيام تشرح سؤالي = سألت أنا الأيام وينك وانا وين
    وسألت دمعك يوم بل الشيالي = يا دمعة تسوى كنوز السلاطين
    وسألت حر الشمس وين الظلالي = وسألت قمرى الليل ما نورت زين
    يمه أبي منك السموحه ولا لي = مطلب سوى تعفين عني وترضين
    واخذي من الدنيا ودوك العيالي = أنتي لنا الراعي وحنا رعيين
    وستأذنك وقتى ترى ما صفالي = ادعي لمن ضاقت عليه الفلاتين
    ادعي لمنهو بيدته الليالي = عسى زمان راح يرجع وترضين
    وصلاة ربي عد رمي النبالي = على نبيٍ وضح الحق والدين

    خليل المطيري
  • أبو ماجد
    المشرف العام
    • Sep 2001
    • 6289

    #2
    يمـه فديتـك مـن همـوم اليالـي
    يمه عسى ما شـر شفتـك تونيـن
    يمه خـذي مالـي ودوك الحلالـي
    يفـداك يـا يمـه وأنتـي تعرفيـن
    يمه تـرى منسـى خيالـك قبالـي
    يمه خيالك مسكنـه داخـل العيـن
    إليا سمعت الصـوت ينسـر بالـي
    وانسى هموم الوقت وانسى الدواوين
    يمه ترى الجنـه معـك والمعالـي
    يمه قدم رجلك أحطه علـى العيـن
    أذكـر زمـان اول وانـا فالدَلالـي
    أذكر تعبتي معـي وانتـي تربيـن
    من كثر ما ركض من يمين وشمالي
    واتعبك ما همي سوى اللعب تدريـن
    وتقولي اجلس يا وليـدي ومالـي
    وانا مع الشارع ولعـب الوراعيـن
    احيان اقول إنـي صغيـرٍ وسالـي
    العب مع الجهال لعـب الشياطيـن
    يوم اتذكر وش جرى فـي خيالـي
    مدري عن الأيام وشلـون تمشيـن
    يوم إني اكسر خاطـرك مـا ابالـي
    ما همني يمـه صغيـر ومسكيـن
    واذكر زماني يـوم اشـق الريالـي
    يوم الهلل والقرش يسوى الملاييـن
    يا حسرتي يا وقتي اللـي مضالـي
    يوم(ن) اشوفك طول الأيـام تبكيـن
    مدري مـرض ولا همـوم تصالـي
    مدري تعب مدري كثر مـا تحسيـن
    يمه عسى روحي وحالـي ومالـي
    فدوه لدمعك يـوم للدمـع تخفيـن
    يمه لـو الأيـام تشـرح سؤالـي
    سألت أنا الأيام وينـك وانـا ويـن
    وسألت دمعك يـوم بـل الشيالـي
    يا دمعة تسـوى كنـوز السلاطيـن
    وسألت حر الشمس ويـن الظلالـي
    وسألت قمرى الليل ما نورت زيـن
    يمه أبي منـك السموحـه ولا لـي
    مطلب سوى تعفين عني وترضيـن
    واخذي من الدنيـا ودوك العيالـي
    أنتي لنـا الراعـي وحنـا رعييـن
    وستأذنك وقتى تـرى مـا صفالـي
    ادعي لمن ضاقت عليـه الفلاتيـن
    ادعـي لمنهـو بيدتـه الليـالـي
    عسى زمان راح يرجـع وترضيـن
    وصلاة ربـي عـد رمـي النبالـي
    على نبـيٍ وضـح الحـق والديـن


    --------------------
    أخي خليل المطيري ..........وفقه الله

    تصدق حاولت أنسخ أفضل أبيات أعجبتني من قصيدتك فلم أستطع إلا نسخ القصيدة كاملة لأنها رائعة من أولها لآخرها .

    قصيدة مليئة بالصدق والعاطفة والوفاء والبر .

    قصيدة استوقفتني كثيرًا وأعدت قراءتها مرات ومرات واغرورقت عيناي بالدموع .
    يقولون دموع الرجال غالية ..ولكن لا شيء غالي على الأم فداها روحي وكل ما أملك.

    اللهم ارزقنا البر بوالدينا ووفقنا له واجزهم عنا خير الجزاء .

    لك الشكر ياخليل ...على هذا الإحساس الصادق .


    أخوك المعجب : أبو ماجد

    تعليق

    • صدى الجنوب
      شاعر
      • Dec 2001
      • 1300

      #3
      شاعرنا خليل

      اسعدك الله وأسعد أيامك.
      أي إحساس وأي مشاعر وأي رؤية ياابو ابراهيم .
      عندما يتجرد القلب من العاطفة ويتصخر ويقسى تجد أن الانسانية بدون عنوان .
      لن اجد اكثر مما قاله الاستاذ ابو ماجد فقد كتب واسكت واملا واجاد .
      ليتني قلبك الطيب الطاهر البار ياخليل .

      اللهم اجعلنا من يبر والديه .
      تحياتي ولي معك لقاء .

      تعليق

      • خليل المطيري
        عضو
        • Jun 2003
        • 33

        #4
        بسم الله الرحمن الرحيم

        ابو ماجد

        السلام عليكم ورحمة الله وبركاته

        احرجتني بردك الرائع

        والمعذره على التأخير في الرد لكن ظرووووووووووووف

        والف الف الف شكر اخي الفاضل
        ولو إنني عاجز عن الشكر
        لتواجدك وحضورك
        وتشجيعك

        كل التقدير والاحترام

        اخوك

        خليل

        تعليق

        Previously entered content was automatically saved. Restore or Discard.
        حفظ تلقائي
        Insert: Thumbnail صغير وسط كبير Fullsize Remove  

        ماهو اسم المنتدى؟ (الجواب هو الديرة)

        Working...