Unconfigured Ad Widget

Collapse

قولو رأيكم في هذه القصيده

Collapse
X
  •  
  • الوقت
  • عرض
مسح الكل
new posts
  • الفديم
    عضو مشارك
    • Sep 2002
    • 188

    قولو رأيكم في هذه القصيده

    الشوق جابه للبوادي من المدينـه
    مرخص( ن) قلبه ويقول انه هديه
    قال لي يابنـت والنبـره حزينـه
    اسـألـك بالله وتــردي علـيـه
    وشدوا نفس(ن)غدت عندك رهينـه
    في فراقك صارت تشـوف البليـه
    قلبي المحروم شوفك مـن يعينـه
    في احتمال ا لضيم والحاله الشقيه
    الحشـا منصـاب والعلـه مكينـه
    ارفقي بحالـي وروفـي يااجوديـه
    واللي بالعشرين عمرك في سنينـه
    كيف عزمي بعثره واجهـز عليـه
    كيف انا الفارس ولي فعل(ن) ترينه
    أفنت فلولي من رموشـك سريـه
    قلبي ماسور(ن) وايمد الكم ايدينـه
    طالب(ن) قرب الغلا ودنيـا هنيـه
    قلت له مثلك تـرى حنـا ابتلينـا
    نفسي لـو بيـدي اقدمهـا هديـه
    قلتها لـه كلمت(ن)يـوم التقينـا
    وصوبت روحي بطعنات(ن) قويـه
    مالي بحـب (ن)عوايدنـا تدينـه
    فدوتـك عينـي ، ولكنـي بدويـه
    أهلي مايرضـون يانـور المدينـه
    الولـد عمـي زفتـي ولا المنيـه
    اكرمك ضيف(ن)اذا ركابك تجينـا
    وبعدها ارحل .. ولا تسيـر عليـه




    وعلى فكره هذه القصيده جاءتني في البريد الخاص بي


    اخوكم محمدالفديم برحرح السوق
  • خليل المطيري
    عضو
    • Jun 2003
    • 33

    #2
    بسم الله الرحمن الرحيم

    الفديم

    السلام عليكم ورحمة الله وبركاته

    اختيار جميل جدا

    وذوق راقي منك اخي الفاضل

    الف شكر على اتحافنا بهذه الرائعه

    كل التقدير

    اخوك

    خليل

    تعليق

    • صدى الجنوب
      شاعر
      • Dec 2001
      • 1300

      #3
      القصيدة لاباس بها

      ياليت تقول لنا من قائلها ؟؟؟؟؟؟؟؟

      ويسلم القائل والناقل

      تعليق

      • الفديم
        عضو مشارك
        • Sep 2002
        • 188

        #4
        الاخوان خليل المطيري وصدى الجنوب

        اشكركم على تجاوبكم وبالنسبة لقائل هذه القصيده والله لااعلم عنه

        كل مافي الامر انني وجدتها في ايميلي وحبيت اخذ وجهة نظركم في

        مدى جودة هذه القصيده ولكم جزيل الشكر

        اخوكم/ محمدالفديم

        تعليق

        Previously entered content was automatically saved. Restore or Discard.
        حفظ تلقائي
        Insert: Thumbnail صغير وسط كبير Fullsize Remove  

        ماهو اسم المنتدى؟ (الجواب هو الديرة)

        Working...