Unconfigured Ad Widget

Collapse

ياللي زعلت

Collapse
X
  •  
  • الوقت
  • عرض
مسح الكل
new posts
  • سراب

    ياللي زعلت

    ياللي زعلت إزعل ولاني مراضيك ^ إشرب كدر ماي البحر كانه أرضاك

    لاتحسب أني عقب صدك بداريك ^ بأعز نفسي عنـك مـدراك مــدراك

    قبل توريني الحســـــاير بأوريــــك ^ ليــمن يقــال فــلان هانـــك ووراك

    كانك تحداني فأنا أقبل تحديــــك ^ وأنسى الغرام اللي مضىوأتحـداك

    ماني بقايل لك عسى الله يهنيك ^ الله يحرمك كــل ماكـــان هنـــــــاك

    عسى العمر ياخاين العهد يعميك^ فوق الغرور اللي عن الماضي أعماك

    وعساك ماتسمع قريب يناديـــــك ^ حيثك تجاهل صوت محـــروم نـاداك

    وعسى الشلل يعوق رجل تمشيك^ لينك تندم ليه غيرت ممشـــــــاك

    وعسى حياتك بس فرحه لشانيــك ^ يلقى بها الفرصه عدوك ويشناك

    وعسى الليالي أللي تجيني بطاريك ^ يصبح عليها الصبح ويموت طريــاك

    وعسى المنام وكل راحه تجافيــــك ^ آمين حتى اللي تمناه يجـــــفاك

    هذه النهايــــــه روح والله يجازيـــــك ^ أمسك ويومك عنهم الغد يجزاك
    -------------------------------------------------------------------------------------
    هذي قصيده أعجبتني لأحد الشعراء أتمنى إنها أعجبتكم.



    تحياتي
    أختكم سراب
  • الملكي
    عضو مؤسس ومميز
    • May 2001
    • 2947

    #2
    الله.....كل هذه القساوه في قلبك.....ما اعتقد ذلك...
    لسني أحب اللسلسة

    تعليق

    • عامر
      عضو مؤسس ومميز
      • Jun 2001
      • 2801

      #3
      الأخت سراب : حقيقة قصيدة جيدة ويوجد بها قسوة زيادة وكان الدعاء له بأن يرد عقله افضل من النسف اللي حصل
      كان بدل هذا الذي ذكرتيه قلتي ابتعد وفكني من شرك وقولي دائما :
      رح ترا ماني على مثلك غيور
      سو ما تهواه وافعل ما تريد
      ودك القلب من غيظه يفور
      بس انا قلبي على مثلك حديد
      غيرتي يازين ماتت من شهور
      ومات عطفي وانقطع حبل الوريد
      ابتعد ماحب قربك يانكور
      عيش ما باقي من ايامك وحيد
      ولك هديه كلمتي باتل السطور
      يوم فرقاكم كأنه يوم عيد
      آخر تعديل تم من قبل عامر; 06-10-2001, 05:56 AM.

      تعليق

      • الزاهر
        عضو مؤسس ومميز
        • May 2001
        • 1805

        #4
        قصيدة ممتازة
        بس الرجال ايش يبغى بحياته اذا اصبخ مشلول
        لا حول ولا قوة الابالله

        تعليق

        • سراب

          #5
          شكرا على ردودكم وقراءتكم للقصيده

          بس أقول أخ عامر

          <<<<< تراها عاجبتها والناس أذواق.
          ========================




          تحياتي

          تعليق

          Previously entered content was automatically saved. Restore or Discard.
          حفظ تلقائي
          Insert: Thumbnail صغير وسط كبير Fullsize Remove  
          or Allowed Filetypes: jpg, jpeg, png, gif, webp

          ماهو اسم المنتدى؟ (الجواب هو الديرة)

          Working...