بالله رزكم وش محرقه؟؟؟

[عطيه بن عقدان]

اخواني الكرام
اسعد الله كل اوقاتكم
اطرح بين ايديكم هذه الرائعه للشاعر العذب مستور المالكي
وقد اهدانيها لكي اقدمها بين يديكم
ارجو ان تحوز على اعجابكم

ما دمت في رايك مجرد شخص يغريه الجمال = واني غني وإن الغني كل العذارى تعشقه

واني بعد مغرور متربي على عز ودلال = واني على قولك ولدت بوسط فمي ملعقه

يا بنت قبل تكملى بالله عندي لك سؤال = من حفظك هالجملتين الله يقطع منطقه

صحيح ما هو طبعي ادخل في متاهات الجدال = فقط لمعلوميتك شمسي عليكم iمشرقه

فقط لتوضح الحقيقة ودي اضرب لك مثال = عرفت من تفكيرك المتواضع انك مطرقه

اول شي اقلوب العذارى ما تثمن بالريال = والحب ما هو ب (استكر) في قلب خلك تلصقه

والحب ما يخضع لجاه ولا جمال ولا لمال = والحب ما يخضع لقانون (اعذب الحب اصدقه)

ثاني شي انه ما شغلني جمع مالى بالخيال = يكفيني احيا في كرامه راس مالى بندقه

الله رزقني عقل يسمو عن رديين الخصال = لكن ابفهم شي ( بالله رزكم وش محرقه؟؟؟ )

المال ما غيّر طبايعنا ولا نكنز غلال = على وجوه الخير ودروب المراجل ننفقه

بيوتنا مدهال للضيفان ما تخلى الدلال = قبل الفقير إلنا يمد ايده يدينا تسبقه

إذا لفانا الضيف قدمنا من اخيار الحلال = وإذا لفى المهموم باذن الله همه يعتقه

وإذا طلبنا رزقنا نطلبه بالشي الحلال = كل واحد منا لهيب الشمس ضجت مفرقه

ولا نكابر بالغنى والرزق من رب الجلال = يكتب لكل انسان رزقه من قبل ما يخلقه

وابوي شيخ اشيوخ ينصونه صناديد الرجال = وابوي من صغره كسب ماله بكده واعرقه

ولا كسب ماله بغش ولا بساليب احتيال = ما هو مثل جدك من اجيوب الغلابه يسرقه

وابوك لو ضيّع رياله ما ينام اربع ليال = وإن جوا له الضيفان يكرمهم ببيضاً يسلقه

صحيح 000 انا وشهو له ادخل في متاهات الجدال !!! = مع واحده فيها الحسد عدا الحدود المطلقه

ما كان له داعي تجي بسلوب يحدث لى انفعال = قولى لى ارحل واوعدك هالباب ما عاد اطرقه

من يوم انا في المهد ما قد قلت للمقفي تعال = حتى ولو بعده يوديني لحبل المشنقه

على الحرام إن جيت بعد اليوم واعطيتك مجال = هذا الشنب ما هو على رجال وان جيت احلقه


مستور المالكي

قدمها لكم
ابو فارس