Unconfigured Ad Widget

Collapse

قوانين الحضــاره لا تبي شـوفي ولا ابيـها

Collapse
X
  •  
  • الوقت
  • عرض
مسح الكل
new posts
  • ابن مرضي
    إداري
    • Dec 2002
    • 6170

    قوانين الحضــاره لا تبي شـوفي ولا ابيـها



    الا يالله عفـوك لا معي بيـجــر ولا جــــوال
    ولا عنـدي وظيـفه والتجـــاره فاشـلٍ فيـها


    ولاعندي شهـاداتٍ ولاحــرفه تسـد الحــال
    ولا حــظٍ كبير لا اخـطـت الجــــره يقديها


    مخابي الثوب تومي مادخلها من زمان ريال
    بها فاتورة الكهــرب ولا يمـديني اقضيـها


    على ذيك العراوي تتعب الحادي مع الجمّال
    ثلاث اشهـور فالورشـه وشهـرينٍ مغطيـها


    ابيها لو تجـمّـل يـوم واجلـبـها على الدلاّل
    يجيـها واحـدٍ حـظه مثل حـظي ويشــريها



    نصيت العسـكـريّه يوم قالوا للنظـام رجــال
    وقـدّمـت المـلـف وصـورةٍ متشــخـصٍ فيـها


    خـذا الاوراق مني واحـدٍ مـا عند ابـوه دلال
    سلوم الناس واهل المعرفه والطيب مخطيها


    قراهـا في دقيـقه والتفـت عـجـلٍ علي وقـال
    شهادتك العظيمه يا ولد وين انت مخفـيها


    هزّيت الراس ماعندي تقول اني من البنقال
    وقمـت احـب خشـمه واطلبـه بالله تمشّـيها


    حـذفها من يده شين الطبيـعه والنبا والفـال
    وقـال ازين تعـوّد صـوب نوقاتـك تعشّـيها


    تناوشته من الكرسي وعفت الحل والترحال
    وضربته بالبياله عقب ما بيّحت شـاهـيها


    خذوني للسجـن لا نيب لا ظـالم ولا محـتال
    مجـرّد واحـدٍ جـا يكـحل عيونه فيعمـيها


    ويوم اني خرجت اقفيت لارض الله وسيع الجال
    عـلى بـرٍ هـواه يـداوي العـلّـه ويـبـريـهـا


    ادوّر قصعة الجـربوع والضـب الفتي يخـتال
    والارنب يا شفاة الروح ما احلاها وطاريها


    بـلا كهــرب ولا بيجــر ولا غـازٍ ولا نقّــال
    قوانين الحضــاره لا تبي شـوفي ولا ابيـها
    هذه قصيدة اعجبت بها فرأيت ان تشاركوني فيها .( لااعرف القائل)
    كم منزلٍ في الأرض يألفه الفتى = وحنينه أبدا لأول منزل
  • عبدالله رمزي
    إداري
    • Feb 2002
    • 6605

    #2
    اخي الفاضل/ بن مرضي

    مايعجبك يعجبنا ويروق لنا ونتمعن فيه

    فهذا رجل حدته المقادير في يدين اللي ما يقدرون ولايعرفون قيمة الرجال . ولكن الزمن غدّار

    مثل ماقال ابورزق
    وعود النمر ثعلب والثعالب نمورا

    لكنك الست معي في نهاية ابيات ذلك الرجل أنها حياة جميلة رغم قساوتها.



    ويـوم انـي خـرجـت اقـفـيــت لارض الله وسـيــع الـجــال
    عـلــى بــرٍ هــواه يـــداوي الـعــلّــه ويـبـريــهــا

    ادوّر قـصـعـة الـجـربـوع والـضــب الـفـتــي يخـتــال
    والارنـب يــا شـفــاة الــروح مــا احـلاهــا وطـاريـهــا

    بـــلا كــهــرب ولا بـيــجــر ولا غـــازٍ ولا نــقّــال
    قـوانـيــن الـحـضــاره لا تـبــي شـوفــي ولا ابـيـهــا


    يازين حياة البر وانا اخوك كم اتمنى أن اقضي بها بعض الليالي على ضوء النار والقمراء
    واشاهد النجوم واستمتع بهوائها العليل.

    عبدالله رمزي
    ما كل من يبعد به الوقت ناسيك ... بعض البشر قدام عينك وينساك

    تعليق

    • أبو نواف النماصي
      عضو مميز
      • Dec 2002
      • 2774

      #3
      ويوم اني خرجت اقفيت لارض الله وسيع الجال
      علـى بـرٍ هـواه يـداوي العلّـه ويبريـهـا


      ....................

      والله يابن مرضي

      مرت علي القصيدة لكن القائل ما صادته الذاكرة!!!!!

      والقصيدة معبرة ومرة وواقعية الأسلوب

      أكيد إنه ليس شاعر مشهور

      والله أعلم

      تعليق

      • حمد بن مسفر الشمراني
        مشرف منتدى الشعر النبطي
        • Oct 2002
        • 279

        #4
        مساء الخير

        الفصيده للشاعر العملاق ( سعد بن جدلان )

        سمعتها منه شخصيا


        وقد استغربت كثيرا عندما كتبت في وقت سابق باسم ( فنان الديره)

        على ما اذكر


        واخيرا يابن مرضي احسنت الاختيار ويبقى سعد بن جدلان رمزا من رموز الشعر النبطي وعلامه فارقه لاجدال في ذلك


        اخيرا: تصوّروا يا اخوان لو عاش هذا الرجل البدوي في حدائق كاليفورنيا او رآها فقط


        هذا الشاعر الذي نحتت في وجه تضاريس بيشه كل معاني البداوه


        شاعر لم ولن يمر على الشعر النبطي مثله وله ديوانه الشهير( سمان الهرج ) فمن يقرأه لن يجد مجالا من ان يعطي هذا الشاعر لقب امير شعراء النبط بدون منازع

        شاعر يملك من الشعر الشعور

        والوصف

        والاتقان

        والانسيابيه

        والبساطه

        والصعوبه

        والحماس

        والارتجاليه

        والابداع

        وحدّث ولا حرج



        فهو مدرسة مستقلّه بذاتها وهو بلا ادنى شك من جيل الشعراء الكبار والكبار جدا




        مع التحيّه اخوكم حمد بن مسفر[/TABLE]

        تعليق

        • عبدالله رمزي
          إداري
          • Feb 2002
          • 6605

          #5
          تحية ياحمد

          وعند جهينة الخبر اليقين

          تشكر على هذه المعلومات الوافيه

          (( الكتاب اين نجده ))

          عبد الله رمزي
          ما كل من يبعد به الوقت ناسيك ... بعض البشر قدام عينك وينساك

          تعليق

          • ابن مرضي
            إداري
            • Dec 2002
            • 6170

            #6
            شكرا لك ياعزيزي حمد بن مسفر وأكرر نفس السؤال الذي ساله عزيزنا الأستاذ المشرف عبد الله رمزي . وشكرا لك مرة اخرى .
            كم منزلٍ في الأرض يألفه الفتى = وحنينه أبدا لأول منزل

            تعليق

            Previously entered content was automatically saved. Restore or Discard.
            حفظ تلقائي
            Insert: Thumbnail صغير وسط كبير Fullsize Remove  

            ماهو اسم المنتدى؟ (الجواب هو الديرة)

            Working...