Unconfigured Ad Widget

Collapse

محاورة بين خاطب وعمه

Collapse
X
  •  
  • الوقت
  • عرض
مسح الكل
new posts
  • المحبي
    عضو مميز
    • Jan 2003
    • 2116

    محاورة بين خاطب وعمه

    هذه المحاوره منقوله لكم من احد المنتديات0





    اوّل مانبدا بسم الله = ووجوه الخير نحيّيها



    الخاطب

    اهلاً هلا يابو عُميشه = اوّل مرّه ونثنّيها






    عمه

    قلّي ياوليدي وش جابك = وامك ليه انت مخلّيها




    الخاطب

    آنا جيتك ودّي بنتك = تكفى عمّي زوّجنيها




    عمه

    ابشر باللي جيتً لجله = بس خمس شروط تلبّيها




    الخاطب

    كل شروطك على راسي = بنتك تطلب وآنا اعطيها




    عمه

    آنا ودّي جيب مجنّط = والا الدداسن مابيها




    الخاطب

    ياعالِم هذي اوّلها = والله يستر من تاليها




    عمه

    وبنتي تبي بيت لحاله = يعني فلّه تسكن فيها




    الخاطب

    حاضر ياعمّي بالفلّه = لعيون عُميشه نبنيها




    عمه

    وتبي خدّامه طبّاخه = تسوي قهوتها وشاهيها




    الخاطب

    كل شروطه على راسي = عُميشه تطلب وآنا اعطيها




    عمه

    وتبي سيّاره جديده = وتبي سوّاق يودّيها




    الخاطب

    امري لله ويش اسوّي = حتى السيّاره نشريها




    عمه

    وامّك ياوليدي خرفانه = وبنتي ماتطيق تراعيها




    الخاطب

    وهذي امّي مالَه غيري =ولازم بالخير نجازيها




    عمه

    ودَّه خالك والا جارك = والا شف لك صرفه فيها




    الخاطب

    والله ياعمّي زوَّدته = ودلّيت تحوس بتاليها




    عمه

    هذا شرطي ودّك والا = بنتي كلّن ودّه فيها




    الخاطب

    أُمّي عندي تسوى الدّنيا = وبنتك عندك مانبيها




    عمه

    اِطلع يالخايب من بيتي = والا هالحين اسوّيها




    الخاطب

    احفظ كلامك يالشيبه = لقلب عاليها واطيها




    وسلامتكم
  • حنش

    #2
    الله
    علي الرحام انها حلوه
    وليتك زدت وحده الدش الدش نسيته
    المره تبغيلها دش وفديو وتلفزيون متلون ......

    الله يستر من توالي ذا الشروط
    غدتبنا البطره في كل شئ
    ......

    تعليق

    • صدى الجنوب
      شاعر
      • Dec 2001
      • 1300

      #3
      حقيقة هذي معاناة خاطب .

      فعلا بعض الشيوبه طماع ، تلقاه يفرض شروطه على الخاطب وكأن بنته وسعادتها بعد الزواج ماتهمه . مايدري انها بتعيش مع هذا الشخص الذي حط اللي وراه واللي قدامه وبيبقى في دين الزواج ويمكن يورثه لاولاده.

      تعليق

      • أبو نواف النماصي
        عضو مميز
        • Dec 2002
        • 2774

        #4
        الخاطب


        أُمّي عندي تسوى الدّنيا = وبنتك عندك مانبيها


        الله يصح لسان القائل والله ثم والله إن هذا البيت في معناه يسوى قصايد

        عصماء

        تسلم ياعلي .....ولازال كما يقولون



        لازال للمبدعين مع الإبداع سر لاأحد يعرفه

        تعليق

        • نجم
          عضو
          • Feb 2003
          • 33

          #5
          الغالي علي الجنوبي

          صح لسانك ولسان شاعرها

          ومنقول مفيد يالغالي


          وبالتوفيق

          تعليق

          • المحبي
            عضو مميز
            • Jan 2003
            • 2116

            #6
            الاخوان

            حنش

            صدى الجنوب

            ابو نواف النماصي

            نجم

            اشكركم من الاعماق على تعبيراتكم الصادقه واقول لكم كل عام وانتم بخير ومن العائدين0

            تعليق

            Previously entered content was automatically saved. Restore or Discard.
            حفظ تلقائي
            Insert: Thumbnail صغير وسط كبير Fullsize Remove  

            ماهو اسم المنتدى؟ (الجواب هو الديرة)

            Working...