Unconfigured Ad Widget

Collapse

الرســــم والالوان

Collapse
X
  •  
  • الوقت
  • عرض
مسح الكل
new posts
  • عطيه بن عقدان
    عضو مميز
    • Mar 2002
    • 2282

    الرســــم والالوان

    ترونها قديمه في بداية المحاولات النبطيّه




    احاول بفكري والقلم واكتب الابيات=ولاكن خساره ماقدرت اكتب ابياتي
    ابحكي لكم قصه لها فالهوى رسمات=ولجل الهوى فالقلب لوّنت رسماتي
    لها اللون الاسود لون ليلاً بنا بيّات=الا لا يعيد الله لنا ليل بيّاتي
    اعاتبك ياعيني على هلّة العبرات=وعيني تكايدني بهلات عبراتي
    اساهر نجوم الليل والقلب في ونّات=ليين ان ضاق القلب من كثر وناتي
    الا ياوليفاً فالهوى ورّد العلّات=تراك الوحيد الي تمكن بعلاتي
    انا بعد ما فارقتني جتني العثرات=رجيتك تداويني وتدرى بعثراتي
    وياكم وكم جافيتني كثرها مرات=تجيب الحلا مره وبالمر مرّاتي
    شكيتك على من نزّل الحق بالايات=ونزّل كتاباً للنبي فيه آلاياتي



    مع تحيات ابو فارس
    عطيه بن عقدان
  • صدى الجنوب
    شاعر
    • Dec 2001
    • 1300

    #2
    سلمت يمينك يابو فارس .



    اعاتبك ياعيني على هلّـة العبـرات وعيني تكايدنـي بهـلات عبراتـي

    احيانا الانسان يدور للدموع ولا يلقاها ،،،،، يابختك بعيونك يابن عقدان.



    تحياتي يالعذب ولا عدمناك .

    تعليق

    • حمد بن مسفر الشمراني
      مشرف منتدى الشعر النبطي
      • Oct 2002
      • 279

      #3
      الله يعطيك العافيه يابو فارس

      قصيده ارفع القبّعه احتراما لها وصح لسان قايلها

      فكرتها ممتازه واحسن مافي الشعر النبطي وجود الفكره الجديده

      قصيده رائعه وفعلا ( قديمك نديمك )

      [لي مداخله معك على نفس الوزن والقافيه لهذه القصيده التي استفزتني وارجو ان تعجب الجميع واولهم انت وارجو ان تكون الفكره جديده في المنتدى بحيث تكون القصائد ردود دون الخلط بينها وبين القلطه واكيد ادركتم جميعا ما اعني :::: اسمع يابو فارس

      لوحاتي


      بداياتك اللّي قلت يازينها ابدايات

      وذكّرتني ياخوك لحظة بداياتي


      وذكّرتني ياخوك من فرّقتني أشتات

      خذت عقلي وقلبي وخطّت نهاياتي


      ليا ذعذع الغربي تذكّرت وقتن فات

      ولا هبّت النجديه اكتب معاناتي


      حبيبي عطيته حبّ عيني وحبّ الذات

      ولكنّ ياوجدي على كلّ مافاتي


      وجودي عليها وجد من عذّبوه ومات

      ومقهور بعد الموت مابين الامواتي


      يبو فارس ابكتب معاناتي ابصفحات

      بوقتن مضى واقفى وشطّب علاماتي


      وابرسم يبو فارس مع الهوى لوحات

      واصوّر حياتي لك وتعجبك لوحاتي


      انا بعدها كنّي غريبن بدون اثبات

      يدوّر هويه وخايف امن الجوازاتي


      وهذي قصيده عذّبتني وغصبن جات

      نهاية قصيدي لك تقبّل تحياتي


      اخوك.... ( حمد بن مسفر الشمراني)[/TABLE]

      تعليق

      • عبدالله رمزي
        إداري
        • Feb 2002
        • 6605

        #4


        الا ياوليفـاً فالهـوى ورّد العـلّات
        تراك الوحيد الـي تمكـن بعلاتـي
        انا بعد ما فارقتني جتني العثـرات
        رجيتك تداويني وتـدرى بعثراتـي
        وياكم وكم جافيتني كثرها مـرات
        تجيب الحلا مره وبالمـر مرّاتـي

        اخي /ابوقارس

        صحيح أن القديم يبقى غالي مهما حاولنا التجديد

        الله يمتعك بالصحة والعافية ولكن ماكان خليت القديم الى بعد العيد
        عشان الونات تزداد والحنين يزيد.
        تجيب الحلا مره وبالمر مرّاتي

        الله يسلمك وتجيب اقدم منها.....!
        ولك الشكر اللي ذكّرت بعض الشعراء بماضيهم واستعادوا ذكرياتهم

        فهذا الشاعر / حمد بن مسفر صاحب المداخلات الجميلة الذي ذكّرته بماضيه يتحفنا بهذا الرد الجميل مدحاً لك واستعادة الذكريات الجميلة.
        اكيد من اعجابة بقصيدة ابوفارس وتطابق القافية لم يصبر وهاجمته القريحة في نفس اللحظة ليورد هذه الرائعة.

        ليا ذعذع الغربي تذكّرت وقتن فات
        ولا هبّت النجديه اكتب معاناتي
        حبيبي عطيته حبّ عيني وحبّ الذات
        ولكنّ ياوجدي على كلّ مافاتي
        وجودي عليها وجد من عذّبوه ومات
        ومقهور بعد الموت مابين الامواتي

        بالتوفيق للجميع

        محبكم ابوسهيل[/TABLE]
        ما كل من يبعد به الوقت ناسيك ... بعض البشر قدام عينك وينساك

        تعليق

        • أبو ماجد
          المشرف العام
          • Sep 2001
          • 6289

          #5
          الرسالة الأصلية كتبت بواسطة ابو سهيل


          الا ياوليفـاً فالهـوى ورّد العـلّات
          تراك الوحيد الـي تمكـن بعلاتـي
          انا بعد ما فارقتني جتني العثـرات
          رجيتك تداويني وتـدرى بعثراتـي
          وياكم وكم جافيتني كثرها مـرات
          تجيب الحلا مره وبالمـر مرّاتـي

          اخي /ابوقارس

          صحيح أن القديم يبقى غالي مهما حاولنا التجديد

          الله يمتعك بالصحة والعافية ولكن ماكان خليت القديم الى بعد العيد
          عشان الونات تزداد والحنين يزيد.
          تجيب الحلا مره وبالمر مرّاتي

          الله يسلمك وتجيب اقدم منها.....!
          ولك الشكر اللي ذكّرت بعض الشعراء بماضيهم واستعادوا ذكرياتهم

          فهذا الشاعر / حمد بن مسفر صاحب المداخلات الجميلة الذي ذكّرته بماضيه يتحفنا بهذا الرد الجميل مدحاً لك واستعادة الذكريات الجميلة.
          اكيد من اعجابة بقصيدة ابوفارس وتطابق القافية لم يصبر وهاجمته القريحة في نفس اللحظة ليورد هذه الرائعة.

          ليا ذعذع الغربي تذكّرت وقتن فات
          ولا هبّت النجديه اكتب معاناتي
          حبيبي عطيته حبّ عيني وحبّ الذات
          ولكنّ ياوجدي على كلّ مافاتي
          وجودي عليها وجد من عذّبوه ومات
          ومقهور بعد الموت مابين الامواتي

          بالتوفيق للجميع

          محبكم أبو ماجد[/TABLE]

          تعليق

          • علي البيضاني
            إداري و شاعر عرضة
            • Oct 2001
            • 1577

            #6
            اخي /ابوقارس

            صحيح أن القديم يبقى غالي مهما حاولنا التجديد

            الله يمتعك بالصحة والعافية 0

            وياليت تكثر لنا من هذا القديم اذا كان بعد شي

            قلب الاوراق القديمة وشف



            يعطيك العافية
            ابو فيصل يقول .... الستر والعافية مكسب ومال

            تعليق

            • ضيف الله العامري
              • Apr 2002
              • 1573

              #7
              العذر منسق الشعر لايعمل

              تحيه وتقدير لابوفارس على هذا الابداع ولي وقفه مع هذا القافيه



              انا لي مع ذلوقت ياصاحبي وقفات

              .................وقفت اذكر الماضي وطولت وقفاتي

              ولك في حياتي ياوليفي من البصمات

              ................ونافي حياتك بعد ياكثر بصماتـــــي

              ولي في دروب الحب صوله ولي خبرات

              .................وكم واحد يعرف مع الوقت خبراتي

              عشقت الهوىواعشق مع الهوا السجات

              .................فيا كثر روحـــــاتي وياكثر سجاتي

              تذكر ماضينا و زا دتبي الونات

              .................ولاتسمع الاتالي الليل وناتــــــــي

              على من يشابه للقمر وبهر المبات

              .................لايا شفت زوله جاي طفيت لمباتي

              يقول المثل يامحلى بعض هالصدفات

              .................ونا مالقيت الحظ في كل صدفاتي

              يابوفارس انت مع الهوا فايت النظرات

              ...............بعد شفت شعرك قلت ياقصر نظراتي

              عسى الله يسامح راعي الذنب والزلات

              ................كريم(ن) طلبته عارفآ كل زلاتــــــي

              تعليق

              • عطيه بن عقدان
                عضو مميز
                • Mar 2002
                • 2282

                #8
                صدى الجنوب ... حبيب القلوب

                اسعدني مرورك وتعليقك يامشرفنا العزيز
                فأنا لازلت طالب بجانبك
                آمل ان احوز على رضاكم

                تحيات اخوك ابو فارس

                تعليق

                • عطيه بن عقدان
                  عضو مميز
                  • Mar 2002
                  • 2282

                  #9


                  عزيزي حمد بن مسفر الشمراني
                  اشكرك من اعماق قلبي على المرور والمشاركه
                  والحقيقه ان ابياتك زادت من وهج هذه الصفحه
                  و اللحضات القديمه جميله جداً لايمكن ان تتكرر

                  تحياتي لك ولاسلوبك الراقي

                  تعليق

                  • عطيه بن عقدان
                    عضو مميز
                    • Mar 2002
                    • 2282

                    #10

                    حبيب الكل ابو سهيل
                    سهّل الله لك ما تراه صعبا
                    اشكرك على المرور والتعليق
                    الونات موجوده قبل العيد والا بعده
                    لا ويمكن تزيد بعد العيد ههههههههه
                    الحقيقه ودّنا نشعر بوناتك يابو سهيل والا ترا بنزهم ابو عادل
                    هو الوحيد الي يعرف كيف يرفع ضغط اشجانك الشعريه

                    مادري ويش اخبار عسل ابو ثامر



                    تمنياتي لك بالتوفيق

                    تعليق

                    • عطيه بن عقدان
                      عضو مميز
                      • Mar 2002
                      • 2282

                      #11
                      ابو مــــــــــــــــــــاجد
                      حياك الله تراحيب المطر
                      اشكرك على مرورك و المتابعه
                      الحقيقه انت كل المنتديات

                      سلمت لنا يا الغالي
                      وفقك الله

                      تعليق

                      • عطيه بن عقدان
                        عضو مميز
                        • Mar 2002
                        • 2282

                        #12


                        ابو ثامر
                        الشاعر الانيق
                        مداخلتك لا تقل روعتاً عن مداخلة ابو مسفر
                        الضاهر ان الماضي له حنين خاص عندكم
                        الله لايزيد من وناتك يابو ثامر
                        اسمحوا لي ان احتفض بمداخلاتكم

                        تمنياتي لك بالتوفيق و النجاح

                        تعليق

                        Previously entered content was automatically saved. Restore or Discard.
                        حفظ تلقائي
                        Insert: Thumbnail صغير وسط كبير Fullsize Remove  

                        ماهو اسم المنتدى؟ (الجواب هو الديرة)

                        Working...