النتائج 1 إلى 2 من 2

الموضوع: طيف

  1. #1

    طيف



    الاسم عادي والمسمّى غير=انا اشهد انه لا . . ماهو عادي
    .
    والمدح يصعب ياالله التيسير=والحرف دلـّــى بي مع الوادي
    .
    وانا ابيه يطير بي ويطير=ايلين ياصل نجمها البادي
    .
    حرفي يخاف الدُون والتقصير=وشلون يمدح بنت الاسيادِ
    .
    ابداعها ما اشوف له تبرير=إلاّ ان خلفه فكرْ وقـّـادِ
    .
    متواضعة جدا - بلا تصغير-=وحرفها متسلطْ وسادي
    .
    أسَر عقول ٍ ترفض التحرير=أسْـر ٍ وله في الناس روّادِ
    .
    ماوفـّـرت بابداعها توفير=اروت من الإبداع الاكبادِ
    .
    يا(طيف) يتسابق لك التقدير=يانجمةٍ ضوّت سما النادي
    .
    اقرا حروفك وارفع التكبير=لله حرفٍ معك ينقادِ
    .
    يامبدعة بالطرح والتصوير=من فكرْ مايحتاج الاسنادِ
    .
    فكر ٍ سخيْ مايعرف التقتير=باحلى حروف النور مَـدّادِ
    .
    يمطر علينا حيّ ذا التمطير=امطارْ عدّت وصف الارصادِ
    .
    نزف البَحر ماهوب نزف البير=شي ٍ تعـدى عدّ الاعدادِ
    .
    هذي مشاعرنا وقصدي خير=والمعذرة يابنت الاجوادِ
    .
    حاول قصيدي يتقن التعبير=ولاتجمّـل بك ولا جادِ
    .
    هذي القصيدة ياعرب تشهير=تشهير في صاحبة الامجادِ
    .
    مير انقلوها ياعرب للغير=للي قريب الدار وبعادِ!
    .
    راجي الوصل
    .
    صفحتي على الفيس بوك على الرابط :
    http://www.facebook.com/profile.php?id=1383061321

  2. #2

    تاريخ التسجيل
    Jan 2001
    المشاركات
    7,095
    مقالات المدونة
    2
    معدل تقييم المستوى
    90
    هذي القصيدة ياعرب تشهير=تشهير في صاحبة الامجادِ
    .
    مير انقلوها ياعرب للغير=للي قريب الدار وبعادِ
    !


    [COLOR="#0000CD"]وهانحنا نقلناها بس في قلوبنا لورعتها

    شكرا لك ولما قدمت ومن يمر من هنا
    تقبل خالص تحياتي

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •