Unconfigured Ad Widget

Collapse

الفقير الشاعر سعود المطيري

Collapse
X
  •  
  • الوقت
  • عرض
مسح الكل
new posts
  • قينان
    أدعو له بالرحمه
    • Jan 2001
    • 7093

    الفقير الشاعر سعود المطيري

    عترف لكم أنني لست من هواة البحث في المنتديات لجل الخلفيه ليست كما يرام وأطتفي بما أحصل عليه من ربعي وفي يوم من الا يام منم قبل سنه كمنت أبحث عن موضوع وهزتني قصائد هذا الشاعر المطيري أنقله لكم بحذافير ها وسلامتكم
    أهدي لكم قصائد هذا الشاعر الفقير لنرسم البسمة على شفاهنا وشفاهكم..
    الشاعر سعود جمعان المطيري من الشعراءالمبدعين أكثر أشعاره تطرق باب الفقر..وقد حصل له موقف مضحك قبل فترة قصيرة
    يقول سعودإنه وهو بالمسجد بعد ماسلم الإمام قام شحاذ يشتكي أموره على المصلين لعلهم يساعدونه
    وهو يتشكى كان مركز بعيونه على سعود جمعان
    قال له سعود هالأبيات:
    يا ابن الحلال اللـي تشكـى علينـا
    حنّا لنا بوضع على الله مشاكيه
    كانـك تحـرى للعـطـا مــن يديـنـا
    عزالله إنك عندنا ما أنت لاقيـه
    ماهو ردى بس أرثع الوقت فينـا
    ماعندنـا ماناكـلـه دون نعطـيـه

    وزمان كان سعود طالع من المسجد ولقى وحدة رافعة يدها وتشحذ عند الباب قال لها سعود:
    يابنت ياللـي بالمساجـد تطوفيـن
    كفـي يدينـك قبـل نأخـذ ريالـك
    حـنــا تـرانــا كـلـنـا مستحـقـيـن
    ماهو أنتي اللي مستحقة لحالك
    لو لا الحيا شفتي وزانك ثلاثيـن
    أحد يميـن منـك وأحـدٍ شمالـك
    مرفـعـيـن إيديـنـنـا ومتـقـاعـيـن
    الموجب إن أحوالنا مثل حالـك

    ومرة بعد جا سعود وفتح له حساب وراح بعد كم يوم يبي يشوف كم في رصيده
    لأنه مرررررررة مطفر وش طلع له على شاشة الصراف ؟ مع إنه متأكد من رقمه السري

    أنـــا لـقـيـت الـبـنـك مــثــل اخـويـايــه
    مايقضـي الحاجـة إلــى جــاه محـتـاج
    أمــس الضـحـى مـريـت كـــل زمـلايــه
    وكــلٍ عـطـى لــه بالمعـاذيـر منـهـاج
    وظنـيـت بـاقـي فــي رصـيـدي بـقـايـه
    وحركـت نـاصٍ حـارس البنـك هجـاج
    ودقـيـت رقـمـي صـــح مـابــه روايـــه
    طلع على الشاشة : لا داعي للإزعاج

    وسعود ما عمره دخ
    يـا أهـل الوظايـف قـولـوا الحـمـدلله
    على معوشتكم ولـو رزقهـا ضنـك
    أنـا وجنـسـي رزقـنـا لــو وصفـنـاه
    حوذ الحنك مافيه زودٍ عن الحنـك
    ماطـاح قــرشٍ فــي يديـنـا قرشـنـاه
    ودايم طفارى الله يجيـرك ويامنـك
    الـبـنـك لـــولا لـوحـتـه مـاعـرفـنـاه
    من قل ماندخل على موظف البنـك
    مـاغـيـر نـقــرا لـوحـتـه ونـتـعــداه
    وإن قيل هذا البنك قلنا اتركه عنك
    لاوا هـنــيــك يـالـغـنــاوي هـنــيــاه
    تـرقـد وحـنــا بـالـدراهـم نـمـونـك
    نفـرح إلـى مـن المـعـاش استلمـنـاه
    ويـهــج مـنــا قـرشـنـا ويتـزبـنـك
    والله يالوتـصـرف ربــع ماصرفـنـاه
    ليصيبك السكر مع الضغط والتنـك
    ولـولا جهدنـا وجهدنـا اللـي بذلـنـاه
    ماتنفـخ ذروبـك وتـمـلأ مخـازنـك
    مـيـر المـقـدر مالـنـا غـيـر نـرضـاه
    مرزقك منـا وسقمـة أرقابنـا منـك
    طبعا والشاعر سعود جمعان المطيري
    هو صاحب القصيدة اللي يرددون الناس بيتها الأول دايم والقصيدة هي
    لاصـار جـدك ماتـرك لــك ملايـيـن
    ماهوب لازم تشتـري لـه ضحيـه
    قل له ياجـدي جعلـك مـن المناجيـن
    والله ماتـسـوى قيـمـة البربـريـه
    عقبتنـي للـديـن ومـصـارع البـيـن
    ومن زين طبعك كاتبٍ لك وصيه؟
    لو أنت ما أخذ لك من الخد حوشين
    يوم الأراض بـلاش وسـط العليـه
    إن كـان تلقانـي مـن أهـل الدكاكيـن
    مطنـطـخٍ هالـحـيـن مـيــة بـمـيـه
    لـكــن يـاجــدي ضحـيـتـك بـعـديـن
    إن سهـل المـولـى ثمنـهـا علـيـه
    حنا بوقتٍ شين وأشين من الشيـن
    فيـه الخـوي ماعـاد ياثـق خـويـه
    sigpic
  • عاشق الكناري
    عضو مشارك
    • Jan 2009
    • 154

    #2


    الله يعطيك العافيه ابو عبد الرحمن على هذي القصائد الرائعه

    وبصراحه لها مواقف طريفه حزينه بنفس الوقت صح لسان الشاعر وسلمت يداك

    تقبل مروري وننتظر جديدك وابداعك



    `•.¸
    `•.¸ )
    ¸.•
    (`'•.¸(` '•. ¸ * ¸.•'´)¸.•'´)
    «´¨`.¸ عاشق الكناري¸.´¨`»
    (¸. •'´(¸.•'´ * `'•.¸)

    تعليق

    Previously entered content was automatically saved. Restore or Discard.
    حفظ تلقائي
    Insert: Thumbnail صغير وسط كبير Fullsize Remove  

    ماهو اسم المنتدى؟ (الجواب هو الديرة)

    Working...