Unconfigured Ad Widget

Collapse

يا ليت عندي في رصيدي ملايين قصيدة رووووووعة

Collapse
X
  •  
  • الوقت
  • عرض
مسح الكل
new posts
  • أبوهاجر
    عضو مميز
    • Oct 2004
    • 6592

    يا ليت عندي في رصيدي ملايين قصيدة رووووووعة

    يا ليت عندي في رصيدي ملايين قصيدة رووووووعة

    ياليت عندي فـي رصيـدي ملاييـن
    وادخل بها في سوق الاسهم علاشـان
    ارفع بها الشركـات وانقـذ مساكيـن
    تعلقـوا تعليقتـن شانـهـا شــان
    طبوا وهم صاحين وامسـوا مجانيـن
    يمشون بالشارع ومن غيـر حذيـان
    توهقـوا توهيقتـن فالهـا شـيـن
    وبعض الهقاوي تجعل الشخص عميان
    خسروا 00وروس اموالهم كلها ديـن
    مدبولتـن تدبيـل مـن عنـد ديـان
    والبيـت مليـان ٍ حريـم ووراعيـن
    مصروفهـم يقطـع قويـات الامتـان
    صاروا من صدوف الليالـي حزينيـن
    لاوالله الا 00 روحوا في خبـر كـان
    راحوا ضحايا فـي يديـن الخبيثيـن
    شلـة هواميـر ٍ تلاعـب بالاذهـان
    تنهب دراهم شعـب مثـل الشياطيـن
    وترفع سهم شركه ولو كان خسـران
    لكن انـا بنخـى زعيـم السلاطيـن
    بو متعب اللـي للصعيبـات مزبـان
    وانخى ولي العهـد سقـم المعاديـن
    عضيد ابو متعـب ويمنـاه سلطـان
    ملوكنـا نفخـر بـهـم فالميـاديـن
    اهل الوفـا وافعالهـم خيـر برهـان
    إلكم ولا 00 والكم غلا 00 يالعزيزين
    غلا حقيقـي مايجـي فيـه نقصـان
    تبصـروا فـي سوقنـا يالميامـيـن
    لابـد يرجـع سوقنـا زي مـاكـان
    لاهان ابو متعـب زعيـم الشجيعيـن
    صقـر العروبـه للشكـالات عنـوان
    اللي مشى حبـه بوسـط الشراييـن
    محزم ظهر شعبه على كـل الازمـان
    له فزعتن تشهد بها الهنـد والصيـن
    غيث ٍ على كل المناطـق والاوطـان
    تكفا يابـو متعـب ترانـا مصابيـن
    افـزع لنـا يامسنـدي ياكحـيـلان
    من سوق الاسهم صابنا الهم والبيـن
    والقلب من شغل الهواميـر مرضـان
    احمرت الشركـات واحمـرت العيـن
    امن النظر في شاشة ٍ كلهـا احـزان
    سوقك يابو متعب يبي دعمك الحيـن
    عوايـدك فعـل المكـارم والاحسـان

    وش رايكم؟؟

    تحياتي

    المصدر


    آخر تعديل تم من قبل حسن بن وجران; 25-12-2007, 04:32 AM.
    ♥ஓ♥ أسال الله أن يحفظهم من كل مكروه♥ஓ♥

  • المجداف
    عضو مميز
    • Apr 2002
    • 4273

    #2
    عزيزي الاستاذ ابو هاجر

    والله مااظن الا انه سوق حراج

    خذوا منا اللحم وتركوا المشاش

    والاراضي سعرها غالي والسمنت مرتفع والحديد بعد سنه ويصير سعره

    مع سعر الذهب ....

    مااقول الا اصطلخوا جلد التويجري وحاشيته ههههههه
    ....

    ناس (ن) يجيها المال وناس(ن) بلا مال

    وناس(ن) على جمر الغضا ماسكينه

    يا الله ياربي طلبتك بالآمال

    تعجل لنا بالغيث لو جات عينه


    ... المجداف ...

    تعليق

    • رعــد الجنـــوب
      مشرف منتدى الشعر النبطي
      • Aug 2004
      • 4075

      #3

      ابو هاجر

      شكري لك

      وبالنسبه للقصيده هي تعبر عن السوق وحاله

      ولكن من هو قائلها ؟

      بارك الله فيك لى هذا النقل

      تعليق

      Previously entered content was automatically saved. Restore or Discard.
      حفظ تلقائي
      Insert: Thumbnail صغير وسط كبير Fullsize Remove  

      ماهو اسم المنتدى؟ (الجواب هو الديرة)

      Working...