صفحة 2 من 3 الأولىالأولى 123 الأخيرةالأخيرة
النتائج 21 إلى 40 من 56

الموضوع: قصائد الشاعر مطر بن حسن الحريري (رحمه الله)

  1. #21
    مساعد المشرف العام الصورة الرمزية نواف الحريري
    تاريخ التسجيل
    Aug 2004
    الدولة
    الريـــــــاض
    المشاركات
    3,848
    معدل تقييم المستوى
    20
    هذه القصيدة يصف فيها الرحلة من مكة الى الديرة :


    يالله يارب(ن) له الناس راجين
    يالي خلقت آدم وحواء من الطين
    عبدك غريب وروح من المساكين
    الطف بحاله يالطيف الحال
    كما انك عليم ومكتفل بالعبادي
    يالله ياخلاق ياعالي النظر
    ياواحد(ن) سبح له الحوت فالبحر
    يامن رجوه الناس والارض والشجر
    يرجيك خلقك ياوسيع الجال
    ورحمتك عم بها جميع البلادي
    رح يانديبي فوق حر همومي
    مافوقه الى الخرج واهداب تومي
    وانا دخيلك حظ ود العلومي
    على مدن(ن) فرعة الاجمال
    سريع الخطى لامر من كل وادي
    حر(ن) الا من سار في الدرب همام
    يبغى اليمانية وخارج من الشام
    وانا دخيلك بالعجل ود الاعلام
    سقه ودرهم بالطيف الحال
    سقه لاتخلي مشيته بالروادي
    وإلا فخذ بكرة وكب الصعوب
    بكرة نجيبة ضارية بالدروب
    لامرحت بك مثل نسم الهبوب
    تسابق الفزاع والخيال
    عليها توثق فوق قدم الشدادي
    اشتدها من مكة واحذر تفكر
    وخل مقيالك على نقبة الكر
    والقهوة لاقيلت بن(ن) وسكر
    ثم اصطنع باثناعشر فنجال
    وتعطي كرى بعد الظهر بالبرادي
    اشتدها لاخذت في القيل مقياس
    والعصر صله في مسيد ابن عباس
    لابد تلقى لك في الدرب وناس
    لاتحتري جمالة الاحمال
    تواصل بها الطايف على احسن مرادي
    وصبح لامنه فتح كل دكان
    احزب ومقيالك على ماي شقصان
    وكل مالك تقترب وانت فرحان
    فرحان في مقفاك والمقبال
    ذلولك تق الدرب من غير حادي
    اشتدها ساعة تغلق مغداك
    ودون شوقب في العشي خل ممساك
    وفكها ترعى من الحمض والراك
    وعلى البدو لاتعترض منزال
    وبعد العشاء وثق عليها القيادي
    ومع صلاة الفجر فك العقال
    وتمر بك من جر وادي نخال
    وادي لقيف ضاري بالفعال
    قيف الزهيري راعي الافعال
    وقيف الزهيري ضاري بالمعادي
    اخوان لولا خلة بيننا بين
    لكن جت بين البوش والسلاطين
    قصة وبثوها عيال الشياطين
    واهل الطمع سارو على ذا الحال
    وراعي السلف لابد له من الردادي
    تمضي حمانا مع عضامك ونيه
    والا وصلت المعزب انسم شويه
    لابد تلقى قهوة شاذلية
    عند العزوب مصافي ودلال
    وعلم لمن تلقى علوم الوكادي
    اشتدها لاخذت في القيل مقدار
    ومع صلاة العصر تبدي على الدار
    الارض من ممشاك لابد تنتار
    ديار قيف يظهر الافعال
    لباسي دول نظرين سعد المنادي
    واوصيك لاتحزن على كل من مات
    ترى بحزنك يفترح كل شمات
    الموت كم خذ من قناصل وبيهات
    راحو وباحو مالهم تيثار
    تفكر كم اخلى من قصور جدادي
    ياقلب هيضك بد عبر قوافيه
    والا فكمه لامن الصدر تبديه
    خله سوات المحض ساعة تقاديه
    والا فبعض الهرج ماينقال
    ولاتبدي المهجوس في غير قادي
    من لا لزم دنياه والدين والصبا
    فلا يقول اني عريب معربا
    الي لزم هذي من الله تقربا
    سبع وجملتها ثلاث خصال
    ومن لا لزمها بشره بالنكادي
    كم من غلام جيد في المحلي
    والا دعي مثل النمر مايجلي
    لكن خل الثالثة مايصلي
    للنار لاوفي له المكيال
    هذاك تنادي له جهنم تنادي
    وكم من غلام لازم الدين كله
    والضيف لاراده شرد من محله
    يروح من بيته ويعبى تعله
    لحرمته تعلم بها العقال
    وتعطي الحلى مدري عنه وين غادي
    شرد وهو لابد حمله يشيله
    لكن ماله بخت في الجميله
    ولد الفشل لابد له مالفشيله
    يصدر على عرق الابو والخال
    ضري كل ماجاه الدول بالشرادي
    هرجه والاول ماكذب يوم قالها
    يوم قال هجرتنا على قد حالها
    شين مخلاها وشين قبالها
    وشين مخلاها بغير اقبال
    وشين نخليها هوا واعتمادي
    صلوا على المختار ياكل من حظر
    واختم نشيدي بالنبي سيد البشر
    الي ظهر نوره كما شقت القمر
    يارب له تكتب لنا الميصال
    شفيع امته لاقام عند السراطي
    التعديل الأخير تم بواسطة عبدالله رمزي ; 20-11-2004 الساعة 11:53 AM

    أنت الزائر رقم :

  2. #22
    إداري
    تاريخ التسجيل
    Feb 2002
    الدولة
    مكة المكرمة
    المشاركات
    6,602
    معدل تقييم المستوى
    85
    الأخ الفاضل/ نواف الحريري
    تحية وتقدير وشكر لك ياعزيزي
    جهودك مميزة في تدوين هذه المشاركات الرائعة
    واصل وستنال منّا التقدير والاحترام
    عبد الله رمزي
    ما كل من يبعد به الوقت ناسيك ... بعض البشر قدام عينك وينساك

  3. #23
    مساعد المشرف العام الصورة الرمزية نواف الحريري
    تاريخ التسجيل
    Aug 2004
    الدولة
    الريـــــــاض
    المشاركات
    3,848
    معدل تقييم المستوى
    20
    البدع:مطر
    يقول مطر بن حسن لو كان كل(ن) برايه
    يكون ويلا ربوع قريش قلت انقلوني
    لكن علمي يعود عند راي الاماره
    طلبتهم في المساعد مير ماساعدوني

    الرد:الامير
    نظامنا مايغير خل عندك درايه
    وانا احسب انك من الناس الذي يعقلوني
    وكل طيب تبين عندنا بالاماره
    يامسرعك من قبل طيب وذالساعه دوني



    التعديل الأخير تم بواسطة نواف الحريري ; 01-12-2004 الساعة 10:02 PM

    أنت الزائر رقم :

  4. #24
    مساعد المشرف العام الصورة الرمزية نواف الحريري
    تاريخ التسجيل
    Aug 2004
    الدولة
    الريـــــــاض
    المشاركات
    3,848
    معدل تقييم المستوى
    20
    يقول رحمه الله:

    ريت بعض العرب يمشي تعدى حدوده مادرى
    يحسب انه مع العربان يمشي وهو يمشي لحاله
    زاد عن مستواه ولا يحسب حساب القافيه
    يدعي بالكمال ويدعي بالوفاء ماهو بوافي
    وبعد اثره يدور للشياخه وهو ماشاخ ابوه
    كيف يلجا مع الي يكتم الحق والباطل يقيمه
    والشهادات ماهلا لمقضى غرض ومجامله
    كلمة الحق ضاعت مالها لامجيب ولامنادي
    ضيعوها دعاة الشر حتين صكو بابها

    أنت الزائر رقم :

  5. #25
    مساعد المشرف العام الصورة الرمزية نواف الحريري
    تاريخ التسجيل
    Aug 2004
    الدولة
    الريـــــــاض
    المشاركات
    3,848
    معدل تقييم المستوى
    20
    البدع:
    يا اهل الترف قام كل(ن) بالردى يتهمكم
    كل(ن) تعبى فراش(ن) زين واسري رحالي
    والفخر للي عرف قانون جاره وضيفه
    يفوز مثل الذي خيله في الخد مغيره


    الرد:
    يقل مطر كم سرينا في ليالي التهم كم
    كم ليلة حدني فراج واسرلي لحالي
    يقول من لاعرف قانون جاره وضيفه
    يقدم المعذرة ويجي في الخدمة غيره

    أنت الزائر رقم :

  6. #26
    مساعد المشرف العام الصورة الرمزية نواف الحريري
    تاريخ التسجيل
    Aug 2004
    الدولة
    الريـــــــاض
    المشاركات
    3,848
    معدل تقييم المستوى
    20
    البدع:
    يقول مطر بن حسن وين الرضى والزعل فين
    ارضى ولا ازعل كما الي ضاق والبنك حلوه
    كن السمي للطمع يطريه يالخم سميه
    والشرهه يبغونها الي مابعد جربوها

    الرد:
    ياكل من ضاق من مكر المره وزع الفين
    كم واحد(ن) مات قبلك من الغلا ما انكحوله
    واليوم لوزيد في بعض النساء خمس ميه
    عند السديري على وضح النقا جر ابوها

    أنت الزائر رقم :

  7. #27
    مساعد المشرف العام الصورة الرمزية نواف الحريري
    تاريخ التسجيل
    Aug 2004
    الدولة
    الريـــــــاض
    المشاركات
    3,848
    معدل تقييم المستوى
    20
    البدع:
    اظن في البر مايلتف ذيب مع شات
    وانا افتكر في نظام الحي والميتينا
    والساق ماينقصر عن سيرته وإن توانا

    الرد:
    مطر متكي ويبغى من محمد معاشات
    ويقول للناس ماتنفعني الميتينا
    هيا نقدم لديوان الوزارة انت وانا

    أنت الزائر رقم :

  8. #28
    مساعد المشرف العام الصورة الرمزية نواف الحريري
    تاريخ التسجيل
    Aug 2004
    الدولة
    الريـــــــاض
    المشاركات
    3,848
    معدل تقييم المستوى
    20
    وهذي القصائد عبارة عن ألغاز:

    يقول:
    أنشدك عن سبع(ن) مشت من بين ألوف
    ماواحدة تقرب بجنب الثانية
    ولاتباعدها ترى فيها نشوف
    مدبرنها الواحد الوحدانية


    ويقول:
    ويش بنت(ن) مالها لاسنون ولاضروس
    وأكلها من كل شي في الدنيا خلق
    من تمقلها وهي زينه ابهى مالعروس
    ماولامخلوق(ن) إلا لرؤياها عشق


    ويقول:
    أنا بآسالكم عن حية في بطنها ثعبان
    خلقها الله بليا روح والسم مانزل فيها

    أنت الزائر رقم :

  9. #29
    مساعد المشرف العام الصورة الرمزية نواف الحريري
    تاريخ التسجيل
    Aug 2004
    الدولة
    الريـــــــاض
    المشاركات
    3,848
    معدل تقييم المستوى
    20
    البدع:
    انشد مطر ياناس عن عبد يجر الونين
    وقلت وش صابك وقال الحرب من بطن بنتي
    صبت علي السم كله حوف رجالها


    الرد:
    يتل قبله بنت جال العرش تتلى الونين
    حزابة الرجال يوم اتولى الأرشاق تحتي
    والرجل نادو سمته في بطن زرفالها

    أنت الزائر رقم :

  10. #30
    مساعد المشرف العام الصورة الرمزية نواف الحريري
    تاريخ التسجيل
    Aug 2004
    الدولة
    الريـــــــاض
    المشاركات
    3,848
    معدل تقييم المستوى
    20
    هذا لغز يقول فيه:
    أبنشد الشعار عن حية في كل حول تشيب
    [align=left]وكل حول شيبها يعقبه ورعان ماينحصون
    وكل ورع يحتمل له ببنت ماتحرك منه
    [align=left]والبنت ماتندر منه غير بإتلافه مع إتلافها

    أنت الزائر رقم :

  11. #31
    مساعد المشرف العام الصورة الرمزية نواف الحريري
    تاريخ التسجيل
    Aug 2004
    الدولة
    الريـــــــاض
    المشاركات
    3,848
    معدل تقييم المستوى
    20
    البدع:
    يالذي مثلي سمعتم برواد الفضاء
    من زمان قد مضى
    أما أنا فأقول ماسرحو كله كذاب
    والله أعلم بالصواب
    القمر دوار والشمس مثله دايرة
    في فلكها تستدير
    مارقى فوقه سليمان بالصرح السريع
    كل شي له يستطيع
    ظنتي شبه لهم مثل ماشبه بعيسى
    يزعمون انه قتل وانصلب والله حماه

    الرد:
    اعرف الأعلام قبل أتكلم والفضا
    يارياسات الفضا
    ياكلام أهل الخطأ كل قلب منك ذاب
    فيك حفظ وانتصاب
    ريت للأعلام كل(ن) تعبا دايرة
    وانتصب فيها مدير
    شفت له ريعن يمشي بها والناس ريع
    بيده سيف بريع
    يامقيس كن ودك في الدنيا تقيسا
    واعلم ان السيف يضرب بحده من حماه

    أنت الزائر رقم :

  12. #32
    مساعد المشرف العام الصورة الرمزية نواف الحريري
    تاريخ التسجيل
    Aug 2004
    الدولة
    الريـــــــاض
    المشاركات
    3,848
    معدل تقييم المستوى
    20

    ياسلامي على من يذكر الله ويقبل مانقول
    أما انا خاطري زعلان ماهو براضي والله ادرى
    من أمور عواقبها وخيمة كفى الله شرها
    كل ماريت قبلي مجتمع قلت منية من تنمى
    أحسب المجتمع وعظٌ يفك القلوب القافلة
    قلت بآمر لحظة واستمع ياعساها لي نصيحة
    والتقيها عراض وزير وقلوب تلعب دورها
    كان حق علينا لاسمعنا المنادي له نلبي
    نجتمع مثل هذا المجتمع شيبنا واللي شباب
    ماخلقنا الله إلا نعبده مثل ماانزل في كتابه
    قال أنا ماخلقت الجن والإنس إلا يعبدون
    وأعرض اكثر شباب اليوم عن دينه إلا من هدى الرب
    يسهرون الليالي كلها للورق والضومنه
    أما انا ياذوات العقل مقهور من هذي المصيبة
    المحافل تملى والمساجد تظلي خاليه

    أنت الزائر رقم :

  13. #33
    مساعد المشرف العام الصورة الرمزية نواف الحريري
    تاريخ التسجيل
    Aug 2004
    الدولة
    الريـــــــاض
    المشاركات
    3,848
    معدل تقييم المستوى
    20
    البدع:
    ياشباب اسمعوا مني كلام طرى في خاطري
    إن سمعنا وطعنا وامتثلنا الكتاب الي قرينا
    فأبشروا بالفرح والفوز والله يعظم شاننا
    وإن عكفنا على لعب الورق والأغاني كل ليلة
    فالذي صاب في لبنان لازم يصيب بلادنا
    أي شباب الصحابة قبلنا بالسيوف وبالرماحي
    عند وقت الصلاة عباد والا اندروا الميدان اسود
    واللحى والعوارض وافره والشوارب قصروها
    استدلوا بقول المصطفى كلكم صلوا عليه
    وانحن اليوم يسمع بعضنا للمؤذن مايجيبه
    هالك الله ياقلب ندى الله مايفتز له
    وأن سمع محفل له راح ومسجله فيده يشيله
    ياخسارة على بعض العرب وينهي عقليته

    الرد:
    خاطري ياتماثيلي على كل معنى خاطري
    والله لآقارن الصداق والآش ماهو لي قرينا
    وان بغيت أهدم النيشان لأهدم النيشان انا
    ......................................
    ......................................
    والذي قال وده يمحي البر ما للبر ماحي
    قدرة الله عظيمة وانت خلك على عمدان سود
    قصة واضحه وانتم بالاعيان هذي القصه روها
    يا اصلع الراس انا كم قلت لك ليه ياصلوع ليه
    والهبيل الذي يطريه يروي الظما من ماي جيبه
    افت ياقلبي اهل العقل والدين لاتفتي الزله
    يوم كلٌ يشي زنده على الما وزنده مايشي له
    ان بعض العرب ودي بفقده ولا عقليته

    أنت الزائر رقم :

  14. #34
    مساعد المشرف العام الصورة الرمزية نواف الحريري
    تاريخ التسجيل
    Aug 2004
    الدولة
    الريـــــــاض
    المشاركات
    3,848
    معدل تقييم المستوى
    20
    البدع:
    والله أني افتكر فيمن تعدى حدوده مادرى
    يحسب انه مع العربان يمشي وهو يمشي لحاله
    زاد عن مستواه ولا يحسب حساب القافيه
    يدعي بالكمال ويدعي بالوفاء ماهو بوافي
    وبعد اثره يدور للشياخه وهو ماشاخ ابوه
    كيف يلجا مع الي يكتم الحق والباطل يقيمه
    والشهادات ماهلا لمقضى غرض ومجامله
    كلمة الحق ضاعت مالها لامجيب ولامنادي
    ضيعوها دعاة الشر حتين صكو بابها

    الرد:
    من يداري على ممشاه ماهو كما اللي مادرى
    من يطاوع هوى نفسه وماتشتهي عزي لحاله
    وان بغى له فيه من جملة الناس مايلقى فيه
    منظره لايغرك دفش رجال مايحزى القوافي
    في بعاض المعاني لو تصدوا له اهله شاخبوه
    من مشى بالنميمة والردى ماله إلا من يقيمه
    والله ماحقه إلا القيد بين العرب ولجام له
    وين من كان يدرى عالجماعة ويعرف للقوادي
    صفتي ضاع فكري بين ظلانها وألبلبها

    أنت الزائر رقم :

  15. #35
    مساعد المشرف العام الصورة الرمزية نواف الحريري
    تاريخ التسجيل
    Aug 2004
    الدولة
    الريـــــــاض
    المشاركات
    3,848
    معدل تقييم المستوى
    20
    البدع:
    ياظفر صيدٌ نشوفه في فروع القرى بات
    مجار ماصاب في جنبه من الآش كوني
    .......................................
    من قال هيا نصيده قلت ياعم موامين
    من الضبا في المفالي ياسباع الشركلي
    صيدٌ يلوب الحيا في البر والا بنيعم
    ياصيد لولا المخاف من المخاليق لولاك
    وانا على الصيد اتالي دعوتي وابتهالي
    ياليت لي من خياره سبع وإلا ثماني
    قوايده لآسرعت تاخذ من الشدة منهى

    الرد:
    يقول مطر عاد شري من جميع القرابات
    إلا بغوا علم قاموا الطلبة وإلا شكوني
    وكل ماقلت هذا اليوم تنهى الدعاوي
    قالوا نرد الخبر لاعند ستة موامين
    وإلا وهم بالخيانة طارحين الشرك لي
    وإلا ولاخير في أصحاب ولا في بني عم
    وإلا وانا في تعية بين ذولا وذولاك
    الكل منهم يقول القاله ياليتها لي
    أبغى اتلوث ولاشي للتلواث أماني
    ديرة حسد قبل موتك يامطر شد منها

    أنت الزائر رقم :

  16. #36
    مساعد المشرف العام الصورة الرمزية نواف الحريري
    تاريخ التسجيل
    Aug 2004
    الدولة
    الريـــــــاض
    المشاركات
    3,848
    معدل تقييم المستوى
    20
    البدع:
    مشيت في التهم وأثر اهله كرامٌ نشاما
    يافقر لو كان عنهم تنتقل وسط رغدان
    وتحط لك عايلة في وسط دار الرمادة
    الأجنبي عندهم ماله معزة ومقدار
    لوكان يقعد سنه فالدار مارحبو به

    الرد:
    يالله في ناويٌ من بعد رعده نشا ما
    الزرع بعده يظلي يترغدن ترغدان
    .................................
    سبحان ربٌ بقدرته القمر والفلك دار
    من بعد الياس كم زرع تمرح حبوبه

    أنت الزائر رقم :

  17. #37
    مساعد المشرف العام الصورة الرمزية نواف الحريري
    تاريخ التسجيل
    Aug 2004
    الدولة
    الريـــــــاض
    المشاركات
    3,848
    معدل تقييم المستوى
    20
    البدع:
    يا أهل الترف قام كلٌ مالعرب يتهمكم
    كلٌ تعبى فراش زين وسرير حالي
    والفخر للي عرف قانون جاره وضيفه
    يفوز مثل الذي خيله في الخد مغيره

    الرد:
    يقل مطر كم سرينا في ليالي التهم كم
    كم ليلة حدني فراج واسري لحالي
    ويقول من لاعرف قانون هذي الوظيفة
    يقدم المعذرة ويجي في الخدمة غيره

    أنت الزائر رقم :

  18. #38
    مساعد المشرف العام الصورة الرمزية نواف الحريري
    تاريخ التسجيل
    Aug 2004
    الدولة
    الريـــــــاض
    المشاركات
    3,848
    معدل تقييم المستوى
    20
    القصيدة التي قالها للقايد فهيد عندما استدعاه:
    ...
    يالله ياللي كل حيٌ في رجاه
    والسماء لاراد في كفه طواه
    واعتلى عالناس في عالي سماه
    ياوكيل الأمر ماغيرك وكيل
    ...
    من يعلمني بمرسول سديد
    عند ابو عبدالله القايد فهيد
    قل مطر ينصاك بالعلم الوكيد
    حالته يعلم بها الفر الجليل
    ...
    واحترم قبله يزين الاحترام
    وانوله خطي ورد له السلام
    وانفرق خطوة وممنوع الكلام
    واستعد وخل لي قلبك ثقيل
    ...
    قله العسكر تراهم يشتكون
    يالطيف محملين من الديون
    في رواتبهم لزوم تراجعون
    ماش معهم لاكثير ولاقليل
    ...
    عند من سمي فهيد من الفهود
    حبه المولى وحبه بن سعود
    في نهار الحب قدام الجنود
    ما انقصر عنهم كما الآش الذليل
    ...
    لأصبح الرشاش للشر مبرزات
    والمدافع للحرايب مزهبات
    والسواري تلتمع فوق المشات
    من يطونه ياحليله بالحليل
    ...
    يلطويل العمر حنا صابرين
    وانحن في الخدمة عسكر واحدين
    كم درجنا عالشمال وعاليمين
    نعرف التصويب والطعن الطويل
    ...
    والعدو لاجا طراده في مكان
    انصب البيرق ودق البيرزان
    مالك إلا نغدي ارض الخوف امان
    والعدو ننزيه في الهول المهيل
    ...
    واعلم انا طال عمرك مسلمين
    شبنا التعليم وانحن عالمين
    ناس راتبهم ثلاثة واربعين
    هذي الاعلام ينكرها الخبير
    ...
    وانت شيخ وتفتهم معنى الجواب
    شوف ذالمعنى خطأوإلا صواب
    واعلم ان الصدق له مفتوح باب
    من ركب عالصدق والله مايميل
    ...
    حدنا المولى وجيناها نقوس
    قلت بكتب عسكري وآخذ فلوس
    واثر ما فالعسكرية إلا النحوس
    العفو كم كسرت من قرن اصيل
    ...
    واثر من فيها كتب ماهو رشيد
    لاهيا فيها يخسر مايفيد
    كل يوم لابدى وجه جديد
    يستحي لايتبع الآش البخيل
    ...
    وانت قايدنا ومرجعنا إليك
    كل مظلومٌ من العسكر يجيك
    في كلام الحق حنا نرتجيك
    هات درب الحق والباطل يحيل

    أنت الزائر رقم :

  19. #39
    مساعد المشرف العام الصورة الرمزية نواف الحريري
    تاريخ التسجيل
    Aug 2004
    الدولة
    الريـــــــاض
    المشاركات
    3,848
    معدل تقييم المستوى
    20
    البدع:
    يقل مطر عامل المعروف في صفة البين
    صحيح ماقال الأول بالردى يتهمونه
    يوم قدر الله وجاء عندي رفيق موالي
    معه على حقه الشرعي وقمنا بالإخلاص
    واليوم كلٌ يقول انت الهدف وانت الاسباب
    ياناس كب العيا ماني عن الغيب داري
    واعود الوم روحي وامسك الراس حيران
    بعود اعاف الرضاع وبكرة ماترامي

    الرد:
    وريت وانا وصفت حجار ووصفت البين
    ومقاولي وصف البنيان مايتهمونه
    واصبحت مالي قصور ولافي ايدي موالي
    .....................................
    إلا اتسمع من الناس الطلايب والاسباب
    وأنا اتدرق ولا بدري عن الغيب داري
    يارامي الناس لو تذبح بكار وحيران
    ترمي وليتك قعدت بمنزلك ماترامي

    أنت الزائر رقم :

  20. #40
    مساعد المشرف العام الصورة الرمزية نواف الحريري
    تاريخ التسجيل
    Aug 2004
    الدولة
    الريـــــــاض
    المشاركات
    3,848
    معدل تقييم المستوى
    20
    البدع:
    رح يانديبي فوق حر خفيف مثل نسم الهبوب
    صاوب بها مرزوق تلقى تراحيب الغلا والثمان
    في منزل الرحمان مابين وادي الريعة والقسمه

    الرد:
    ثم انشده وش منزل شرفه رب الملا وله بوب
    البوب تاجي اربع وعشرين وبداياه قرت ثمان
    عليه مصراعين من ساع ماتفتح وتلقى سمه

    أنت الزائر رقم :

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •