Unconfigured Ad Widget

Collapse

قصيدة الملازم / مشعل بن محماس الحارثي " كامله "

Collapse
X
  •  
  • الوقت
  • عرض
مسح الكل
new posts
  • عبدالله عبدربه الزهراني
    عضو مميز
    • Dec 2001
    • 3637

    قصيدة الملازم / مشعل بن محماس الحارثي " كامله "



    السلام عليكم ورحمه الله وبركاته

    الأستاذ والمهندس " مهراس "
    أتى بالقصيده .. صوتيه .. كسبق في جميع المنتديات العربيه

    انى جبتها لكم منقوله
    ولكن كامله .. لمن أراد قرأتها ^_^


    للعلم فقط
    القصيده نالت إستحسان الأمير سلطان وزير الدفاع
    وتم مكافأت الشاعر بمبلغ (500000 الف ) ونقله الى مكتب
    سموه ، وقطعة ارض من الامير خالد ، ومبلغ مالي غير محدد ، ومن
    نـائـبــه مـبـلــغ مــالــي غــيـــر مــحـــدد .

    أترككم مع القصيده
    =-=-=-=-=-=-=-=-=-=-=-=-=-=-=-=

    خل النياح وفارق العـش يـا طيـر*غرد وهز الريش فـي كـل عالـي

    اليـوم هـذا غيـر وأيامنـا غيـر*والبارحـه ماهـي سـوات الليالـي

    الأرض صارت في عيوني نواويـر*والبـدر تـم وجامكـان الهـلالـي

    وأبها تحدت فـي بهاهـا الغناديـ*رفلـت جدايلهـا وقـامـت تـلالـي

    وفي وجه خالد للفرح ألـف تعبيـ*روحجاج فيصـل فيـه كـل ابتهالـي

    من السعادة باقـي شـوي ونطيـر*عز الله ان اللي لفـا الـدار غالـي

    يامـر حبـا مـاغـرد العصافـيـر*يامرحبـا مـازاف نبـت السهالـي

    ترحيب أحلى من حليب المصاغيـر*وضح رعت روض ربيـع وخالـي

    باللي شكت رجله طـوال المشاويـر*ياطابهـا درب الخـطـر مايبـالـي

    قرت عيون اللـي يحبـون ياميـر*طاريك.. والاالحيـن شفتـك قبالـي

    ياما حسبت الوقت حسـب الدنانيـر*اسامـر انجـوم الثـريـا لحـالـي

    مبطي وانا اسمع فيك وصف البياطير*واليوم جالي في القصيـده مجالـي

    يا سيـدي مـال القوافـي معاذيـر*عـن البيـوت الوافيـات الجزالـي

    من لاجعـل للمـدح قيمـه وتقديـر*ماضنتـي يلفـت ذهـون الرجالـي

    وانت الذي معك السحاب المزابيـر*تمشي. ميتبعـك الحيـا والخيالـي

    وانت الذي بسمك تبـاع الأساريـر*ومثلك له اسمـاءً عـراضٌ طوالـي

    سلطان يا سلطان من يومك صغيـر*مافي تسلطانـك وشخصـك جدالـي

    كانـوا ولازالويسمـونـك الخـيـر*وياكثر الاسما اللـي تزاحـم فبالـي

    كريـم سبـلا الأزبـون المخاسيـر*طلـق الحجـاج الابعيـد المـدالـي

    درع البـلاد الاطويـل الاشابـيـر*أبـو اليتيـم الاعشيـق المعـالـي

    لو الله ابن مسطر المجـد تسطيـر*على حصـى الأرض ونفودالرمالـي

    واخو فهـد ذروة سنـام المشاهيـر*صفوت ملوك الارض بـاول وتالـي

    فهـد ولاقلنـا فهـد جـاوب النيـر*تهتـز لسمـه راسيـات الجبـالـي

    زعيمنا اللي للعـلا واصـل السيـر*حتـى تعلينـا علـى كـل عـالـي

    مال الطموح بوسط راسـه معاييـر*ولا للعوج عنـده ياكـود اعتدالـي

    اليازعل تزعـل ملـوك وجماهيـر*وليا رضى ينهـى جميـع الجدالـي

    ما يشبه غير الثنيـن ألمنـا عيـر*انته وابـو متعـب كريـم السبالـي

    عبدا لله اللي فيه من سالـم الزيـر*خطل اليمين الليـث حـام التوالـي

    سقم العـدو الياهـرج دون تفكيـر*رده على العـدوان جاهـز وحالـي

    نفخـر بكـم والاالقصايـد تعابيـر*يا شيوخ نجد الشعب كلـه موالـي

    والله لوفيكم عـن الملـك تقصيـر*ما خصكـم ربـي عظيـم اجلالـي

    منا وفينـا مـا لفيتـو مـدا ويـر*حكامنـا وقـت الدهـور الهزالـي

    ورث الجدود امن الليال المعا سيـر*قبل القصور وقبل صـرف الريالـي

    هاك الزمام سلاحنـا حملـة بعيـر*ومـن يومهـا متوثقيـن الحبالـي

    منها جنـا واضـح ولافيـه تغييـر*نموت مـا نرضـى عليـه البدالـي

    ما استعمرونا اللي غذاهـم خنازيـر*تشهد لنا شهب السنيـن الخوالـي

    من قبل عاشر جد ابو بوش وبليـر*ماهي ثـلاث شهـور والاحوالـي ؟

    واليوم فـي وقـت الرخاوالتياسيـر*شفنـا العجـب لااوالله الاالهبالـي

    يا كثر ما قمـت تسـوق المقاديـر*وياشيب عينـي لاذكـرت وطرالـي

    المسجد اللي هزه أصـوات تفجيـر*في حـزة فيهـا يجـاب السوالـي

    والمسلم اللي ذبح مـن دون تبريـر*ودم الرضيع اللي على الوجه سالـي

    ينشدك يا مكفر هـل الديـن تكفيـر*-وش حكم ذبح المسلميـن العزالـي

    تدبـر القـران والهـدى تدبـيـر*واخذ الجـواب بصيغـة والكمالـي

    فضحكـم الله يـا لوجيـه المغابيـر*ياطغمـة التخـريـب والانحـلالـي

    واللي على الفتنـه تـدق المزاميـر*نعرف مطامعهم علـى كـل حالـي

    ونعرف من يدفع رسـوم الفواتيـر*يا لحيه اللـي جحرهـا الاحتلالـي

    لنحورهـم حنـا سـوات الازاريـر*حنا حمـاة الديـن ياهـل الظلالـي

    الأرض نزرعها رمـاح ومساميـر*يحـرم عليهـم وطيهـا بالنعـالـي

    ديارنا مـا هيـب كابـل وكشميـر*ياهمـلالـي صــدق ياهمـلالـي

    حامينها الاجـداد عـج ومعاصيـر*بسيوفهـم علـى ظهـور الجمالـي

    واليوم يا سلطـان شفهـم طوابيـر*ملو من المجلاس تحـت الضلالـي

    يبـون يـوم فيـه للحـق تكبـيـر*عـن الكـلام تبـان فيـه الفعالـي

    ياسيدي قل وش تبي بس ويصيـر*حدد هدف لـو هـو عسيرالمنالـي

    فالجـو نفاثـه وفالقـاع جنـزيـر*وان مت هاك اليوم من طيب فالـي

    هـذا وطنـا ماسكـنـاه تهجـيـر*الجيـش واحـد ماجمعنـا الحثالـي

    لوينتخـي عرعـر تلبيـه خرخيـر*كل الجنوب يصير جنـب الشمالـي

    لا يا وطن لا تحسـب انـا مدابيـر*لوالدهر في بعـض الاحيـان مالـي

    طالبك لاتجفل مـن الوقـت وتذيـر*وكــلٌّ ابـنـاك وبالله الاتكـالـي

    وان كان ما شفت السعد والتباشيـر*عيـبُ علينـا لبسـنـا للبـدالـي

    نذرً على لحرسك وافديـك واغيـر*ديني وعرضي فيـك واغلىحلالـي

    واللـي ياثـر فيـك بيـات تاثيـر*ابرى منـه لوكـان عمـي وخالـي

    وان مت واخذتني صروف المقاديـر*والله لوصـي فيـك حتـى عيالـي

    =-=-=-=-=-=-=-=-=-=-=-=-=-=-=-=

    وتقبلوا تحياتي وتقديري لكم

    اخوكم

    عبدالله
  • ألمقبلي
    عضو نشيط
    • Jul 2002
    • 516

    #2
    تسلم ياعبدالله الله يعطيك العافية ..
    وصح لسان الشاعر /مشعل وحقيقة القصيدة كانت حماسية ورائعه وهذا يبشر ببروز شاعر خلفآ لشاعر الحرس الوطني والجيش شاعر الحماسه / خلف بن هذال ..
    وتسلم يداك على نقلها لنا ..

    شكرآ

    تعليق

    • عبدالله عبدربه الزهراني
      عضو مميز
      • Dec 2001
      • 3637

      #3
      ألمقبلي

      الله يعافيك ويسلمك حبيبي
      إن شاء الله
      قل آمين

      يطلع من الشعار مليون
      على الأقل ما عاد حد يشتري القصايد بالأسعار الخياليه هذي

      تعليق

      • علي عطيه الحسني
        شاعر
        • Aug 2003
        • 568

        #4
        عبدالله عبدربه الزهراني

        شكراً لتميزك في نقل هذه القصيدة التي أطربتنا من قبل

        تحياتي

        تعليق

        • أبو حاتم
          عضو
          • Feb 2004
          • 57

          #5
          مشكور عزيزي عبدالله على كل ماتقدمه لنا

          قصيده جميله ورائعه 00تسلم لنا هذه الانامل


          ولك مني جزيل الشكر00000000000

          تعليق

          • عبدالله عبدربه الزهراني
            عضو مميز
            • Dec 2001
            • 3637

            #6

            علي عطيه الحسني
            العفو عزيزي
            فلقد أسعدني مرورك الكريم


            أبو حاتم
            الله يسلمك ويعافيك من كل شر

            شاكر لكما إطلالتكم الأروع

            تعليق

            • روعدو
              عضو
              • Feb 2005
              • 1

              #7
              طلب

              ممكن القصيدة الاخيرة المشعل الحارثي

              تعليق

              • نجديه
                عضو
                • Nov 2004
                • 4

                #8
                المشاركة الأصلية بواسطة روعدو
                ممكن القصيدة الاخيرة المشعل الحارثي
                وانا معك ياروعدو

                اذا ممكن القصيده الاخيرة للشاعر مشعل الحاريثي
                ياليت تكون صوتيه ولكم الف شكر .

                تعليق

                • د.الزهراني
                  عضو مشارك
                  • Jan 2005
                  • 105

                  #9
                  1000 شكر لك ياعبدالله

                  اشكرك يابو عبدربه على القصيده بس عندي طلب بسيط ياليت انها تكون مسموعه
                  ولك تحياتي

                  تعليق

                  • عبدالله عبدربه الزهراني
                    عضو مميز
                    • Dec 2001
                    • 3637

                    #10
                    رعدو
                    نجديه
                    القصيده الصوتيه أعلاه ألقيت في حفل .. ثلفزيوني .. من أجل ذلك تم تسجيلها صوتياً ... ولكن سوف أقوم بالبحث عن ما إذا قد نُشر للشاعر قصائد أخرى ...

                    د / الزهراني .
                    من عيوني ... لما أحصل شي ما راح أبخل فيها عليكم

                    شاكر لكم مروركم الكريم
                    عبدالله

                    تعليق

                    • محمد اسماعيل
                      عضو مميز
                      • Apr 2004
                      • 1248

                      #11
                      الله يعطيك العافيه ياعبدالله على هذا الجهد الرائع

                      والحقيقه ان الشاعر مشعل يستاهل النص مليون وحلال عليه
                      أما انت ياسيل فاعلم عندنا لو تمر.............ترى عظامي جبالٌ ما بتشتالها

                      تعليق

                      • عبدالله عبدربه الزهراني
                        عضو مميز
                        • Dec 2001
                        • 3637

                        #12
                        بن إسماعيل

                        الله يعافيك ويسلمك ...

                        ما وده بن محماس يعطيني 1/10 .. منها ^_^

                        بس شكله فسفسها كلها ... وتبيع الأراضي

                        تعليق

                        • السريع
                          عضو
                          • Sep 2005
                          • 2

                          #13
                          شكراً لك الاخ الفاضل عبدالله الزهراني على هذا الموقع الجميل واشكرك ايظاً على هذه القصيده الرائعه واكثر من رائعه اخوك في الله ومحبك في الله الســـــــــــــــــريع

                          تعليق

                          • السريع
                            عضو
                            • Sep 2005
                            • 2

                            #14
                            مشاركة

                            الاخ عبدالله الزهراني اشكرك على هذا الموقع الرائع واكثر من رائع وقصيدة الشاعر مشعل الحارثي ايظاً رائعه وارجوا نشر القصيده الثانيه للشاعر التي القاها بين يدي خادم الحرمنين الشريفين الملك عبدالله

                            تعليق

                            Previously entered content was automatically saved. Restore or Discard.
                            حفظ تلقائي
                            Insert: Thumbnail صغير وسط كبير Fullsize Remove  

                            ماهو اسم المنتدى؟ (الجواب هو الديرة)

                            Working...