Unconfigured Ad Widget

Collapse

حلل شخصيتك...من ضحكتك

Collapse
X
  •  
  • الوقت
  • عرض
مسح الكل
new posts
  • أبو وليد
    عضو نشيط
    • Dec 2001
    • 689

    حلل شخصيتك...من ضحكتك

    هههههههههههه :
    صاحب الضحكه هذي .. وسيع صدر .. حبوب .. طيوب .. بس مجامل بشكل كبير .. مسالم وعلى نياته .. دايم مبسوط وبارد .. اشين شيء انه يضحك احيانا في مواقف غلط !! .. يعني مواقف حزينه يجيك يضحك يصير ودك انك تصكه باللي معك ... غبي .. بس مليح

    ههههههههههههاي اهم شيء الياء:
    انسان شايف نفسه متكبر .. ضحكه قليل يقال له ثقل .. متسلط ويحس بالنقص .. ثقيل دم .. احسن طريقه للتعامل مع هيك ناس .. هو القمع والصفط والتطنيش وعدم رفعه من ارضه .. عشان يعرف ان
    من تواضع لله رفعه

    هاهاهاهاهاهاها بنفس الترتيب:
    انسان مرتب .. يعني اذا دخلت غرفته ما تلقى فيها عود طايح .. كل شيء منظم ومرتب حتى الضحكه .. مثقف ويلبس نظارات 12 بوصه((وش البوصه اصلا!!)) يعني نظرات اكبر من وجهه .. ما يضحك كثير بس يبتسم واجد .. شكله كذا يخليك ترتاح له وتشكي له .. عاده تلقى عنده الحل .. لو مالقيت الحل اهم شيء ترتاح .. كتوم هو على فكرة

    نياهاهاها :
    انسان شرررير .. يمووووت في النذاله والشر .. قمه الوناسه عنده" انه يرج ببسي ويعطي احد يفكه له" .. عيونه يطلع منها شرر .. مركب ضروس ذهب عشان اذا ضحك تلمع وتقهر اكثر احسن طريقه للتعامل مع هالنوعيه هو العمل بالمثل "ابعد عن الشر وغني له" .. لكن مهما حاولت تبتعد عنه هو بيجيك لانه يموووت ويسوي فيك مقلب .. لكن انتبه تعطيه فرصه حسرر به .. لانه لو ما قهر احد يصدع راسه .. الله يعين اللي حوله عليه

    هههاااهاهااهاهههااههه بالحوسه هذه:
    انسان مضيع بمعنى الكلمه .. يعني لو تساله عن اسمه قال ممكم "بالميم" الاتصال بصديق عشان الموضه يعني .. اذا مضطر تدخل غرفته .. افتح الباب من بعيد عشان لا قدر الله وطاح شيء ولاش ... العلك ما يطيح من فمه ويقعد يمعط فيه بعد.." يعني يمسك طرف العلكه بسنه والطرف الثاني بيده وهات يا تمعيط ويلوي فيه ويسوي حركات بهلوانيه" انسان لو تصفق فيه وتهزئه ما درى عنك يحسبك تتكلم عن ولد الجيران .. الدنيا ما قامت ولا قعدت عنده .. الشيء الوحيد اللي يستفزة انك تتكلم على امه او ابوة يقالك بار .. وهو كيس الزباله يخيس عند الباب ما طلعه

    هه هه هه هه :
    انسان متردد .. يفكر 60 مرره قبل لا يسوي شيء .. رومانسي .. يراعي مشاعر الاخرين .. خدوم يحب يساعد حتى لو ما يقدر يدبرها باللي هوب .. ان صادفك احد من هالنوع تمسك فيه بيدينك ورجولك لان النوعيه هذي نادره

    كعكعكعكعكعكعكع :
    انسان "دب" "فيل" يتراوح وزنه ما بين 100 -150 كيلو متر مربع لا عفوا تكعيب .. استمد ضحكته من كثر الاكل .. كريم جدا لحد الاسراف خصوصا اذا كانت السالفه فيها اكل .. ما يطلع من البيت الا وجيوبه مليانه .. علب ببسي وفش فاش ((ياقدمي)) اللي يجلس معه بيزيد 5 كيلو/ ساعه
    اماكنه المفضله : السوبرماركت - المطاعم - اينما تواجد الاكل .. لكن في نفس الوقت نفسه عزيزه يعني موب مثل اشعب مشفوح .. كيفيه التعامل مع الاشخاص .. اهم شيء اجلس بعيد عنه خوفا على عظامك لا تخلخل لانه عاده يصاحب هذه الضحكه حركه سريع باليد .. مع ذلك خفيف دم ووسيع صدر .. واصدقائه يحبونه حتى لو قطّوا له في عشاء بس اهم شيء يجي معهم

    يقولون فيه ضحكه جديده نازله السوق وهي

    هعهعهعهعهعهعهعهعهع
    هذي الصراحه ما بعد شملتها دراستي ولكن اعتقد انه ضحكه واحد متقرف .. لكن راح اجري تحليلات على الضحكه هذي ونحط بعض العينات تحت المجهر وان شاء الله تكون النتيجه عندكم بعد ايام ((من زود الصدق

    وعليك تتنقى اللي يعجبك.....
  • أبو رياض
    عضو
    • Mar 2002
    • 99

    #2
    والله موضوع ممتاز بس كثرت الضحك تميت القلب

    تعليق

    • الدرمحي
      عضو
      • Jul 2002
      • 66

      #3
      كهكهكهكهكهكه



      القحم ذبحته داخنة سعدا

      تعليق

      • حنش

        #4
        احترم نفسك ياقحم السند

        سعدا جدتي ولاتسبها انا اللي زوجتكاها
        ان كان شئ داخنه ................

        اما انا ضحكتي كذا
        إححححححححححححححححح

        وشكراً لك يابووليد
        واتمنى ان نصطلح انا وياك عندالعريفه
        هاه وش رايك
        خلاص انس الماضي وانا اخوك .


        تم تعديل المشاركة بواسطة أبو ماجد

        تعليق

        • الوليد
          عضو نشيط
          • Mar 2002
          • 1054

          #5
          بسم الله الرحمن الرحيم

          سيدي ابو وليد....وهل بقي لدينا وقت للضحك...والله لقد اصبحت حياتنا في احزان دائمة...والله اننا لم نعد نعرف للضحك لون...والله لقد تكالبت علينا الهموم...فهنيئا لمن له قلب يضحك...ربما نضحك مجاملة...وربما كذبا...ولكننا والله لا نضحك من القلب الا قليلا هذا اذا وجد.


          الوليد

          تعليق

          • أبو وليد
            عضو نشيط
            • Dec 2001
            • 689

            #6
            الاخ ابو رياض....اشكرك على اسداءك للنصيحه

            الاخ قحم السند....فسرت ما تريد شكرا لك

            الاخ حنش...افا وانا خوك....تقول اني زعلان...لا وأيم الله لم اكن لازعل على اخ مثلك ولكن التناصح والعتب لابد من ان يكون بين الاخوان وإلا لما استقامت امورنا..ولما طورنا من مفاهيمنا

            اخي الوليد...احيي فيك ذلك...ولكن كن على علم اليقين بانه سوف يأتي يوم يفرح المؤمنون بنصر الله...وعلينا اعداد العده لذلك اليوم

            لكم التحيه

            تعليق

            Previously entered content was automatically saved. Restore or Discard.
            حفظ تلقائي
            Insert: Thumbnail صغير وسط كبير Fullsize Remove  
            or Allowed Filetypes: jpg, jpeg, png, gif, webp

            ماهو اسم المنتدى؟ (الجواب هو الديرة)

            Working...