Unconfigured Ad Widget

Collapse

الو طلال

Collapse
X
  •  
  • الوقت
  • عرض
مسح الكل
new posts
  • أبو ريناد
    عضو مشارك
    • May 2002
    • 293

    الو طلال

    في البدايه نظره في سوق والا عند اشاره...
    تعجبه ويغازلها باحلى عباره...
    غرته بطريقة نقابها...
    وعيونها واهدابها...
    وتبسط وتلتفت له...
    قدر يضحك عليها هالخبله...
    وجرها(الذيب) لاوكاره...
    وتقول في نفسها وش هالوسامه...
    كشخه وفخامه...
    ليش ما آخذ ارقامه...
    وهو ينبسط آخر انبساط...
    ويشتط كل الاشتطاط...
    مشى عليها معسول كلامه...
    وتاخذ الارقام...
    ويرجع ما ينام...
    ويقعد يصف احلى الكلام...
    وكيف مع الايام...
    يوهمها بالحب والهيام...
    وتتصل هالغبيه...
    وتبدا فصول المسرحيه...
    هي : الووو...
    هو : هلووو...
    هي : ممكن اكلم طلال...
    هو : انا طلال...
    والله اني محظوظ بهالاتصال...
    بس ما عرفت اسمك؟؟؟
    هي : لهالدرجه يهمك...
    هو : اكيد دامني اكلمك...
    هي : طيب,,,,,اسمي عهود...
    هو : الله,,,, احلى اسامي الوجود...
    هي : مرسييييي,,,كلك ذوق...
    هو : وانتي الصادقه كلي شوق!!!!!!
    ويبدا يلعب لعبته...
    ويبينلها شوقه ولهفته...
    ويمر يوم ورا يوم...
    وتصير علووووم...
    ويطلب انه يشوفها...
    وتبدي هي خوفها...
    وانها صعبه ظروفها...
    ويسوي نفسه زعل...
    وانه اكثر من كذا حرام,,,ما يحتمل...
    ولانها تحبه...
    وتحسب انها ساكنه قلبه...
    تتدبر له موعد...
    بس تكون دقايق وتنعد...
    ويقولها اوكي,,,زي ما تبين...

    ودامك معي افا عليك بس,,, لا تهتمين...
    ويجي الميعاد...
    وهو خايف من الهيئه ينصاد...
    وتجي وتركب معاه...
    وتصير وياه...
    ودامه موهمها بحبه وعشقه...
    ليش ما ياخذها للشقه؟؟؟؟
    وهي ما تقدر تقوله شي...
    وتقول دامني معه,,, ماهنا خوف علي...
    ويدخلون لشقته...
    وابو الشباب (فارد) كشرته...
    ويجلسون سوا...
    والذيب عوا...
    ويسألها:::: ممكن تكشفين؟؟؟؟
    والا انتي مني تستحين...
    يالله عاااااد,,,,وريني هالجمال والزين...
    وتكشف عن وجهها...
    ويبان شكلها...
    وينصدم هالمسكين
    اي جمال وزينه...
    وععععععع طلعت شينه..
    وتطيح من عينه...
    هالمسكينه...
    ويفكر شلون يفتك منها...
    وكيف يروح ويبتعد عنها...
    وتمر الدقايق ثقيله...
    ويا كبر هم يشيله...
    وتنتهي الرحله...
    وترجع هالخبله...
    ويمر يوم ورا يوم...
    وتصير همومها هموم...
    وهو لا اتصال ولا خبر...
    وهي على احر من الجمر...
    وتقرر انها تبادر بالاتصال...
    هي : الوو,,,اهلين حبيبي طلال...
    هو : حبيبك!!! اقول بلا هبال!!!!
    هي : حبيبي وشفيك منت مبسوط؟؟؟
    الو الو الوووو,,,,,طوط طوط طوط
    ووتتضارب نبضات قلبها...
    معقوله هذا اللي حبها!!!!
    وتصير مرتبكه...
    لا لا مو معقول,,,,,اكيد مضروبه الشبكه...
    او اكيد فيه شي ومانعه عني عني قسرا...
    او ان الوقت مو مناسب,,,بتصل عليه عصرا...
    ويجي العصر وتتصل
    عفوا,,ان الرقم الذي طلبته غير صحيح!!

    فضلا تأكد من الرقم الصحيح وشكرا


    منقول[/TABLE]
  • الوليد
    عضو نشيط
    • Mar 2002
    • 1054

    #2
    بسم الله الرحمن الرحيم

    شكرا اخي ابو ريناد على ما اوردته من واقع بعض شبابنا هداهم الله...ولي في هذا النحو قصيدة كتبتها على لسان احدهم وهو يخاطب تلك التي تعرف عليها ثم تركها...وتقول في مطلعها...

    لا ودي بشوفك ولا ودي اجيك...كذاب انا يابنت لا تصدقيني
    مثلك مثل غيرك اساير واجاريك...وغيرك كثير يحب ويموت فيني

    وهي اكيد فيه غيره كثير...نسأل الله العفو والعافية.


    الوليد

    تعليق

    • ابو عبدالمحسن
      عضو مميز
      • May 2002
      • 1041

      #3
      في الساعة الثانية من فجر يوم الأحد حدث التالي :
      رررررررن.....رررررررن......رررررررن
      هاه ألو
      ألو : ممكن أكلم أبو ريناد
      الو : معك أبو ريناد .. من معي
      معك أبو عبد المحسن
      أبو ريناد : من أبو عبد المحسن
      ابو عبد المحسن : صديقك في المنتدى ويشبك أبو ريناد ما عرفتني
      أبو ريناد : أية منتدى
      ابو عبد المحسن : منتدى زهران يالحبيب
      أبو ريناد : وبعد منتصف الليل وفيها يالحبيب .. ممن معي خلصنا
      ابو عبد المحسن : قلت لك والله إني أبو عبد المحسن ( وبدأ أبو عبد المحسن يتلعثم في الكلام بعد ما أحس أنه أيقظ الرجل من النوم )
      كنت أبغى أقول يعني الموضوع اللي هذا إنت سويته .. هذا اللي أنت كتبته .. هذا يا شيخ اللي هو .... ويش فيني يا ربي ...
      أبو ريناد : ويش فيك ... خبل ما تعرف إنك خبل .. لا عاد تدق علي تفهم (طخ) .
      طيط طيط طيط
      أبو عبد المحسن : أنا إيش سويت ... بس أنا كنت أبغى أقوله عجبني الموضوع طيب كيف أقوله موضوعك عجبني والله عجبني ياجماعه أبغى أشكره .. ويش هالورطه ...

      تعليق

      • عبدالرحمن
        • Dec 2000
        • 4522

        #4
        أبو ريناد
        فعلاً الموضوع حساس، ولا يحتاج الى توعية بقدر ما يحتاج الى آلية للقضاء عليه. لقد أستشرى هذا المرض ولاحول ولا قوة الا بالله.

        أبو عبدالمحسن
        والله إن ردك أجبني وأول مرة أشوف هذه الطريقة، لكن لكي يعرف مدى الاعجاب ولا عاد يكتب بمثل هذه القوة ( ابتسامة)

        تحياتي للجميع
        sigpic

        تعليق

        Previously entered content was automatically saved. Restore or Discard.
        حفظ تلقائي
        Insert: Thumbnail صغير وسط كبير Fullsize Remove  
        or Allowed Filetypes: jpg, jpeg, png, gif, webp

        ماهو اسم المنتدى؟ (الجواب هو الديرة)

        Working...