Unconfigured Ad Widget

Collapse

أبــــــي أعـــــــــــرس ...... زوجــــــــــــــــــــوني "

Collapse
X
  •  
  • الوقت
  • عرض
مسح الكل
new posts
  • الوجيه
    عضو مشارك
    • Apr 2002
    • 323

    أبــــــي أعـــــــــــرس ...... زوجــــــــــــــــــــوني "

    نزلت هذهي الكلمات مثل الصاعقة على الأم

    كانت صدمة لها

    مع أن المفروض أن كل أم تفرح لما تسمع هالكلمة من واحد من عيالها

    لكن سبب الصدمة كان أن هالكلمة ما صدرت من ولدها

    لكنها صدرت من .... من ....

    من " بـــــنـــــــتـــــهــــــا " ؟؟؟!!!!!

    إيـــه " بـــــنـــــــتـــــهــــــا "

    و اللـه الـنـشـبـه

    أنربط لسان الأم

    دارت فيها الدنيا

    قامت تهوجس

    الولد نقدر نخطب له ... لكن البنت بـنـبـحـل بها

    من وين بنجيب لها رجـــل !!!!!

    " يـمه ... ردي علي .. تكفين ... زوجيني "

    صحت الأم من الهواجيس الساخنة ... القاتلة ...اللي أصابتها من الصعقة السابقة

    كانت البنت تهز كتف أمها .. و تترجى فيها :

    " يـمه ... أفهميني ... أنا أبي أعـرس ... "

    لكن الأم ما قدرت ترد بأي كلمة

    كانت بس تناظر في عيون بنتها و تقول بينها و بين نفسها :

    " هذي اللحظة إللي ما عملت حسابها .... الظاهر بنتي كبرت و أنا ما أدري ... "

    رجعت البنت و رمت بنفسها على الكرسي بكل إحباط و قالت :

    " أنتم ليش ما تبون تفهموني .. أنا خلاص كبرت ... صرت حرمه .. عمري الحين فوق العشرين سنة .. يعني حرمــــــــــــه .... أفهميني يـمـه الله يـخـلـيـك "

    أخيراً تكلمت الأم و قالت :

    " خلاص يا بـنيتـي ... فـهـمـتـك " ... و هـي قاعـده تفـكر وشــلـون تـبـي تـفـاتـح الأبـو في هالـمـوضـوع ... والله هاذي الـمـصــيـبـه !!!!

    قربت البنت من أمها و قالت :

    " يـمـه وشـهـو اللـي خــــــــلاص ... أنتي تـحـسـبـيـنـي الـين الحـيـن بـــزر ... بـتصـرفـيـنـي ؟؟ .. أنـــا حــرمــه .. أنا الـحـيـن صـرت حـرمـه .. و كـل صـديـقـاتـي اللـي مـعـي تـزوجـوا ... يـمـه اللـه يـخـلـيـك حـسـي بـشـعـوري "

    و الأم مسكينة يتقطع قلبها على بنيتها .. و تقول في خاطرها :

    " الله يعينك يا بـنـيـتـي .. كل هذا في قلبك و متحملته "

    و البنت أستمرت في صراحتها ...

    " يمه أنتي أكيد تعرفين مشاعر أي بنت في عمري .. و أنا ما طلبت شيء خطاء ..

    طلبت العــــــــــــــــــــرس بس .. "

    و هوجست الأم :

    " العـــــــــــــــــــرس بس !! .. إيه هين بس .. هو العـــــــــــرس ينقال عنه بس ؟؟ !! "

    و كملت البنت :

    " يـــــــــــــمه سامحيني على صراحتي

    بس ما لي غيرك أفضفض لك

    أنتي لو تعرفين شلون إحساسي كلما فكرت في صديقاتي المتزوجات

    أتخيل سعادتهم ... و أتصور شعورهم

    فاهمتني يمه ؟؟؟ "

    و قفت الأم في مكانها .. و حاولت إنها تكون صارمه عشان تنهي الحوار و قالت :

    " خلاص يا بنت .. قلت لك خلاص ..

    أنا فهمت و ماله داعي كل هالشرح

    و إذا جاء أبوك تفاهمت معه ... أنتي تحسبين الموضوع سهل ..

    بـيـنـجـلـط الـرجــــــــال فيها "

    قامت البنت من مكانها .. و واجهت أمها و قالت :

    " لا .. ما بعد فهمتيني .. و لا حسيتي باللي أحسه

    أنتي عايشه في نعيم .. أنا أشوفك كل يوم تروحين مع أبوي .. و أنا محرومه من هالشيء ..

    تحسبيني ما أفهم .. ما أحس

    أعرف شعورك لما تكونين مع الوالد "

    و مسكت كتوف أمها بين إيديها و حطت عينها بعين أمها و قالت :

    " يـمـه أفـهـمـي لـيـش أنا أبـي أتـــــــــزوج .. "

    الأم ما قدرت و دارت و جهها عن بنتها و قالت :

    " يا بنت إســتــحــي "

    لكن البنت كملت كلامها :

    " يـمـه المسأله ما فيها حيــــــــــــــاء .. هـذي مـشـــــــــاعـر طـبـيـعـيـة ..

    كـلـه كـــــــــــوم .. و منظر صـديـقـاتـي كـــــــــــــــوم ..

    كل يوم أشوفهم الصباح يــجـيـبـونـهـم أزواجـهـم للـكـلـيـه

    و أنا قـلـبـي يـتـفـطـر

    أشوف أشكالهم مع رجالهم .. و أنـقـهـر ..

    و أنا كل يوم أركب مع الســـــــــــــــواق للـكـلـيـه

    يـمـه أنا كـلـي أحـاسـيــــــــــــس و مـشـــــــــــــاعـر

    يـمـه أفـهـمـيـنـي عــــــــــــاد "

    لكن الأم ما أسـتـحـمـلـت

    طاحت على الأرض مـغـمـى عليها

    و الظاهر إنها إنـجـلـطـــــــــــــــــت ..

    جلست البنت على ركبتيها .. جنب أمها .. تحاول إنها تصحيها و هي تصرخ :

    " يـمـه أفـهـمـيـنـي ... أنــا .... أنــا .... أنــا ....

    أنــا أبــي أتــزوج عشــــــــــــــان ..

    عشـــان أبـــي أركــــــــــــب قــــــــــــــــــــــــــــــــــــدام " ؟؟؟؟؟ !!!!!!!!!

    منقوووووووووووووووووووووووول
  • الوليد
    عضو نشيط
    • Mar 2002
    • 1054

    #2
    بسم الله الرحمن الرحيم

    شكرا يالوجيه

    حلوه عشان تركب قدام
    اكيد عشان توصل اول....




    الوليد

    تعليق

    • الباشا
      عضو مميز
      • Aug 2001
      • 1496

      #3
      تصدق .. أول ما شفت العنوان
      قلت الوجيه استخف
      توقعتك تطلبنا ندور لك عروس
      إذا كانك عزابي أو ثانية إذا كنت متزوج

      بس ودي أعرف الشاب ليه يتزوج !!!!!!!


      سلمت لنا بروائعك يا وجيه

      محبك
      الباشا

      تعليق

      • ساري المستور
        عضو
        • Apr 2002
        • 95

        #4
        حلووووووووووه....ياوجيه..

        والله انا في البداية شرهت على الأم....

        مو عيب الانسان يخطب لبنته..ولنا في الخليفة عمر بن الخطاب ..

        والسلف الصالح العظة والعبرة..يعني اخذت الموضوع جــــدي..

        اما عشـــــــــــــــان تركب البنت قدام....

        فكما يقول أجدادنا...هذي لها باب وجواب...

        تعليق

        • احمد السريفي
          عضو مميز
          • Sep 2001
          • 1688

          #5

          الصراحة ان العقل طار ثم استدار في نهاية المشوار

          تسلم ياوجية

          تعليق

          • أبو ماجد
            المشرف العام
            • Sep 2001
            • 6289

            #6
            ياحظ من يتزوج هذي المهبولة .

            شكرًا أخي الوجيه .. حقيقةً الموضوع من بدايته إلى ما قبل نهايته وهو تراجيدي .. ولكنه انتهى بشكل كوميدي .

            إيش رأيك تتزوجها إذا كنت لم تتزوج بعد ؟؟؟؟؟؟

            ------------- أخوك : أبو ماجد -----------------

            تعليق

            • الوجيه
              عضو مشارك
              • Apr 2002
              • 323

              #7
              شكرا لكم جميعا

              اخي الوليد ...

              اخي الباشا ........ في هذه الحاله اكيد يبي يتزوج لكي يكون هو السواق .

              اخي ساري المستور ... كلامك صحيح بس وين الي يطبق هذا الكلام

              اخي احمد السريفي .... الحمد لله ما طار عقلك وما رجع .

              اخي ابو ماجد ... على يدك . بس تتبرع بالمهر

              تقبلو تحياتي جميعا
              اخوكم
              الوجيه

              تعليق

              Previously entered content was automatically saved. Restore or Discard.
              حفظ تلقائي
              Insert: Thumbnail صغير وسط كبير Fullsize Remove  
              or Allowed Filetypes: jpg, jpeg, png, gif, webp

              ماهو اسم المنتدى؟ (الجواب هو الديرة)

              Working...