Unconfigured Ad Widget

Collapse

عصابة البال توك

Collapse
X
  •  
  • الوقت
  • عرض
مسح الكل
new posts
  • بندر
    عضو مشارك
    • May 2002
    • 107

    عصابة البال توك

    ظهرت في الاونه الاخيره عصابه في البال توك همها اصطياد المماليح وتسحيبهم وتضحيك خلق الله عليهم
    هذه العصابه يتزعمها تمساح عنده قدر عجيبه على تقليد الاصوات النسائيه ويقوم باصطياد ضحاياه من الدلوخ الي يرقمونه في التشات
    وفي وقت محدد يفتحون غرفة في البال توك ويجمعون امة محمد واذا اكتمل العدد وصارت الروم تلطم بشرية اتصل هذا التمساح المتقمص على ضحيته في الجوال وشبك المايكرفون مع الجوال وتكون المكالمه علنيه وكل الموجودين في الغرفه يسمعونها وهاااااااات يا تسحيب وتفضيح بمعلومات شخصيه التي يتفضل ويدلي بها الاخ الدلخ مشكورا

    والملف المرفق نمونه صغيره لاخ صايع ونصاب في آآآآن واحد وتمت مسخرته مسخره لا راحت ولا جت
    مع ملاحظه في اخر التسجيل الصوت الحقيقي للانسه التمساح الي يسحب الاخوان الصيع الافاضل

    لذلك ننصحك بان تستحي على وجهك وخل رقمك عندك استر لك واشرف لك
    اضغط على اللنك علشان تسمع التسحيب




    بعدما سمعت التسحيب

    هل لا زلت تعقتد ان الغرب ما اخترعوا الانترنت الا عشان ترقم فيه ؟؟

    وهل لازلت تعتقد ان التشات لم يوضع الا عشان تلاحق فيه بنات خلق الله وتذيهم ؟؟

    وهل لا زلت تعتقد ان مسنجر الهوتميل غلطو في تسميتة والمفروض انهم يسمونه هوت فيميل ؟؟

    عزيزي هل لازلت تعتقد ان سواياك في الانترنت الي تسود الوجه ماحد داري عنها وانك في امان تام واذا جيت تخطب سمعتك بتصير زي البرلنط؟؟؟؟

    ايه هين ده كان زمان


    تحياتي
  • الملكي
    عضو مؤسس ومميز
    • May 2001
    • 2947

    #2
    حلوه يا بندر - بس تصدق تسحيب على كيف كيفك


    ربك يعين


    تحياتي لك


    الملكي
    لسني أحب اللسلسة

    تعليق

    • الجلهمي
      عضو نشيط
      • Sep 2001
      • 485

      #3
      زين ما كنت معاهم والا صارت علوم .......
      مازال اشباه الرجال يمشون على قفاهم
      تحياتي لك

      تعليق

      • حنش

        #4
        رد وسؤال

        اما الرد فالله ياهبلك عافيه رغم ان اللنك ماطلع هيه ولا تقل
        جهازك خربان لإنه والله بنتيوم اربعه هيه .

        السؤال:
        ياجماعه انا عند الله ثم عندكم
        انا عضو احبكم جهدا جهدا جهدا واكتب دايماً مشاركاتي وانا
        مقهور
        لإنني لا اعرف اكبر الخط او الون او او اضيف صوت او صوره

        والله ياجماعه مااعرف والدليل مشاركاتي البايخه ظاهراً
        والحلوه باطناً تكفون بالله علموني مدري كيف اقول
        ولا هيه اني باضيق واحنس ولا تشوفونيه .

        تعليق

        • بندر
          عضو مشارك
          • May 2002
          • 107

          #5
          الأخ حنش على كثر ردودك وماتعلمت ؟




          واللنك شغال بس يمكن البرنامج اللي يشغله مو عندك (realplayr)

          تعليق

          • بندر
            عضو مشارك
            • May 2002
            • 107

            #6
            الأخ حنش


            اضغط على اللنك


            الخــــطــوات : 1 - إذهب الي موقع الياهو http://www.yahoo.com/ يوجد في اسفل الشاشه يمين مكتوب Yahoo! GeoCities اظغط عليها او ا ذهب مباشره للموقع http://geocities.yahoo.com/home . 2- ادخل اسم المسنخدم omarksa مثلا والرقم السري في الخانه المخصصه. ( هذا إسم المستخدم لإيميلك بالياهو - أي يجب أن يكون لك إيميل بالياهوو ) ثم

            تعليق

            • الجلهمي
              عضو نشيط
              • Sep 2001
              • 485

              #7
              رد رد
              اخي حنش وحنا نحبك جهدا جهدا ... ومواضيعك كلها حلوه ظاهراً وباطناً ..وعموماً
              تغير الخط او الحجم او اللون هذا كله موجود في صفحة الرد ....... يعني عليك تحدد الكلام اللي كتبته وبعدين تختار له لون او تكبره او تغير الخط


              وأي خدمه مني انا حاضر من عيوني

              تعليق

              • حنش

                #8
                ياجماعه والله ماقرت

                انا خذيت الأسهل وهي حقة الجلهمي
                ياجلهمي نافداك كتبيت ثم ضللت الكتابه وجيت احط لون
                تدري وش صار
                كتب لي كلمه بالأنجليزي مدري شنهيه في نفس الرد
                وابا يطلع ولا لون وانت يابندر الله يسلمك لكن طريقتك صعببببه
                جداً
                والله يعطيك العافيه وتكفا لا تاخذ على خاطرك اني
                ماخذيت بكلامك فأنت راعي الأوله وانا اخوك.

                وانت يالجلهمي إما علمنيه كما الناس ولا انتسم .

                تعليق

                • الجلهمي
                  عضو نشيط
                  • Sep 2001
                  • 485

                  #9
                  ياخي الله لايهينك رح لمنتدى الكمبيوتر واعرض المشكله هناك يمكن يساعدوك ....ولا اقولك الظاهر ان جهازك كله فيروسات ومدمور فوق بعضه ....على العموم ...هذي حركات هديه لك ..واذا تبغى تسوي كماها سوي رد باقتباس وامسح الكلام اللي في وسط الاقواس واكتب اللي تبغيه

                  تعليق

                  • حنش

                    #10
                    والله هاه في خاطرك

                    بتقهرنيه
                    آآآآه يالجلهمي تبغي تقهرنيه بردك
                    عشان تتفسوى عليه انك تعرف
                    تخلي مشاركتك تظهر من تحت

                    لكن ماعليه وإن كنت حنش إني لأتعلم ((وانا صدقاً ماني حنش))

                    وشكراً لكم واللي مايعرف الجعيره ياكلها.

                    تعليق

                    • بندر
                      عضو مشارك
                      • May 2002
                      • 107

                      #11
                      عساك استفدت ياحنش

                      تعليق

                      • الحسام
                        عضو نشيط
                        • Mar 2002
                        • 1555

                        #12


                        والله يا حنش ما يتعلم لون يغدي مية حنش


                        لا اله الا الله ....محمد رسول الله

                        تعليق

                        Previously entered content was automatically saved. Restore or Discard.
                        حفظ تلقائي
                        Insert: Thumbnail صغير وسط كبير Fullsize Remove  
                        or Allowed Filetypes: jpg, jpeg, png, gif, webp

                        ماهو اسم المنتدى؟ (الجواب هو الديرة)

                        Working...