Unconfigured Ad Widget

Collapse

فرفش مع النساء

Collapse
X
  •  
  • الوقت
  • عرض
مسح الكل
new posts
  • الظل
    عضو مشارك
    • Jun 2002
    • 114

    فرفش مع النساء

    الساعه 6:30 صباحا :

    تودع زوجها وهو طالع للعمل وتقول له ( بتوحشني يا حبيبي)


    الساعه 11 صباحا :

    تتصل عليه في العمل وتقول له ( حبيت اسمع صوتك بس ياعمري)

    الساعه 3 العصر :

    تستقبله وهي
    متشيكه وتبوسه وهو داخل للبيت وتقول له (الغدا جاهز يا حياتي ..تحب احطه لك الحين ؟ )

    الساعه 5 العصر :

    تصحيه من النوم ببوسه وتقول له ( اعمل لك شاي يا حبي ؟ )

    الساعه 6 المغرب :

    تسبل عيونه ا وتقول بكل خجل ( يا ريت يا حبيبي .. يعني لوما عليك كلافه .. يعني اذا تقدر توديني شوي لبيت اهلي
    اذا كنت تقدر يا عمري ) وقبل ما ينطق بكلمه ( اذا ماتقدر خلاص مو لازم ) وطبعا يضيع هو في نظره من عيونها

    ويوديها لاهلها ولو انهم ساكنين في السويدي وهو ساكن في العليا

    الساعه 8 بالليل :

    تتصل على الجوال وتقول ( اشتقت لك يا عمري .. يا ريت تمرني ونروح للبيت ) وطبعا هو عارف وش بيجيه في البيت

    فيطمر ويقول للشباب ( اسف والله يا شباب راسي مصدع ولازم امشي )

    الساعه 10 بالليل :

    تجلس في حضنه وتقول ( الله يا حبي تتذكر ؟ تتذكر ايام الخطوبه لما كنت تعمل المستحيل عشان تشوفني ..وانا يا ما كذبت على ابوي وقلت له اني طالعه مع امي وانا اصلا متفقه مع امي عشان اطلع معك ) وبعدها هات يا بوس لمده لا تقل عن ثلث ساعه

    الساعه 11 بالليل :

    الوصول الى هذه الصفحه غير مسموح ……….الخ

    بعد مرور عشر سنوات
    الساعه 6:30 صباحا :

    هي في سابع نومه

    الساعه 11 صباحا :

    هي برضه في سابع نومه

    الساعه 3 العصر :

    تستقبله وهي نافخه خشتها وتقول ( شف لي حل مع ولدك علي هذا ..حتى الان ما حل الواجب .. وسوير الله ياخذ عمرها انشاء الله شاقه مريولها في المدرسه …عطني فلوس لازم اروح اشتري لها واحد غيره … وصويلح يبي علبة هندسه تو انه يقول لي يوم ان الاختبار صار بكره … وترى موضي تكنفست مع الدرج وهي كانت في المشايه … والظاهر انها تعورت …كله من هالشغاله الله يا خذها ….اسمع يا انا يا هالشغاله في هالبيت( طبعاً وده الشغاله) ….ابيك اليوم تسفرها ما ابي اشوفها وابيك بسرعه تقدم على وحده ثانيه ….وما ابيها تصير حلوه …..يا ويلك لو صارت حلوه …..وبعدين شغالتي ابيك تشرط عليها اذا سفرتها ما عاد تشتغل عند احد ….عشان ما تقول اسرار بيتنا للناس الي تشتغل عندهم ( ما تدري ان اسرار بيتهم كلها عند الجيران من لسانها هاللي وش طوله ) و …و …..و

    الساعة 5 العصر :

    هي تفك هوشه بين سوير واخوها ويصحى هو على صوتها وهي تهاوش وتدعي عليهم بجميع الامراض الخطيره الحديث منها والقديم ( جعلكم للطاعون …جعلكم للحمى …جعلكم للوادي المتصدع …جعلكم للحمى القلاعيه ..الخ )

    الساعه 6 المغرب :

    هو جالس يشرب الشاهي وهي تقول ( نبي نروح لامي بتجيهم بنت خالة جد ولد عم ابوي ..وبعدين نبي نروح نشتري للبنت مريول ..وبعدين بنت عمي والده ولازم اروح اشتري لها هديه من باتشي و ابي امر على المشغل ..وبعدين حطنا عند اختي في الشفا من زمان ما شفناهم …………..

    وفي هاللحظه فكر هو انه يشتغل ليموزين احسن له

    الساعه 8 بالليل :

    تتصل على الجوال ( وينك فيه ؟ وبعدين وين بتروح ؟ ومنهو الي معك هذا ؟ ووش بتسون ؟ ومتى بتجي ؟ لا ما فيه الساعه 11 تعال الساعه 10 )

    الساعه 10 بالليل :

    جالسين هي وياه عندالتلفزيون ..اخيراهدوء ..والعيال نايمين ..والجو جميل ..وفجأه تطالعه وهي ماده بوزها

    وتقول ( الحين امك وش عندها اليوم ما ترد يوم اني سلمت ؟ هاه ؟ ) ( والله ما ادري كان سالتيها ) ( واختك وش هالحركات الي مالها سنع …ليش عازمه الجيران وكل حريم اخوانك الا انا ؟؟؟ لكن هين والله لاسوي عزيمه وما اناديها …اصلا هي ما زارتني في المستشفى يوم اني ولدت وانا فاهمه قصدها ..لكن هين ..والله لو تحب السما ما نيب زايرتها اذا ولدت ……وبعدين بنات عمك وش عندهم نافخين عمرهم ؟؟ على ايش ابي افهم ….على جمالهم الزايد اللهم لك الحمد بس ) تسكت شوي بعدين تقول ( وبعدين اختك نوره يوم انها تقول ان علي ولدي يشبهني ما يشبه ابوه وش قصدها

    هاه )ملاحظه : علي هو اشين اخوانه) ( انا فاهمه قصدها وتراها اذا ما بطلت هالحركات والغمز واللمز تراني ابسمعها كلمتين واخليها تحترم نفسها …..لا وذاك اليوم تقول اخوي محمد ( الي هو الزوج ) حلو مره و3 من حريم الجيران قد خطبوه لبناتهم ….من زينك بس ما ادري وش لاقين فيك ) . يسكت وما يرد , تسكت هي ثم تقول ( وبعدين اخوك شاري لحرمته ساعه قيمتها عشرين الف ريال ) يرد ( طيب وش المشكله ؟ ) ( وانا ليش ما تشتري لي ..والا انا ما استاهل ..ولو هي يعني احسن مني … بلاك ما شفتها ..شينه وطبايعها شينه وحتى طبخ ما تعرف تطبخ ) ( خلاص اشتري لك ساعه ) تعصب وتقول ( ايه تسكتني بهالكلام ….والله لانت

    شاري ولا شي ) ( وش تبيني اقول يا بنت الحلال ؟ ) تقوم وهي تبكي ( خلاص ما ابي منك شي )

    الساعه 11 بالليل :

    هي زعلانه ونايمه مع العيال

    وهو يلعن اليوم الي تزوج فيه

    ادري طولت عليكم ياكثر قرقي

    .....ولكي خالص تحياتي......
    الفرق بين المرأه في السنه الاولى من الزواج والسنه

    العاشره او ما فوق

    الساعه 6:30 صباحا :

    تودع زوجها وهو طالع للعمل وتقول له ( بتوحشني يا حبيبي)


    الساعه 11 صباحا :

    تتصل عليه في العمل وتقول له ( حبيت اسمع صوتك بس ياعمري)

    الساعه 3 العصر :

    تستقبله وهي
    متشيكه وتبوسه وهو داخل للبيت وتقول له (الغدا جاهز يا حياتي ..تحب احطه لك الحين ؟ )

    الساعه 5 العصر :

    تصحيه من النوم ببوسه وتقول له ( اعمل لك شاي يا حبي ؟ )

    الساعه 6 المغرب :

    تسبل عيونه ا وتقول بكل خجل ( يا ريت يا حبيبي .. يعني لوما عليك كلافه .. يعني اذا تقدر توديني شوي لبيت اهلي
    اذا كنت تقدر يا عمري ) وقبل ما ينطق بكلمه ( اذا ماتقدر خلاص مو لازم ) وطبعا يضيع هو في نظره من عيونها

    ويوديها لاهلها ولو انهم ساكنين في السويدي وهو ساكن في العليا

    الساعه 8 بالليل :

    تتصل على الجوال وتقول ( اشتقت لك يا عمري .. يا ريت تمرني ونروح للبيت ) وطبعا هو عارف وش بيجيه في البيت

    فيطمر ويقول للشباب ( اسف والله يا شباب راسي مصدع ولازم امشي )

    الساعه 10 بالليل :

    تجلس في حضنه وتقول ( الله يا حبي تتذكر ؟ تتذكر ايام الخطوبه لما كنت تعمل المستحيل عشان تشوفني ..وانا يا ما كذبت على ابوي وقلت له اني طالعه مع امي وانا اصلا متفقه مع امي عشان اطلع معك ) وبعدها هات يا بوس لمده لا تقل عن ثلث ساعه

    الساعه 11 بالليل :

    الوصول الى هذه الصفحه غير مسموح ……….الخ

    بعد مرور عشر سنوات
    الساعه 6:30 صباحا :

    هي في سابع نومه

    الساعه 11 صباحا :

    هي برضه في سابع نومه

    الساعه 3 العصر :

    تستقبله وهي نافخه خشتها وتقول ( شف لي حل مع ولدك علي هذا ..حتى الان ما حل الواجب .. وسوير الله ياخذ عمرها انشاء الله شاقه مريولها في المدرسه …عطني فلوس لازم اروح اشتري لها واحد غيره … وصويلح يبي علبة هندسه تو انه يقول لي يوم ان الاختبار صار بكره … وترى موضي تكنفست مع الدرج وهي كانت في المشايه … والظاهر انها تعورت …كله من هالشغاله الله يا خذها ….اسمع يا انا يا هالشغاله في هالبيت( طبعاً وده الشغاله) ….ابيك اليوم تسفرها ما ابي اشوفها وابيك بسرعه تقدم على وحده ثانيه ….وما ابيها تصير حلوه …..يا ويلك لو صارت حلوه …..وبعدين شغالتي ابيك تشرط عليها اذا سفرتها ما عاد تشتغل عند احد ….عشان ما تقول اسرار بيتنا للناس الي تشتغل عندهم ( ما تدري ان اسرار بيتهم كلها عند الجيران من لسانها هاللي وش طوله ) و …و …..و

    الساعة 5 العصر :

    هي تفك هوشه بين سوير واخوها ويصحى هو على صوتها وهي تهاوش وتدعي عليهم بجميع الامراض الخطيره الحديث منها والقديم ( جعلكم للطاعون …جعلكم للحمى …جعلكم للوادي المتصدع …جعلكم للحمى القلاعيه ..الخ )

    الساعه 6 المغرب :

    هو جالس يشرب الشاهي وهي تقول ( نبي نروح لامي بتجيهم بنت خالة جد ولد عم ابوي ..وبعدين نبي نروح نشتري للبنت مريول ..وبعدين بنت عمي والده ولازم اروح اشتري لها هديه من باتشي و ابي امر على المشغل ..وبعدين حطنا عند اختي في الشفا من زمان ما شفناهم …………..

    وفي هاللحظه فكر هو انه يشتغل ليموزين احسن له

    الساعه 8 بالليل :

    تتصل على الجوال ( وينك فيه ؟ وبعدين وين بتروح ؟ ومنهو الي معك هذا ؟ ووش بتسون ؟ ومتى بتجي ؟ لا ما فيه الساعه 11 تعال الساعه 10 )

    الساعه 10 بالليل :

    جالسين هي وياه عندالتلفزيون ..اخيراهدوء ..والعيال نايمين ..والجو جميل ..وفجأه تطالعه وهي ماده بوزها

    وتقول ( الحين امك وش عندها اليوم ما ترد يوم اني سلمت ؟ هاه ؟ ) ( والله ما ادري كان سالتيها ) ( واختك وش هالحركات الي مالها سنع …ليش عازمه الجيران وكل حريم اخوانك الا انا ؟؟؟ لكن هين والله لاسوي عزيمه وما اناديها …اصلا هي ما زارتني في المستشفى يوم اني ولدت وانا فاهمه قصدها ..لكن هين ..والله لو تحب السما ما نيب زايرتها اذا ولدت ……وبعدين بنات عمك وش عندهم نافخين عمرهم ؟؟ على ايش ابي افهم ….على جمالهم الزايد اللهم لك الحمد بس ) تسكت شوي بعدين تقول ( وبعدين اختك نوره يوم انها تقول ان علي ولدي يشبهني ما يشبه ابوه وش قصدها

    هاه )ملاحظه : علي هو اشين اخوانه) ( انا فاهمه قصدها وتراها اذا ما بطلت هالحركات والغمز واللمز تراني ابسمعها كلمتين واخليها تحترم نفسها …..لا وذاك اليوم تقول اخوي محمد ( الي هو الزوج ) حلو مره و3 من حريم الجيران قد خطبوه لبناتهم ….من زينك بس ما ادري وش لاقين فيك ) . يسكت وما يرد , تسكت هي ثم تقول ( وبعدين اخوك شاري لحرمته ساعه قيمتها عشرين الف ريال ) يرد ( طيب وش المشكله ؟ ) ( وانا ليش ما تشتري لي ..والا انا ما استاهل ..ولو هي يعني احسن مني … بلاك ما شفتها ..شينه وطبايعها شينه وحتى طبخ ما تعرف تطبخ ) ( خلاص اشتري لك ساعه ) تعصب وتقول ( ايه تسكتني بهالكلام ….والله لانت

    شاري ولا شي ) ( وش تبيني اقول يا بنت الحلال ؟ ) تقوم وهي تبكي ( خلاص ما ابي منك شي )

    الساعه 11 بالليل :

    هي زعلانه ونايمه مع العيال

    وهو يلعن اليوم الي تزوج فيه

    ادري طولت عليكم ياكثر قرقي

    .....ولكم خالص تحياتي....



  • بندر
    عضو مشارك
    • May 2002
    • 107

    #2
    مشاركه جميله بس ترى مو كلهم



    على فكره الموضوع مكرر في نفس الصفحه مرتين

    تعليق

    • الجندبي
      موقوف
      • Feb 2002
      • 78

      #3
      مايصح الا الصحيح

      مشاركه جميله يعطيك الف عافيه

      تعليق

      • حنش

        #4
        والله حلوه ومحزنه في نفس الوقت

        الله يعطيك العافيه على هذه المشاركه الحلوه والمحزنه على
        مستقبلنا الذي لا اتوقع أنه سيأتي .

        تعليق

        • عبدالله رمزي
          إداري
          • Feb 2002
          • 6605

          #5
          اخي عابر سبيل


          مهما قلت ومهما تكلمت فهي تشكل نصف المجتمع
          ولا احد يستطيع ان يستغني عن النساء

          اولا وهو المهم منهن امهاتنا ( والجنة تحت اقدام الامهات )
          وثانيا/ هن رياحين الحياه
          يقول الشاعر
          ان النساء رياحين خلقن لنا ... وكلنا يشتهي شم الرياحين

          فهل تستطيع ان تنكر ذلك
          وبيني وبينك يمكن ام العيال عندك ماتقرا ولا تكتب عشان كذه اخذت راحتك في الكتابه
          محبك /ابوسهيل
          ما كل من يبعد به الوقت ناسيك ... بعض البشر قدام عينك وينساك

          تعليق

          • الظل
            عضو مشارك
            • Jun 2002
            • 114

            #6
            الاخ ابو سهيل

            انا ليس لدي ادنى شك في ان الكلام الذي قلته انت صحيح 100% ولكن انا اورد مثل هذه العبارات من باب الدعابات في زاويه هي .... استراحه الديره ..... التي تشاع وتقال وتخترع من نسج الخيال حول ما قد يحصل بين الرجل وزوجته في هذه الفترات

            ولك اخي ابو سهيل ولكل من تابع هذا الموضوع افضل التحيه

            تعليق

            • الوجيه
              عضو مشارك
              • Apr 2002
              • 323

              #7
              يشباب كل واحد يصلح سيارته

              وترى العشا اليوم عندك يا حنش

              وبكرة عندك يالوليد

              هاه اشقلتم .... تم


              قولو تم والعون ابليس

              تعليق

              • البيضاني
                عضو مميز
                • May 2002
                • 715

                #8
                ممتازه %%%%%%%

                تعليق

                • أبو ماجد
                  المشرف العام
                  • Sep 2001
                  • 6289

                  #9
                  الإخوة الكرام المشاركين في هذا الموضوع ............سلمهم الله جميعًا

                  اطلعت على جميع الردود ، ولاحتواء بعضها على بعض الكلمات التي تسيء للآخرين أو بها بداية مهاترات ، فقد فضلت أن أقوم بحذف بعض هذه الردود وذلك للأسباب التالية :
                  1- أن المحافظة على روح الأخوّة بل وتكوين صداقات ومعرفة رجال عبر هذا المنتدى هي من أهم أهدافنا جميعًا .
                  2-بعض الكلمات تكتب بقصد المزح ، ولكن هذا المزح يتطوّر إلى ما يؤدي إلى الخصام وهذا مالا نرضاه .
                  3- تخصيص منتدى ( استراحة الديرة ) لا يعني السماح بتوجيه إهانة من أي عضو لآخر، فنحن كما قلت إخوة ويهمنا عدم جرح مشاعر أي عضو .

                  قمت بذلك نظرًا لغياب أخي الملكي المشرف على هذا المنتدى وبعد محاولات للاتصال به فليعذرني مشرفنا القدير وليعذرني كل من حذف له رد لأن هدفي الصالح العام فقط .
                  والله من وراء القصد .
                  ------------------------- أخوكم : أبو ماجد -----------------

                  تعليق

                  • سراج
                    مشرف سابق
                    • May 2002
                    • 307

                    #10
                    يعطيك العافيه يا عابر سبيل .

                    قيلت هذه القصه من احد الشياب في العمل صارت معه.....الله يعينه

                    ولكن ليس هذا بحال جميع النساء

                    ولاتخاف يامستر حنش تراهم (الحريم) اوادم مو عقارب!!!!!!!



                    مع تحيات,

                    تعليق

                    Previously entered content was automatically saved. Restore or Discard.
                    حفظ تلقائي
                    Insert: Thumbnail صغير وسط كبير Fullsize Remove  
                    or Allowed Filetypes: jpg, jpeg, png, gif, webp

                    ماهو اسم المنتدى؟ (الجواب هو الديرة)

                    Working...