Unconfigured Ad Widget

Collapse

مهر العروس ...................

Collapse
X
  •  
  • الوقت
  • عرض
مسح الكل
new posts
  • الوجيه
    عضو مشارك
    • Apr 2002
    • 323

    مهر العروس ...................

    مهر العروس ......
    >
    > نزل أحدهم على البدوي ضيفاً يريد الزواج من ابنته فقال له البدوي :
    >
    > أنا عندي لك يا ضيفنا العزيز أسئلة إذا عرفتها زوجتك البنت , أنت مستعد ؟
    >
    > الضيف / تفضل .
    >
    > البدوي / وش الشيء اللي يضرك إذا أرتفع وإذا أنخفض ؟
    >
    > الضيف / هذا الله يجيرني وإياك والعروس ... مرض السكر والضغط .
    >
    > البدوي / ما لك لوا ... هذا سعر البترول .
    >
    > طيب ... من هم اللي يكرهون المطر ؟
    >
    > الضيف / ما أحد يكره رحمة الله .
    >
    > البدوي / فيه طال عمرك ... المسؤولين اللي في البلدية وخاصة أمانة جدة !
    >
    > الضيف / وش السبب ؟
    >
    > البدوي / لأنه يزيد عليهم الشغل وتطلع فضايحهم والناس يدعون عليهم .
    >
    > طيب ... من هو اللي يصلي النافلة ويترك الفرض ؟
    >
    > الضيف / المجنون .
    >
    > البدوي / صدقت ... هذي الموظفة اللي تخدم الناس وتضيع زوجها وأولادها وبيتها .
    >
    > طيب ... وشو الشيء اللي تسمع به ولا تشوفه ؟
    >
    > الضيف / هذول الجن والعفاريت , الله يحمينا وإياك والعروس .
    >
    > البدوي / قرّبت ... هذي الميزانية اللي يأكلونها الجن والعفاريت .
    >
    > من هو الملك اللي نزل من عرشه وضيع شعبه وأشتغل سوّاق ؟
    >
    > الضيف / هذا سؤال صعب .
    >
    > البدوي / أبداً هذا بسيط للي يعرف الواقع ... هذي الحرمة اللي تشرد من بيتها
    >
    > وتطالب بسواقة السيارات .
    >
    > وش الدولة اللي فيها رئيسين ؟
    >
    > الضيف / ما فيه يا خوي حتى الملعب وهو ملعب ما فيه إلا حكم واحد وعنده مساعدين
    >
    > .
    >
    > البدوي / شفت إنك ما أنت داري بشي ... هذي بيوت اللي ينادون بمساواة المرأة
    >
    > بالرجل .
    >
    > طيب ... إذا بغيت معنى كلمة عربية وين تدور عليها ؟
    >
    > الضيف / في لسان العرب أو القاموس المحيط .
    >
    > البدوي / ما عندك سالفة ... بوش على الذمة , ما تشوف كيف فسر لنا كلمة (( إرهاب
    >
    > )) وكل العالم وافقوه إلا طالبان .
    >
    > الضيف / أجل , الله يستر لا يجي اليوم اللي يفسر لنا فيه معنى التوحيد والإسلام
    >
    > !
    >
    > البدوي / طيب ... وش الوردة اللي ما تستخدمها إلا إذا ذبلت ؟
    >
    > الضيف / أصلاً إذا ذبلت , ما عاد يصير لها قيمة !
    >
    > البدوي / صحيح ... هذول بنات هالأيام , البنت ما تتزوج فيهن إلا بعد ما تكبر
    >
    > ويروح شبابها وهي تطرد ورى هالسراب اللي يسمونه المستقبل !!
    >
    > طيب ... منهم الأبرياء اللي يجوز قتلهم ؟
    >
    > الضيف / ما فيه .
    >
    > البدوي / هذول ... المسلمين , ما تشوف لما قتلتهم أمريكا في أفغانستان , و قالت
    >
    > حنا ما يمكن نقضي على الإرهاب إلا بقتلهم , وافقهم العالم كلّه حتى المسلمين ,
    >
    > لكن لو إن المسلمين قالوا ما يمكن ندمر اقتصاد أمريكا إلا بقتل الأبرياء مثل ما
    >
    > صار في مركز التجارة العالمية , كان عارضهم العالم كله حتى المسلمين , وهذا
    >
    > اللي صار مع إننا ما قلنا شي .
    >
    > إييييه ... الظاهر يا ضيفنا العزيز إن ما لك نصيب في البنت لأن ما عندك (( فقه
    >
    > بالواقع )) وبعدين البنت باقي تدرس وعمرها لا زال 35 سنة وباقي صغيرة على
    >
    > الزواج !!


    والله من وراء القصد
  • السروي
    عضو مميز
    • Mar 2002
    • 1584

    #2
    الأخ الفاضل / الوجيه ................................ سلمه الله

    تحية طيبة وبعــد :

    تشكر على هذه المشاركة الهادفة ، ونتمنى عليك ( كماها ... كماها ) الله لاتنسى ولك تحياتي والله الموفق .
    اللهم يا منزل الكتاب ويا مجري السحاب، أهزم اليهودواقذف الرعب في قلوبهم اللهم فرق جمعهم وشتت شملهم وخالف بين آرائهم,اللهم أذل شارون ودمره وأنصاره ومستشاريه،اللهم أهلك جيشه وشعبه ومزقهم كل ممزق ولا تدع منهم حياً يرزق،اللهم عليك ببوش وعصابته من لصوص الأوطان والثروات،اللهم أرسل عليهم الرياح العاتية والأعاصير الفتاكة , والقوارع المدمرة ،اللهم أتبعهم بأصحاب الفيل وأجعل كيدهم في تضليل،اللهم صب عليهم العذاب صباً،اللهم أقلب البحر عليهم ناراًوالجو شهباً وإعصاراًاللهم أسقط طائراتهم ودمر مدمراتهم ياكريم .

    تعليق

    • الوجيه
      عضو مشارك
      • Apr 2002
      • 323

      #3
      الاخ السروي وفقك الله

      كثر الله من اثالك في هذا المنتدى ، وشكراً على تعقيبك.


      اخوك الوجيه

      تعليق

      • الباشا
        عضو مميز
        • Aug 2001
        • 1496

        #4
        أخي الوجيه .................... رعاك الله
        موضوع ملئ بالمطبات

        لو كان كل الآباء كذلك لأصبحنا شعب من العزاب

        تعليق

        Previously entered content was automatically saved. Restore or Discard.
        حفظ تلقائي
        Insert: Thumbnail صغير وسط كبير Fullsize Remove  
        or Allowed Filetypes: jpg, jpeg, png, gif, webp

        ماهو اسم المنتدى؟ (الجواب هو الديرة)

        Working...