Unconfigured Ad Widget

Collapse

رثـــــــــــــــــــــــــــــــــــــــــــــــــــــاء

Collapse
X
  •  
  • الوقت
  • عرض
مسح الكل
new posts
  • العود
    عضو مشارك
    • Jul 2005
    • 103

    رثـــــــــــــــــــــــــــــــــــــــــــــــــــــاء


    ( بسم الله الرحمن الرحيم )

    سعود ثالث عام وانا بطاريك = مارتحت في الدنيا ولاني سلاوي
    ياقلب ضاعت منك حتى هقاويك = عضيدك اللي غيبته المناوي
    طعم المرارة ماغسلته المساويك = والساق في وادي الثعابين هاوي
    ازفر على مثلك زفير المماليك = نهار ساقوهم لسوق النقاوي
    وفرقوهم بين هذا وهاذيك = كما ذيابه في جبالا تعاوي
    خليتني فوق الشقا والصعاليك = حطو سموم الصدر بن القهاوي
    صدقت لاقالو يطول مهاليك = واثر النوايا في سدود الملاوي
    ياسعود ماظنيت تطوى زواليك = ياكم فرشنا الطيب يوم انت قاوي
    ولاحسبت احساب زود البلافيك = ولاهقيت انك تجر المكاوي
    ولادريت انك تدور عناخيك = وانا عفيف ودايما لك رجاوي
    يافكر لاتهتم من صايح الديك = مرات به نفعه ومرات خاوي
    وابو الحصين عساه درب التهاليك = والا صخر مبروم حدا وزاوي
    والضبع ودي يركبونه تلفريك = راس الهدا من بعدها مايشاوي
    الديك والثعلب وضبع المشاريك = اعلامهم دايم تجي بالدناوي
    ان كان بالما يالهايب نطفيك = النيل مايقدر على ما نقاوي
    الله ياعود العشر كم نجاريك = مافيك فود وخايبا وانت لاوي
    ياسعود كملت الثلاث انت وشفيك = ياليت لك مبدا على ما نساوي
    هذي ثلاث عجاف وانا بطاريك = ماعاد لي بعدك رفيقا نخاوي
    عساك في جنات عدن مع ابيك = امين ربي سامعا للدعاوي
Previously entered content was automatically saved. Restore or Discard.
حفظ تلقائي
Insert: Thumbnail صغير وسط كبير Fullsize Remove  

ماهو اسم المنتدى؟ (الجواب هو الديرة)

Working...