Unconfigured Ad Widget

Collapse

نصيت العسكريه يوم قالوا للنظام ارجال

Collapse
X
  •  
  • الوقت
  • عرض
مسح الكل
new posts
  • المستلج
    عضو
    • Mar 2005
    • 14

    نصيت العسكريه يوم قالوا للنظام ارجال

    الا يالله عفوك لا معي بيجر ولا جوال====== ولا عندي وضيفه والتجاره فاشل فيها

    ولا عندي شهادات ولا حرفه تسد الحال===== ولا حظ كبير لاخطت الجره يقديها

    جيوب الثوب تومي ما دخلها من زمان ريال== بها فاتوره الكهرب ولا يمديني اقضيها

    على ذيك العراوي تتعب الحادي مع الجمال== ثلاث شهور فالورشه وشهرين مغطيها

    ابيها لو تجمل يوم واجلبها على الدلال===== يجيها واحد حضه مثل حضي ويشريها

    نصيت العسكريه يوم قالو للنظام رجال==== وقدمت الملف وصوره متشخص فيها

    خذا الاوراق مني واحد ماعند ابوه دلال== علوم الناس واهل المعرفه والطيب مخطيها

    قراها في دقيقه والتفت عجل على وقال==== شهادتك الكبيره ياولد وين انت مخفيها

    هزيت الراس.. ماعندي..تقال اني من البنقال== وقمت احب خشمه واطلبه الله تمشيها

    رماها من يده شين الطبيعه والنبا والفال===== وقال احسن تعود يم عنزاتك تعشيها

    تناوشته من الكرسي وعفت الحل والترحال=== وظربته بالبياله عقب ما بيحت شاهيها

    خذوني للسجن لاني بلا ظالم ولا محتال===== مجرد واحد جا يكحل عيونه فيعميها

    ويوم اني خرجت اقفيت لارض الله وسيع الجال= على بر هواه يداوي العله ويبريها

    ادور قصعه الجربوع والضب الفتي يختال== والارنب ياشفاه الروح ماحلاها وطاريها

    بلا كهرب ولا بيجر ولا غاز ولا نقال===== قوانين الحظاره لاتبي شوفي ولا بيها
  • شهد الربيع
    عضو
    • Feb 2005
    • 64

    #2
    صح لسانك وسلم بنانك اخوي

    لاهنت يالنشمي

    والله يعطيك العافيه

    تعليق

    • المستلج
      عضو
      • Mar 2005
      • 14

      #3
      اخوي شهد الربيع تسلم يالغالي علي المرور ولاهنت تحياتي

      تعليق

      Previously entered content was automatically saved. Restore or Discard.
      حفظ تلقائي
      Insert: Thumbnail صغير وسط كبير Fullsize Remove  

      ماهو اسم المنتدى؟ (الجواب هو الديرة)

      Working...