Unconfigured Ad Widget

Collapse

خسيتي لعنبوخدك

Collapse
X
  •  
  • الوقت
  • عرض
مسح الكل
new posts
  • السوسن
    عضو
    • Nov 2004
    • 10

    خسيتي لعنبوخدك


    ِخسيتي لعنبو خدك ؛ خسيتـي والغلـط ينعـاب
    خسيتي واقلبي وجهك ؛ ولا كلمـه ؛ ولاجابـه

    خسيتي والزمي حدك ؛ تراها ضاعـت الاداب
    انا لاطاشت جنوني ؛ يعـرف الجاهـل ادابـه

    وش المغزا من الكلمه بلا داعي بـلا الاسبـاب
    وهرج الكذب والتجريح ؛ قوليلـي وش اسبابـه

    انا الشرهه علي اني فتحت لخافقـي كـم بـاب
    ولكن مثل ماجيتي !!! ترا كبـر الجمـل بابـه

    خذي نفسك معك برا ؛ ثم انقلعي بـدون إيـاب
    فمان الله ؛ والا اقول :: فمان ابليس واصحابـه

    تحسبيني على فرقاك ابندم واغـرق الاهـداب
    انا مبسوط يوم اني ؛؛ طردت الشـوم وغرابـه

    انا ما اعاشر الخاين ولا اسمع هرجـة الكـذاب
    ومثلك قيمته عنـدي تحـت الزيـرو حسابـه

    هذاك اللي تحبينه ؛ حقيـر و خكـري ولعـاب
    عاجبك ان قذلته شقراء ويميّـل بالشعـر كابـه

    صحيح انه حقير و زين وشكله للنسـاء جـذاب
    تشّبه بأختـه فلانـه ؛؛ ومنهـا الـدم متشابـه

    وانا مانيب حرف الجر ؛؛ تجرينه على الاعراب
    انا حرف(ن) جزم نفسه ؛ ومثلي يصعب اعرابه

    تشوم النفس عن زينك عقب ماطاح فيها ذبـاب
    وانا حر(ن) ولد حر ؛؛ تركت الزيـن وذبابـه

    انا يابنت من ربع(ن) لهم فوق الفخر محـراب
    انا من روق ياخبله ؛ وربعي الهيله ( عتابـه )

    نسيا ماكلى (عمهوج) وكم روس بدون ارقـاب
    رزقك الله بحكم اللي حفظ عمهوج فـي جرابـه

    انا شيخ(ن) ولد شيخ ؛ بذكره تنعـم الانسـاب
    اليا قام العرب كـلاً ؛؛ يراجـع دفتـر انسابـه

    ولد شيخ(ن) وسط ربعه له بين الرجال حسـاب
    اليا ضاقت به الارياء ؛ يهز الارض مشعابـه

    محنكني على الطيبه من يومي صغيـر وشـاب
    اجل وش رايك بطفل(ن) دلال القهـوه العابـه

    ترى بدري على مثلك تعيب وساسهـا معيـاب
    ياليت اللي يعيبنـي ؛؛ يحـاول يستـر اثيابـه

    انا لاجتني الزله ؛ من الجاهـل وهـو كـذاب
    تركت القافله تمشـي ؛؛ وراهـا تنبـح كلابـه

    وانا ليامن كشف ان الخوي اصبح لسانـه داب
    نزعت السم من عرقه وكسرت بمخلبـي نابـه

    خلاص اليوم يافلانه ؛ كرهتك والقلوب اغراب
    وترى كل طير(ن) بكبد السماء يشبع بمخلابـه

    خساره مثلك بقلبي تضمـه غرفـة الاحبـاب
    وخساره غلطة العاشق ؛ يحطـك اول احبابـه

    بعد هذا تبين ارجع لاجل عينك نصير اصحاب
    خسيتي واقلبي وجهك ؛ ولا كلمـه ؛ ولاجابـه

    الشاعر محمد العضياني







  • عبدالله عبدربه الزهراني
    عضو مميز
    • Dec 2001
    • 3637

    #2
    قوووووووووووويه

    تسلم يمينك على هالنقل

    وصح لسان الشاعر

    وتقبل تحيتي وتقديري

    تعليق

    • العقرب
      عضو مميز
      • Dec 2004
      • 1835

      #3
      انتبه لي
      كذا قذائف والا فلا
      مشكور مشكور مشكور

      تعليق

      Previously entered content was automatically saved. Restore or Discard.
      حفظ تلقائي
      Insert: Thumbnail صغير وسط كبير Fullsize Remove  

      ماهو اسم المنتدى؟ (الجواب هو الديرة)

      Working...