Unconfigured Ad Widget

Collapse

هوشة بين اثنين خوافيين

Collapse
X
  •  
  • الوقت
  • عرض
مسح الكل
new posts
  • سراب

    هوشة بين اثنين خوافيين

    مرة فيه أثنين كل واحد في سيارته,تصادموا ونزل كل واحد من سيارته

    معصب ونافخ ريشة (يعني ان كل واحد منهم الحين بيفرم الثاني)

    ==================
    الاول وقال: هيه !! ما تشوف أنت, الواحد يمشي بسيارته وما يناظر الناس

    الثاني: أنا اللي ما يشوف والا أنت , لا ونازل معصب بعد!!

    الأول : ايه معصب عندك مانع .. لا لو ما مسكت لسانك ترى.....

    الثاني : ويش تبي تسوي يعني , تبي تضربني يا لله تعال .

    الاول : لا تعال أنت , أنت المخطي , وأنت اللي تجي لي

    الثاني: ليش أجي لك, أنت اللي تهدد , وأنت اللي تجي عندي

    الأول : ترى لو أقرب عندك ما هو أحسن لك

    صار الأول يتقدم بشويش يعني أنه يتحرك ومسوي نفسه شجاع
    والثاني مثله

    لكن لما شافوا الناس المتجمهـرين أن كل واحد يقرب للثاني مسكوهم

    عاد قال الاول : فكوني عليه !!! فكوني!!خلوني أطقطق عظامه

    الثاني وهو يرافس كأنه وين والناس ماسكينه: لا يا شيخ!!!!
    تعال قرب خلني أوريك مقامك عند الناس!! تعال !!تعال

    المهم الناس عجزوا يمسكونهم (من العصبـية) وفلتوا, يوم قربوا من بعض
    مرة!!!!!!!!

    قال الأول: يالله أضرب !!!

    الثاني: لا أنت أضرب الأول!!!

    الأول : لا أنت اللي مسوي فيها !!يا لله أضرب

    تشجع الثاني وعطاه (كف) خفيف بس عن قولة أني ما ضربته

    قال الأول: تضربني!!!! طيب ماني راد عليك
    ومشى وتركه:D :D :D

    ========================

    تحياتي
  • رحـــــــــــال الشدوي
    عضو
    • Sep 2001
    • 56

    #2
    ] صباح الخير اخت سراب وبعدين وين المرور عنهم كل المشاكل صارت والمرور مو متواجد وبعدين مادام انهم اقارب انطبق عليهم بيت الشاعر اللى يقول:
    ومامن شيمتى شتم ابن عمى......وما انا مخلف من يرتجينى
    تقبلى تحياتى واشواقى.::D :D

    تعليق

    • أبو ماجد
      المشرف العام
      • Sep 2001
      • 6289

      #3
      هذي مضاربة مدلعين !!!!! أما الرجال .. أما يتضاربون مضاربة رجال أو يتسامحون في البداية ... ويتعوذون من الشيطان .
      على فكرة .. الشجاع هو الذي يمسك نفسه عند الغضب ، وهذا ماوجهنا له رسولنا الكريم عليه أفضل الصلاة والتسليم ، ولكن الشيطان حريص على أن يوقع بين الناس .

      تعليق

      • الصقر
        عضو
        • Aug 2001
        • 39

        #4
        اضحك الله سنك بصراحة انا ضحكت لانك ذكرتيني بايام زمان كنا واحنا صغار هذي مضاربتنا ( اضرب انت لا انت اضرب اول ) والله حاله.

        تعليق

        • سراب

          #5
          يسلمووووووووو

          رحال * أبو ماجد

          على الردود وان شاء الله انها أعجبتكم

          ملاحظه

          وترى هذي نكته انكتبت للتسليه وادخال جو الفرح بيننا

          مو للشرح والنقاش لأن النكته لو انشرحت خربت0

          ===========================


          تحياتي

          تعليق

          • سراب

            #6
            تسلم أخوي صقر

            على الرد ويسعدني انها أعجبتك0

            وأخيرا لقيت واحد يفهم النكته0

            ================

            تحياتي

            تعليق

            Previously entered content was automatically saved. Restore or Discard.
            حفظ تلقائي
            Insert: Thumbnail صغير وسط كبير Fullsize Remove  
            or Allowed Filetypes: jpg, jpeg, png, gif, webp

            ماهو اسم المنتدى؟ (الجواب هو الديرة)

            Working...