Unconfigured Ad Widget

Collapse

بين الريس والمرئوس

Collapse
X
  •  
  • الوقت
  • عرض
مسح الكل
new posts
  • أبو أحمد
    عضو مميز
    • Sep 2002
    • 1770

    بين الريس والمرئوس

    بين الريس والمرئوس **** صرنا علكة بين ضروس **** هذا يخطط وذاك يحوس **** والله يعلم بالحالي

    قال الموظف يا رئيس **** في مرتبتي أبغى اخيس **** وما شفت الا قراطيس **** - و وعود مالها تالي

    قلت يا ريس هذا فلان **** في مرتبته من زمان **** وانا وعدته والآن **** ابيك توقعها لي

    قال لي انتا مالك دور **** وشلون توعد يا مغرور **** الله اكبر يا بلفور **** وعدك ينفذ طوالي

    يوم وجه لي هذا اللوم **** كني على وجهي ملطوم **** قلت الموظف يجيك اليوم **** وقل له اللي قلته لي

    كشر وطير لي عيونه **** وقال لي وين المرونه **** الموظف لو تقنعونه **** بنقصه يسكت في الحالي

    قلت الموظف مابه عيب **** الا نقص في التدريب **** ونحنا السبب يالحبيب **** محتاجينه طوالي

    قال لي دربه ( بارت تايم ) **** وقطع تدريبه دايم **** وخله في ( قريده ) نايم **** ولا تفتح له مجالي

    قلت باقول بفصاحه **** ارقد وخذ لك طراحه **** ما في ( قريد ) بصراحه **** لو توصل العلالي

    رفع الريس سلاحه **** وقال لي هذي وقاحه **** وقلبها لي مناحه **** وحلف ما يتركها لي

    هددني بصرامه **** ريسي واعرف احكامه **** ما يرجع في كلامه **** والله يلطف بالحالي

    رجعت وانا افكر **** هل اكذب ثم استغفر **** واحلف ثمن اكفّر **** وقمت ارتب اقوالي

    قلت للموظف المنسي **** لازم ترقا ( إن بلصي ) **** لأن ( الأوت اف بلصي ) **** ما عاد يمشي يا الغالي

    قال لي ما دربتوني **** وفي العمل كرفتوني **** وكم مره وعدتوني **** وما عاد عندي احتمالي

    انا من ( الإنتيقريشن ) **** مجمد وبلا ( برموشن ) **** وغيري ماله ( لمتيشن ) **** ( أوت بلصي ) طوالي

    لكن الله يمحاكم **** ويمحا العمل واياكم **** ويمحا كل روساكم **** ولا يبقالكم تالي

    قلت لا تدعي علينا **** ومافي شي بيدينا **** لكن اصبر علينا **** والله يغير الأحوالي

    قال لي الله ينكبكم **** ما شفنا اكذب منكم **** صار الكذب مذهبكم **** يقدم في كل مجالي

    قلت يا ريس انتهينا **** قاموا يدعون علينا **** وانت مكبل يدنا **** شف لك واحد بدالي

    قال لي وحدتك منحاسه **** وينك و وين الرئاسة **** الشغله تبغا فراسه **** لازم تغير في الحالي

    يا ناس انا شسوي **** عندي ريس متقوي **** وموظفي متهقوي **** اني ريس مثالي

    الموظف يبغى حقوقه **** وريسي أخشى عقوقه **** وماء وجيهي احوقه **** لا ياصل النعالي

    قلبي يا ناس انفطر **** ورئيسي قلبه صخر **** وصرنا ممشة زفر **** نوبخ مثل الأطفالي

    حملنا مسؤليه **** وسلبنا الصلاحيه **** هذي والله بليه **** تنهد لها الجبالي

    كلن يشكي رئيسه **** وريس ريس رئيسه **** وصار الموظف فريسه **** لقرارٍ ارتجالي

    رضا الجميع ما يدرك **** لكن كله لا يترك **** ورضا مولانا ابرك **** من جميع الأموالي

    اترك نهج الخواجه **** فكل افكاره سماجه **** وترا مالك به حاجه **** نهجه خربان وبالي

    الكذب عنده سياسة **** والظلم عنده فراسه **** وان شافك يحني راسه **** وتقول انه مثالي

    نبي نرجع للسيره **** ففيها حلول كثيره **** ونوجه المسيره **** الى الجنه طوالي

    ما أحسن الصراحه **** فيها النجاه والراحه **** والكل تكمل افراحه **** ويعمل مرتاح البالي

    ----------------------------------------------------------------------------------------------------------------------------------------------------------------------------------------------------------------------------

    اخواني الكرام هذا جزء يسير من معانات الرئيس المباشر وهو امر حساس جدا ولا يحب الرؤساء التطرق اليه ورد في المقال اعلاه بعض المصطلحات الإنجليزية ومعناها:

    ( ان بلصي ) = نظامي ومستوفي للشروط

    ( اوت اف بلصي ) = عكس ( ان بلصي )

    ( برموشن ) = ترقية

    ( لمتيشن ) = حدود او قيود

    ( الأنتيقريشن ) = الدمج ( دمج سمارك في ارامكو )

    ( بارت تايم ) = جزئي او نظام ساعات

    ( فل تايم ) = كامل الوقت

    ( قريد ) = درجة او مرتبه

    ختاماً

    نظام الترقيات في الشركة ممتاز ولكن البلا من الذي لا يحض على طعام المسكين


    (منقول)
  • المجداف
    عضو مميز
    • Apr 2002
    • 4273

    #2
    السلام عليكم

    شكرا للاخ ابواحمد على هذه الدعابه الجميله

    وانا الحقيقه احب هذا النوع من الكلام واحببت

    ان اقلد كاتبه ببعض الرباعيات التاليه:



    بين الريس والمرؤوس

    جانا مسؤول (ن) منحوس

    ملحوس(ن) مخه ملحوس

    لاجابوا طاري المكبوس

    ....

    شايف نفسه بين الناس

    ومايمشي الا بحراس

    ملقوف بليا احساس

    منفوخ(ن) بطنه والراس

    ....

    عامل فيها انه دكتور

    واثره طرطور(ن) مخبور

    لاقالوا وقف بالدور

    حمر عينه والزنقور

    ....

    متوسط له ناس كبار

    يوم تعين بالقرار

    مكتوب(ن)مع الشطار

    لكنه اغبى من فار

    ....

    سوى له احسن توقيع

    والاملا كله ترقيع

    لو كان الريس للبيع

    ماينشرى بالربيع

    ....

    مدمن فول ابو هشام

    من قبل خمسين عام

    حتى في شهر الصيام

    مايتصدق بالطعام

    ....

    بخيل(ن) بخله معروف

    لو جا عنده الضيوف

    همه تكوين الالوف

    ودايم في عقله مخطوف

    ....

    ريسنا ريس جبان

    مايعرف بانه انسان

    مانرجي منه احسان

    معزول(ن) عن الشجعان

    ....

    قراره كله اجحاف

    لاعدل (ن) به ولا انصاف

    دايم مهزوز وخواف

    ولا تكلم صوته جاف

    ....

    ريسنا ريس حافي

    ومتشيخ(ن) وسنافي

    مايخدم ربعه جافي

    رافع خشمه ذالحافي

    ....

    وبين الريس والمرؤوس

    ريسنا كنه طاووس

    منفوخ الراس ومهووس

    من قالوا انه قاموس

    ....

    قاعد في المنصب سنين

    يارب ينقلوه الصين

    دعوه من موظفين

    عانوا من ظلم(ن) مبين

    ............................................:D
    ....

    ناس (ن) يجيها المال وناس(ن) بلا مال

    وناس(ن) على جمر الغضا ماسكينه

    يا الله ياربي طلبتك بالآمال

    تعجل لنا بالغيث لو جات عينه


    ... المجداف ...

    تعليق

    Previously entered content was automatically saved. Restore or Discard.
    حفظ تلقائي
    Insert: Thumbnail صغير وسط كبير Fullsize Remove  

    ماهو اسم المنتدى؟ (الجواب هو الديرة)

    Working...