Unconfigured Ad Widget

Collapse

ريعت له

Collapse
X
  •  
  • الوقت
  • عرض
مسح الكل
new posts
  • صوت الجنوب
    عضو
    • Jul 2003
    • 49

    ريعت له

    اللي دعا حالي كما القوس باريه
    حد ٍ حداه ستاد بزعيتمانه

    ان ورّد القدوم يكرّب علابيه
    وارخى ذراعه و اصفحه لين مانه

    ماهو مرض واخبر اهلي عن مشاكيه
    اسباب من صوّب ضميري وكانه

    الجادل اللي مسرب ٍ في تمدريه
    ذعذع هواه وضاحك ٍ له زمانه

    لو كل من صوّب صويب ٍ يداويـه
    و يعالجه قلت اوصلوني مكانه

    حتى مشى كنه طفل ٍ تهديه
    و لا معلمة الحمام درجانه

    والى بغيت اترك مجاله وطاريه
    آبى قراني ينطلق من قرانه

    ريّعت له ترييع صقر ٍ لداعيه
    لا شاف نسره و اجهره باندبانه

    ومن الحرَّص جوَّد سبوقه برجليه
    و مبرقعه عن نقزته وخفقانه

    لو دلوني عنه ما ني بناسيه
    ما ني مهيبل ٍ دله مهيبلانه

    اوجس صوابه في ضميري وكاميه
    ما ني بمن يبدي خفيّه لسانه

    الرمح لو هو يطعن الخيل راعـيه
    ما صاب عركوزه الى اخطا سنانه

    و المهتوي طرد المها ما يعنيه
    كنه على زل العجم بعديانه





    ولكم تحياتي..

    صوت الجنوب
    آخر تعديل تم من قبل صوت الجنوب; 14-09-2003, 04:27 AM.
Previously entered content was automatically saved. Restore or Discard.
حفظ تلقائي
Insert: Thumbnail صغير وسط كبير Fullsize Remove  

ماهو اسم المنتدى؟ (الجواب هو الديرة)

Working...