Unconfigured Ad Widget

Collapse

قصيدة من عبق الماضي ...لعاشق

Collapse
X
  •  
  • الوقت
  • عرض
مسح الكل
new posts
  • sarri2000
    عضو
    • Oct 2001
    • 23

    قصيدة من عبق الماضي ...لعاشق

    قصيده من القلب لتصل الى القلب (الرجاء ابراز رايكم في القصيدة)

    يالحبيبه..الجفا…صوت الرياح
    برد..واحساس..وجراح
    والوفا...غصن… ندي
    سلف…سيدات الملاح
    كنت اغنيها…لهــا
    وعقب ماسافرت غنت
    واقسمت..
    … تنسى اللي راح
    من زعلها..من قهرها
    كيف سافر..ماذكرها
    واقسمت..
    …تنسى اللي راح
    *آه..يانوره الحبيبة
    اذكري..صبح حنون
    فيه..للورده.. جنون
    يوم تلمس يدك اليمنى
    وتختال ابشذا..عطر..لها
    …من يعلمها..تمون
    من يعلمها..تمون
    *اذكري
    رعشة يديني..خطوتي
    فرحتي..كل ابتساماتي
    وصادق..نظرتي
    من يصدقها..تخون
    وكل جرح في يديني
    ينتظر..كلمة..هلا
    قبل تقتلني الظنون
    صدقيني..ما اخون .
    كيف..اخون ؟!
    وكنت احس اني باموت
    لو…نسيتيني
    لو..تعديتي..هـلا
    وماذكرتيـني




    كيف..اخون ؟
    وكنت احس.. بكل كلمة
    تنـزرع..فيني.. لذاتـك
    كنت احس..بكل همسـة
    نايمـة..فـ..احمر شفاتك
    ..آه يانوره
    كثر..سهـر.. ونـوحي
    كثر..ما اشكي من جروحي
    …كنت احبــك
    آه..يا جاره .
    انظري وش صار.. فـينا
    انـتسى..الوادي..يدينـا
    وكبرت احلام ..الصغار
    صارت اغصان وثمـار
    وما بعد..منها جنينــا
    وفرق(الحامي)..الطيور
    وابتدى حلم النهـار
    قصر من باقي القصور
    قبل..ما تغرب ..عليـنا
    آه..يانوره
    ووجهك اقرب لعيني سمـا
    فيه اشوف الطهر.. والعفة
    والسماح اللي
    …كسـى وجه الصباح
    برده..وعطفة..
    آه..ياصبح..الشـموس
    ما يخالطك..الهجـوس
    متعب..بالحيل..وصفه
    متعب..بالقول..وصفه
    آه..يانوره
    عيونك..ساكنه..فيني ربيع
    مثل طفله..امها تخشى تضيع
    ساكنه..خوفي وصمتي
    ساكنه..بعدي وقـربي
    ساكنه..نومي وصحوي
    سـاكـنه ..فيني..جميــع
    سـاكـنه ..فيني..جميــع

    آه..يانوره
    وصوتك..عادني في كل.. شـارع
    فـ(الحمى)..في المروج وفي المزارع
    في مساريـب..البيوت
    في المفـارق.. والخبوت
    في ربى.. التين.. الحزين
    بين..لوزات..السنـين
    عـادني كنــه مــوادع
    عـادني كنــه مــوادع
    آه..يانوره
    يدينك..نقشة الحنا العذيه
    ضحكتك..والنرجسيـه
    بسمتك .. مشيتك
    عطفك .. حنانـك
    كلها كانت حياتي
    كلها كانت حياتي
    في..ثيابي
    في مسافات الطريق اللي يجيبك
    صوب..بابي
    في صباح اللعب والدنيا.. مطر
    في نداوة كل اوراق.. الشجر
    في عتابي ..
    لو كسرتي لعبتي
    في اسفك ..
    وقولتك خذ لعبتي
    آه..يانوره
    وعمري صار سن السادسه
    نزلـوني .. المدرسه
    في يدي.. مرسم.. وكراسه..(وكسره)يابسه
    اتعلم مثل كل اولاد (قريتنا)
    واذكر اني اول ماتعلمت
    الكتابه..اكتب اسمك
    واذكر اني اول ماتعلمت
    التشابه..كان رسمك



    وافرحوا.. فيني هلي
    والمدرس والمدير
    وقالوا..عني صار موهوب( وخطـير)
    مادروا انه ورى احساسي..
    عيون.. وقلب..صادق مايخون .
    *آه..ياجاره
    ذكرتك..يومنا طفلين مانخشى الضياع
    وحلمنا..نبقى سوى ماتعلمنا الـوداع
    آه كل شي..فيك.. افتكرته..
    شيطنة عهد الصبا..الشقا (والدارجيه)
    (والرحى) واحمد (وطق طاق)
    وبقايا من روايات لجحا (والسعلويه)
    والحكي طوله..وقصره
    والدلع حلوه..ومـره
    والزعل..صوتك..صياحك
    قولتك…ليش الأذيه
    آه..يانوره
    كثر..سهـر ونـوحي
    كثر..ماشكي من جروحي
    كنت احبـك
    *آه..ياجاره
    تناهيد.. التعب اثقلتـني بالحـنين
    عاثت.. بصدري ودارت
    في خفى.. الرجم الحزين
    لين.. طلت من عيوني
    واشرفت عـ المستكين
    واظهرت.. سري وباحت
    مانوت.. تهدى تلين
    لين..زرت اطلال حبك
    روضة الحب ..الدفين
    لين..جيت انفاس قربك
    في خمايلـها..تبـين





    *آه ..يانوره
    ترسم وجهك الرمان
    وجذور الصنوبر..في العنب
    في عذوق اللوز..واخصاف القصب
    في مكان..به قعدنا
    في مكان..به لعبنا
    لين..هديــنا ..التعب
    وانتشر..صوتك يدوي في.. الدروب
    في المسـاري..والسروب
    في السـواني..
    في البعاد..اللي كسـاني
    في الحنين اللي تجذر داخل آهات المكاني
    في الجسد..اللي لبس ثوب الأمل
    في جدار الطين..حتى في الأثل
    في الوجل…
    اللي حروفه تعتري صمت الأهل !
    وين..اروح وكلي.. انتي
    كل ماملك من زماني
    من احاسيسي ..خيالاتي
    وشوقي ..صرتي..انتي
    *آه ..واحتفي..لعمري
    كم ربيع..صار عمرك؟
    آه..واشوقي..لعطري
    اختلف..لونك..وعطرك.
    *يالحبيبه…
    مابقى..شي..خفي
    من بقى فينا..وفي
    ذكرياتي..ذكرياتك
    من..صفي…انصفي
    ردت..
    وقالت..لي نصيب
    ردت..
    وقالت..لي نصيب
    لو..يبـي..صرت..الحبيب.
    ....... يالحبيب.
    sarri2000
    12-7-1418هـ
    آخر تعديل تم من قبل sarri2000; 14-10-2001, 11:43 PM.
  • عبدالله الزهراني
    إداري ومؤسس
    • Dec 2000
    • 1542

    #2
    شيء جميل وفيه نوع من الشعر والنثر على حد سواءبعض الأبيات في غاية الروعة ؟؟؟ وعموما حاول الابتعاد عن النثر في طيات شعرك أو ما اسميتاه قصيدة ً وهذا مجرد رأيي وتقبل خالص شكري . أبو علي /// ودمتم .

    تعليق

    • البـــــــــرواز
      عضو
      • Jan 2002
      • 94

      #3
      شكراً sarri2000 على روعة القصيدة

      <APPLET codebase="http://ie.yimg.com/e/5da47e1c/h/87d89c18" width=400height=200 code="flame.class" height="128"><br></applet> [/QUOTE]

      <div style="width:100%;filter:glow(color=red,strength=4);color:white;font:14pt">
      كما اتمنى من الاخ عبدالله الزهراني التركيز اثناء قيامه بالملاحظة فالقصيدة رائعة وانت يا أخ عبدالله لو سمعتها من sarri2000 عندما أنشدها بلحنها الذي صاغه لها لما قلت ما قلت ولكن فيما يقال في العجلة الندامة وفي التأني السلامة

      عموما سترى هذه القصيدة النور قريبا بصوت قائلها وشاعرنا sarri2000 إن شاء الله ومن ثم تستطيعون الحكم عليها

      تعليق

      Previously entered content was automatically saved. Restore or Discard.
      حفظ تلقائي
      Insert: Thumbnail صغير وسط كبير Fullsize Remove  
      or Allowed Filetypes: jpg, jpeg, png, gif, webp

      ماهو اسم المنتدى؟ (الجواب هو الديرة)

      Working...